राज्यासाठी आपण काय करतो, याचं आत्मपरीक्षण केल्यास ते हितावह ठरेल; फडणवीसांना टोला

मुंबई, 20 मे : महाराष्ट्रापुढे कोरोनाचे संकट उभे ठाकले आहे. कोरोनावर मात करण्यासाठी युद्धपातळीवर प्रयत्न सुरू आहे. तर दुसरीकडे राजकीय आरोप प्रत्यारोप सुरूच आहे. ‘शरद पवार यांचं पत्र पंतप्रधान मोदींसाठी नेहमीच मार्गदर्शक ठरत असतं. त्यामुळे साहेबांच्या पत्राची चिंता न करता राज्यासाठी आपण काय करतो,याचं आत्मपरीक्षण केलं तर ते राज्यासाठी नक्कीच हितावह ठरेल’ अशा शब्दांत राष्ट्रवादीचे आमदार रोहित पवार यांनी विरोधीपक्ष नेते देवेंद्र फडणवीस यांना प्रत्युत्तर दिले आहे.

विरोधी पक्ष नेते देवेंद्र फडणवीस यांनी १९ मे रोजी राज्यपाल भगतसिंह कोश्यारी यांची भेट घेतली होती. भाजप कोरोनासंदर्भात महाराष्ट्र बचाव आंदोलन करणारा आहे. या आंदोलनाचं निवेदन देण्यासाठी फडणवीस आणि इतर नेते मंडळींनीही भेट घेतली होती.

या भेटीनंतर देवेंद्र फडणवीस यांनी राज्य सरकारने कोणतंही विशेष पॅकेज जाहीर केले नाही असं सांगत सरकारवर आरोप केले. यावर राष्ट्रवादीचे आमदार रोहित पवार यांनी देवेंद्र फडणवीसांना प्रत्युत्तर दिलं. त्यांनी ट्विटरमध्ये असं म्हटलं आहे की, देवेंद्र फडणवीस, जी आरोप-प्रत्यारोप सोडले तर आपण मांडलेले मुद्दे महत्त्वाचे असून त्यावर महाविकास आघाडी सरकार काम करत आहे. पण राज्याच्या काळजीपोटी वारंवार राज्यपालांकडे तक्रारी करण्यापेक्षा जबाबदार विरोधी पक्षनेता म्हणून मुख्यमंत्र्यांशी संवाद साधणं योग्य ठरु शकेल असा टोला लगावला.

.@Dev_Fadnavis जी आरोप प्रत्यारोप सोडले तर आपण मांडलेले मुद्दे महत्त्वाचे असून त्यावर #मविआ सरकार व मुख्यमंत्री साहेब काम करतच आहेत. पण राज्याच्या काळजीपोटी वारंवार राज्यपालांकडे तक्रारी करण्यापेक्षा जबाबदार विरोधी पक्ष नेता म्हणून मुख्यमंत्र्यांशी संवाद साधणं योग्य ठरू शकेल. https://t.co/kz2dIasaZ4

— Rohit Pawar (@RRPSpeaks) May 19, 2020

News English Summary: If we introspect what we do for the state without worrying about Saheb’s letter, it will definitely be beneficial for the state, ‘said NCP MLA Rohit Pawar in reply to Leader of Opposition Devendra Fadnavis.

News English Title: NCP MLA Rohit Pawar tweet on opposition leader Devendra Fadnavis on Sharad Pawar News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.