राष्ट्रवादी पक्षविस्ताराच्या तयारीला | प्रदेशाध्यक्षांचा १७ दिवसांचा ‘राष्ट्रवादी परिवार संवाद दौरा’

सांगली, २४ जानेवारी: ग्रामपंचायत निवडणुकीत चांगली कामगिरी केल्यानंतर राष्ट्रवादी काँग्रेस लगेचच पक्षविस्ताराच्या तयारीला लागला आहे. राज्यात लवकरच महत्वाच्या महानगरपालिकांच्या निवडणुका होणार आहेत. तसेच राज्यात सत्ता असल्याने राष्ट्रवादीने २०२४ च्या अनुषंगाने देखील पक्षबांधणीवर लक्ष केंद्रित केलं आहे आणि त्यानिमित्ताने पुढचा कार्यक्रम आखला आहे.

राष्ट्रवादी काँग्रेसचे प्रदेशाध्यक्ष आणि महाराष्ट्राचे जलसंपदामंत्री जयंत पाटील यांनी ‘राष्ट्रवादी परिवार संवाद दौर्‍या’ची काल पत्रकार परिषदेत घोषणा केली. २८ जानेवारीपासून पहिल्या टप्प्याला सुरूवात होणार असून या दौऱ्याच्या माध्यमातून पक्षातील इतर प्रमुख पदाधिकाऱ्यांसह सलग १७ दिवस ३ हजार किलोमीटरचा प्रवास करत पक्षाचे पदाधिकारी व कार्यकर्त्यांशी संवाद साधणार असल्याचे जयंत पाटील यांनी स्पष्ट केले. राष्ट्रवादी काँग्रेसने नेहमीच संवाद, समन्वय व पारदर्शकतेची भूमिका घेतली आहे. याआधीही पक्षाने कार्यकर्त्यांचे मनोगत जाणून घेण्यासाठी ‘राष्ट्रवादी पक्ष अभिप्राय’ ही डिजिटल मोहीम हाती घेतली होती. (NCP State president Jayant Patil on 17 days Rashtrawadi parivar Sanwad tour)

राष्ट्रवादी काँग्रेसच्या १७ दिवसांच्या या दौऱ्यात विदर्भ व खान्देशातील १४ जिल्हे, ८२ मतदारसंघाचा आढावा घेतला जाणार आहे. शिवाय कार्यकर्त्यांच्या १३५ बैठका व १० जाहीर सभा होणार आहेत. गडचिरोली, चंद्रपूर, भंडारा, गोंदिया, यवतमाळ, वाशिम, नागपूर, वर्धा, अमरावती, अकोला, बुलढाणा, जळगाव, धुळे, नंदुरबार असे १४ जिल्ह्यांत जयंत पाटील हे कार्यकर्त्यांच्या अडचणी लक्षात घेणार आहेत शिवाय पक्ष वाढवण्यासाठी रणनीती आखली जाणार आहे. तसेच जलसंपदा विभागाच्या प्रलंबित प्रश्नांबाबतही या दौऱ्यात बैठका घेतल्या जातील व प्रश्न मार्गी लावण्यासाठी प्रयत्न केले जातील अशी माहिती जयंत पाटील यांनी दिली.

महाविकास आघाडी सरकारचा प्रमुख घटक असलेल्या राष्ट्रवादी काँग्रेसला ग्रामपंचायत निवडणुकीत घवघवीत यश मिळाले. येत्या काही दिवसातच नगरपालिका, नगरपरिषद, महानगरपालिकांच्या निवडणुका होऊ घातल्या आहेत. त्या निवडणुकांच्या अनुषंगाने राष्ट्रवादी परिवार संवाद दौरा महत्त्वाचा मानला जात आहे. महाविकास आघाडी सरकारचा प्रमुख घटक असलेल्या राष्ट्रवादी काँग्रेसला ग्रामपंचायत निवडणुकीत चांगलं यश मिळालं. येत्या काही दिवसातच नगरपालिका, नगरपरिषद, महानगरपालिकांच्या निवडणुका होऊ घातल्या आहेत. या निवडणुकांच्या अनुषंगाने राष्ट्रवादी परिवार संवाद दौरा महत्त्वाचा मानला जात आहे.

News English Summary: NCP State President and Maharashtra Water Resources Minister Jayant Patil announced the ‘NCP Family Dialogue Tour’ at a press conference yesterday. The first phase will start from January 28 and through this tour, along with other key office bearers of the party, Jayant Patil will travel 3,000 km for 17 consecutive days and interact with party office bearers and workers. The NCP has always played a role of dialogue, coordination and transparency. Earlier, the party had launched a digital campaign called ‘NCP Opinion’ to know the mindset of the party workers.

News English Title: NCP State president Jayant Patil on 17 days Rashtrawadi parivar Sanwad tour news updates.