महत्वाच्या बातम्या

• 

  राज्यातील दूध उत्पादक शेतकऱ्यांच्या आंदोलनाला सुरुवात

  महाराष्ट्रातील दूध उत्पादक शेतकरी आर्थिक संकटात सापडला असून दुधाचे भाव १६ ते १८ रुपयांपर्यंत घसरले आहेत. या पार्श्वभूमीवर दूध दरात वाढ करण्याच्या मागणीसाठी शेतकरी संघटना आणि विरोधी पक्ष रस्त्यावर उतरले आहेत. अहमदनगर जिल्ह्यातील अकोले येथे दूध उत्पादक शेतकरी संघर्ष समितीच्या आंदोलनाला सुरुवात झाली आहे. यात अनेक शेतकरी संघटना आणि पक्षांनी सहभाग नोंदवला आहे. आंदोलनकर्त्यांनी दुधाला प्रतिलिटर 30 रुपये दर देण्याची मागणी केली आहे. यावेळी शेतकऱ्यांनी दगडाला दुधाचा अभिषेक घालून केंद्र आणि राज्य सरकारचा निषेध केला.

  5 वर्षांपूर्वी
• 

  बापरे! आज ९५१८ नवे कोरोना रुग्ण, २५८ रुग्णांचा मृत्यू

  राज्यात आज ३९०६ रुग्ण बरे होऊन घरी गेले आहेत. रुग्ण बरे होण्याचे प्रमाण ५४.६२ टक्के असून आतापर्यत एकूण संख्या १ लाख ६९ हजार ५६९ झाली आहे. दरम्यान, आज कोरोनाच्या ९५१८ नवीन रुग्णांचे निदान झाले असून सध्या राज्यात १ लाख २८ हजार ७३० रुग्णांवर (ॲक्टिव्ह) उपचार सुरू आहेत, अशी माहिती आरोग्यमंत्री राजेश टोपे यांनी आज दिली.

  5 वर्षांपूर्वी
• 

  फडणवीस नागपूरला गेले तरी सुनील केदार, यशोमती ठाकूर यांना भेटायला गेल्याच सांगतील

  महाविकास आघाडीतील पक्षांना सध्या सरकार पडण्याची भीती वाटत आहे. या भीतीने सध्या त्यांना झोप लागत नाही. त्यासाठी सरकारमधील घटकांनी झोपेच्या गोळ्या घ्याव्यात, असा टोला भाजप प्रदेशाध्यक्ष चंद्रकांत पाटील यांनी राज्य सरकारला लगावला. तसेच तुम्ही सरकार चालवा, आम्ही ते पाडण्यासाठी प्रयत्न करणार नाही, असेही पाटील यांनी म्हटले. ते रविवारी कोल्हापूर येथील पत्रकारपरिषदेत बोलत होते.

  5 वर्षांपूर्वी
• 

  मंदिर बांधून कोरोना जाणार नाही, मग उद्धव ठाकरे पंढरपुरला तरी कशाला गेले? - दरेकर

  अयोध्येतील राम मंदिराच्या भूमिपूजनाच्या पार्श्वभूमीवर राजकारण तापायला सुरुवात झाली आहे. येत्या ५ ऑगस्टला पंतप्रधान नरेंद्र मोदी यांच्या हस्ते राम मंदिराचे भूमिपूजन होणार असल्याचे सांगितले जात आहे. मात्र, देशात सध्या राम मंदिर बांधून कोरोना जाणार आहे का, असा खोचक सवाल राष्ट्रवादी काँग्रेसचे सर्वेसर्वा शरद पवार यांनी उपस्थित केला. शरद पवार हे आज सोलापूर दौऱ्यावर होते.

  5 वर्षांपूर्वी
• 

  महाराष्ट्र पोलिस दलात २४ तासांत १३३ जणांना कोरोना, दोघांचा मृत्यू

  महाराष्ट्रात शनिवारी ८ हजार ३४८ नवे कोरोना पॉझिटिव्ह रुग्ण आढळले. तर १४४ कोरोनाबळींचा नोंद झाली. त्यामुळे राज्यातील एकूण कोरोना रुग्णांची संख्या आता ३ लाख ९३७ इतकी झाली असून आतापर्यंत ११ हजार ५९६ जणांनी कोरोनामुळे आपला जीव गमावला आहे. दरम्यान, राज्यात काल ५ हजार ३०६ रुग्ण बरे होऊन घरी गेले. त्यामुळे आतापर्यंत राज्यात १ लाख ६५ हजार ६६३ जणांनी कोरोनावर यशस्वी मात केली आहे.

  5 वर्षांपूर्वी
• 

  जुन्ररमधील राष्ट्रवादीचे ज्येष्ठ नगरसेवक दिनेश दुबे यांचं कोरोनामुळे निधन

  पुण्यात कोरोनाने थैमान घातले आहे. कोरोनाबाधितांची संख्याही दिवसेंदिवस वाढत चालली आहे. त्याचसोबत पुण्यात अनेक लोकप्रतिनिधींनाही कोरोनाची लागण झाल्याचे समोर आले आहे. जुन्नरमध्ये राष्ट्रवादीचे नगरसेवक दिनेश दुबे (58) यांनाही कोरोनाची लागण झाली होती. मात्र उपचारादरम्यान आज पहाटे त्यांचे खाजगी रुग्णालयात निधन झाले. दिनेश दुबे यांच्या निधनाने जुन्नर शहर व परिसरात मोठी शोककळा पसरली आहे.

  5 वर्षांपूर्वी
• 

  आज राज्यात तब्बल ८३४८ नव्या रुग्णांची भर, तर १४४ रुग्णांचा मृत्यू

  आज राज्यात तब्बल ८३४८ नव्या रुग्णांची भर पडली. तर १४४ जणांचा मृत्यू झाला. त्यामुळे एकूण रुग्णसंख्या ३,००,९३७’वर गेली आहे. तर एकूण मृत्यू ११५९६ एवढे झाले आहेत. तर मुंबईत आज ११८६ नवे रुग्ण आढळले तर ६५ जणांचा मृत्यू झाला. त्यामुळे मुंबईतल्या रुग्णांची संख्या १,००,३५० एवढी झाली. तर आत्तापर्यंत ५६५० जणांचा मृत्यू झाला.

  5 वर्षांपूर्वी
• 

  राज्यात आजपर्यंत एकूण १० हजारांहून अधिक बालकांना कोरोनाचा संसर्ग

  कोरोना व्हायरसची दहशत राज्यात कायम आहे. कोरोनारुग्णांच्या संख्येने राज्यात ३ लाखांचा टप्पा ओलांडला आहे. एकट्या मुंबईतच १ लाखांवर रुग्ण आतापर्यंत सापडले आहेत. कोरोनाचा मृत्यूदर दिवसेंदिवस खाली येत असला, तरी या रोगाचा संसर्ग झपाट्याने पसरत आहे. त्यामुळे धोका कायम आहे.

  5 वर्षांपूर्वी
• 

  फडणवीसांनी मुख्यमंत्री पदासाठी मुंगेरीलालची सुंदर स्वप्नं पाहावीत - गुलाबराव पाटील

  देवेंद्र फडणवीस यांनी दिल्ली दौरा केल्यापासून महाराष्ट्रातील सरकार सुद्धा पडणार अशी चर्चा समाज माध्यमांवर पाहायला मिळाली. मात्र स्वतः फडणवीसांनी देखील आम्हाला सरकार पाडण्यात काहीच रस नसल्याचं म्हटलं आहे. मात्र त्यानंतर देखील महाविकास आघाडी सरकारमधील नेतेमंडळींकडून प्रतिकिया येतंच आहेत.

  5 वर्षांपूर्वी
• 

  पुणेकरांना जीवनावश्यक वस्तुंच्या खरेदीसाठी लॉकडाउनमधून एकदिवसाचा दिलासा

  कोरोना व्हायरसची साखळी तोडण्यासाठी पुण्यात पुन्हा एकदा कठोर लॉकडाउन लागू करण्यात आला आहे. करोनाची साखळी तोडण्यासाठी पालकमंत्री अजित पवार यांनी पुण्यात दहा दिवसांसाठी लॉकडाउनची घोषणा केली होती. त्यानुसार पुण्यात १४ जुलैपासून जीवनावश्यक वस्तुंची, किरकोळ, मटन, चिकन, मासे, अंडी विक्रीची सर्व दुकाने बंद होती.

  5 वर्षांपूर्वी
• 

  राजस्थान सरकार पाडण्यासाठी महाराष्ट्र भाजपने ५०० कोटी जमा केल्याचा आरोप बिनबुडाचा - दरेकर

  राजस्थानातील आमदारांना विकत घेऊन काँग्रेस सरकार पाडण्यासाठी महाराष्ट्रातील भाजप नेत्यांनी बिल्डर आणि व्यावसायिकांकडून ५०० कोटी रूपये जमवले आहेत, असा आरोप प्रदेश काँग्रेस कमिटीचे सरचिटणीस व प्रवक्ते सचिन सावंत यांनी केला होता.

  5 वर्षांपूर्वी
• 

  जलसंधारणमंत्री शंकरराव गडाख होम क्वारंटाइन, पत्नीचा कोरोना रिपोर्ट पॉझिटिव्ह

  राज्यात लॉकडाऊन असूनही कोरोनाबाधित रुग्णांच्या संख्येत सातत्यानं वाढ होत आहे. त्यात आणखी एक धक्कादायक माहिती समोर आली आहे. ती म्हणजे, शिवसेना नेते आणि राज्याचे जलसंधारणमंत्री शंकरराव गडाख हे स्वत: हून क्वारंटाइन झाले आहेत. शंकरराव गडाख यांची पत्नी सुनिता गडाख यांचा कोरोना रिपोर्ट पॉझिटिव्ह आला आहे. त्यामुळे शंकरराव गडाख यांनी क्वारंटाइन होण्याचा निर्णय घेतला आहे. मंत्री गडाख यांचाही स्वॅब तपासणीसाठी पाठवला आहे. आता गडाखांच्या अहवालाची प्रतीक्षा आहे.

  5 वर्षांपूर्वी
• 

  मुंडे, शेलार, तावडेंना भाजपच्या राष्ट्रीय कार्यकारिणीत स्थान मिळण्याची शक्यता..खडसे अधांतरी

  माजी मुख्यमंत्री आणि विरोधी पक्षनेते देवेंद्र फडणवीस सद्या दिल्ली दौऱ्यावर आहेत. मात्र दिल्लीत गेल्यानंतर राज्यातील काही मंत्र्यांसाठी त्यांनी खुश खबर आणली आहे. कारण भाजपच्या राष्ट्रीय कार्यकारणीत पंकजा मुंडे, आशिष शेलार, विनोद ताडवे, संभाजी-निलंगेकर पाटील यांना स्थान मिळाल्याचं समोर येतंय. याबाबत अद्यापही अधिकृत माहिती मिळालीी नसू भाजप अध्यक्ष जे.पी नड्डा यांच्यासोबत फडणवीस आज भेट घेणार आहेत.

  5 वर्षांपूर्वी
• 

  महिला सर्वत्र असुरक्षित, त्या बलात्काऱ्याला कोणतेही वैद्यकीय उपचार मिळू नयेत - शालिनी ठाकरे

  नवी मुंबईत कोरोनानं थैमान घातलं असताना एक धक्कादायक घटना समोर आली आहे. क्वारंटाइन सेंटरमध्ये एक कोरोना पॉझिटिव्ह महिला रुग्णावर अतिप्रसंग करण्यात आला होता. पनवेलमधील नवी मुंबई महानगरपालिकेच्या एका क्वारंटाइन सेंटरमध्ये गुरुवारी रात्री हा मानवतेला काळिमा फासणारा प्रकार घडला. या घटनेमुळे सर्वत्र खळबळ उडाली आहे.

  5 वर्षांपूर्वी
• 

  ६ कोरोना योद्धाचं निलंबन, कोरोना आपत्तीत वसई-विरार आयुक्तांचं फुलटाईम राजकारण

  सध्या वसई विरार महापालिका क्षेत्रात कोरोना रुग्णसंख्या झपाट्याने वाढत आहे. परिस्थिती चिंताजनक असली महत्वाचं विद्यमान पालिका आयुक्त गंगाथरण डी यांना फुलटाईम राजकारण करण्यातच रस असल्याचं पाहायला मिळतंय. वास्तविक साध्याचं वसई विरारमधील त्यांची कार्यशैली पाहता त्यांच्याविरुद्ध न्यायालयात खटले दाखल झाल्यास आश्चर्य वाटणार नाही. यापूर्वी देखील अधिकारांचा गैरवापर केल्याने मुंबई हायकोर्टात खटला दाखल करण्यात आल्याचं समोर आलं आहे.

  5 वर्षांपूर्वी
• 

  भाजपचे आमदार फुटू नयेत म्हणून वरिष्ठ त्यांना सत्ता येण्याचं लॉलीपॉप दाखवत आहेत - भुजबळ

  महाराष्ट्राचे माजी मुख्यमंत्री आणि विधानसभेचे विरोधी पक्षनेते देवेंद्र फडणवीस यांनी दिल्लीत जाऊन केंद्रीय गृहमंत्री अमित शाह यांची भेट घेतली. ही भेट राजकीय नव्हती. आम्हाला सरकार पाडण्यात काहीही कुठलाही रस नाही. आत्ता कोरोनाची लढाई सुरु आहे. त्यामुळे कोरोनाच्या संदर्भात आणि शेतकऱ्यांना मदत करण्यासाठी ही भेट होती. महाराष्ट्रातली कोरोनाची परिस्थिती मी अमित शाह यांच्या कानावर घातली आहे. तसेच फडणवीसांच्या दिल्ली दौऱ्यामुळे पुन्हा राज्यातील सरकार पडणार अशी चर्चा सुरु झाली.

  5 वर्षांपूर्वी
• 

  शेतकऱ्यांकडून माल खरेदी करून विक्री, मराठी युवकाचा 'Next Fresh' ब्रॅण्ड नफ्यात

  जगातील तब्बल ५५.५ कोटी कर्मचाऱ्यांना आणि उच्च शिक्षण घेणाऱ्या २० कोटी विद्यार्थ्यांना कोरोनाचा फटका बसला आहे. मे महिन्याच्या सुरुवातील भारतातील बेरोजगारीचा दर २७.१ टक्क्यांवर जाऊन पोहोचला. तर मार्च ते एप्रिल या कालावधीत तब्बल १२.२ कोटी लोकांनी रोजगार गमावला. कोर्सेरा या ऑनलाईन प्लॅटफॉर्मनं ही आकडेवारी प्रसिद्ध केली आहे.

  5 वर्षांपूर्वी
• 

  राज्यात गेल्या २४ तासात ८,३०८ नवे कोरोना रुग्ण, २५८ रुग्णांचा मृत्यू

  राज्यामध्ये सलग दोन दिवस कोरोनाग्रस्तांच्या संख्येत ८ हजारांपेक्षा जास्तची वाढ झाली आहे. मागच्या २४ तासात राज्यात कोरोनाचे ८,३०८ रुग्ण वाढले आहेत, तर २५८ मृत्यूंची नोंद झाली आहे. आजही मुंबईपेक्षा पुण्यात कोरोनाचे जास्त रुग्ण वाढले आहेत. मुंबईत आजच्या दिवसात १,२९४ तर पुण्यात १,५३९ रुग्ण वाढले आहेत. मुंबईमध्ये एका दिवसात ६२ जणांचा मृत्यू झाला, तर पुणे मनपा क्षेत्रात २१ जणांना कोरोनामुळे जीव गमवावा लागला.

  5 वर्षांपूर्वी
• 

  नवी मुंबई महानगरपालिकेच्या कोविड सेंटरमध्ये कोरोनाबाधित महिलेवर बलात्कार - ANI वृत्त

  मुंबईत कोरोनानं थैमान घातलं असताना एक धक्कादायक घटना समोर आली आहे. क्वारंटाइन सेंटरमध्ये एक कोरोना पॉझिटिव्ह महिला रुग्णावर अतिप्रसंग करण्यात आला आहे. पनवेलमधील नवी मुंबई महानगरपालिकेच्या एका क्वारंटाइन सेंटरमध्ये गुरुवारी रात्री हा मानवतेला काळिमा फासणारा प्रकार घडला. या घटनेमुळे सर्वत्र खळबळ उडाली आहे.

  5 वर्षांपूर्वी
• 

  बकरी ईदसाठी राज्य सरकारकडून मार्गदर्शक सूचना जाहीर

  बकरी ईदसाठी राज्याचे गृहमंत्री अनिल देशमुख यांनी मार्गदर्शक सूचना जाहीर केल्या आहेत. कोरोना व्हायरसमुळे उद्भवलेल्या संसर्गजन्य परिस्थितीचा विचार करता या वर्षी बकरी ईद साध्या पदध्तीने साजरी करावी, असे आवाहन गृहमंत्री अनिल देशमुख यांनी केले आहे.

  5 वर्षांपूर्वी