महत्वाच्या बातम्या

• 

  पवारांच्या गाडीच्या मागे धावणारे आज पवारांच्या ताफ्यात सामील, शिवबंधन तोडले

  “स्वराज्य रक्षक संभाजी महाराज” फेम आणि जुने “छत्रपती शिवाजी महाराज” म्हणून माहित असलेले अमोल कोल्हे राष्ट्रवादीत दाखल. आज त्यांनी राष्ट्रवादीच्या बड्या नेत्यांच्या उपस्थितीत राष्ट्रवादी काँग्रेस पक्षात जाहीर प्रवेश केला. २०१४ च्या निवडणुकीत ते शिवसेनेचे स्टार प्रचारक होते, आणि आता शिवसेनेच्या दुटप्पी धोरणांना कंटाळून त्यांनी राष्ट्रवादी काँग्रेस मध्ये प्रवेश केला.

  6 वर्षांपूर्वी
• 

  जमली नाही गर्दी म्हणून सभा लवकर आटोपली... रावसाहेब दानवेंना कार्यकर्त्यांची पाठ

  #ApnaBoothSabseMajboot भाजपचे राष्ट्रीय अध्यक्ष अमित शहा यांच्या उपस्थितीत सांगलीमध्ये भाजपचा संवाद संघटन मेळावा होणार होता. मात्र अमित शहांच्या अनुपस्थितीमुळे नाराज झालेले भाजप कार्यकर्ते व बुथ प्रमुखांनी प्रदेशाध्यक्ष रावसाहेब दानवे उपस्थित असतानादेखील मेळाव्याकडे पाठ फिरवली. खासदार, चार आमदार, जिल्हा परिषद, महानगरपालिका, नगरपालिका, पंचायत समित्या आदी असूनदेखील जाहीर केल्याप्रमाणे पाच हजार कार्यकर्तेदेखील भाजप नेत्यांना जमा करता आले नाहीत. मोकळ्या खुर्च्या पाहून प्रदेशाध्यक्ष दानवे यांनी आपले भाषण आटोपते घेत काढता पाय घेतला.

  6 वर्षांपूर्वी
• 

  अफझल खान सरकारला अजून ५ वर्ष देऊन बघू - उद्धव ठाकरे एवढे का नरमले?

  स्वतःला शिव-शंभूंचे अवतार मानून अफझल खानाचा कोथळा बाहेर काढण्याची भाषा करणारे पूर्वीचे उद्धव ठाकरे आणि सध्या भाजपच्या हातात हात घालून त्यांचे गोडवे गाणारे उद्धव ठाकरे हे मराठी माणसांना रुचण्यासारखं नक्कीच नाही. उद्धव ठाकरेंनी युतीची घोषणा करताच भाजप पुढे शड्डू ठोकून उभा असलेला सामान्य शिवसैनिक मात्र मातोश्री आदेशानंतर बुचकाळ्यात पडला आहे. सामान्य शिवसैनिकांना बाळासाहेबांची शपथ देऊन आणि वचन घेऊन उद्धव ठाकरेंनी स्वबळाचा शंख वाजवला खरा परंतु असे काय नेमके घडले कि त्यांना भाजप सोबत युती करावी लागली?

  6 वर्षांपूर्वी
• 

  स्क्वॉड्रन लीडर निनाद अनिल मांडवगणे यांना त्यांच्या चिमुकलीने दिलेला निरोप पाहून मन भारावलं

  भारत-पाकिस्तान तणावा दरम्यान भारतीय वायू दलाचे हेलिकॉप्टर काश्मीरमध्ये क्रॅश झाले आणि त्यात स्क्वॉड्रन लीडर निनाद मांडवगणे शहीद झाले. जम्मू-काश्मीरच्या बडगाम जिल्ह्यात शहीद झालेले स्क्वॉड्रन लीडर निनाद मांडवगणे यांच्या पार्थिवावर आज नाशिकमध्ये लष्करी इतमामात अंत्यसंस्कार केले जाणार आहेत.

  6 वर्षांपूर्वी
• 

  शिवसेनेला धक्का, अमोल कोल्हे राष्ट्रवादीच्या वाटेवर, शिवाजीराव आढळराव पाटील यांचा मार्ग खडतर?

  छत्रपती संभाजी राजेंची भूमिका साकारून घराघरात पोहचलेले अभिनेते अमोल कोल्हे हे शिवसेना सोडून एनसीपीत प्रवेश करणार असल्याची चर्चा आहे. राष्ट्रवादीच्या वरिष्ठ नेत्यांच्या उपस्थितीत अमोल कोल्हे यांचा आज पक्षप्रवेश होणार असल्याची वृत्त आहे. असं झाल्यास हा शिवसेनेसाठी लोकसभा निवडणुकांच्या तोंडावर एक मोठा धक्का आहे असंच मानलं जातं आहे. तसेच शिवसेनेचे शिरूरचे विद्यमान खासदार आढळराव पाटील यांचा मार्ग खडतर झाला आहे.

  6 वर्षांपूर्वी
• 

  मोदींनी पाकशी चर्चेची संधी सोडू नये, राज ठाकरेंचे आवाहन - सविस्तर वृत्त

  राज ठाकरेंनी त्यांच्या अधिकृत फेसबुक पेज वर जारी केलेल्या परिपत्रकात असे म्हटले आहे कि, जर पाकिस्तान पंतप्रधान इम्रान खान यांनी चर्चेचे निमंत्रण दिले आहे तर त्यांनी ताबडतोब भारतीय वैमानिक अभिनंदन यांना भारतात परत पाठवावे आणि बॉर्डरवर होणारा गोळीबार थांबवावा. म्हणजेच आपण खरंच शांततेच्या मार्गाने हा विषय सोडवण्याच्या मानसिकतेत आहेत हे स्पष्ट होईल.

  6 वर्षांपूर्वी
• 

  मनसेचे मुंबईतील एकमेव नगरसेवक संजय तुर्डे यांच्याकडून पुलवामा हल्ल्यातील शहिदांना आर्थिक मदत

  देशातील विविध स्तरातील लोकांनी शहिदांच्या कुटुंबियांना आर्थिक तसेच शैक्षणिक मदत जाहीर केली. महाराष्ट्र सरकारने देखील थोडी पण मदत जाहीर केली. परंतु मनसेचे मुंबईतील एकमेव नगरसेवक संजय तुर्डे यांनी बृहन्मुंबई महानगरपालिकेकडून त्यांच्या नगरसेवक पदासाठी मिळणारे पुढील एक वर्षाचे मानधन पुलवामा येथील शहिद झालेल्या CRPF जवानांना समर्पित केले. हि मदत जरी थोडी असली तरी त्यांनी दाखवलेली भावना हि मोठी आहे आणि त्यांच्या या कार्याला लक्षात घेऊन इतर राजकारण्यांनी देखील शहीद जवानांना मदत केली पाहीजे.

  6 वर्षांपूर्वी
• 

  बेकायदेशीर होर्डिंग व मारहाण; भाजप नगरसेवक मुरजी पटेल यांना हायकोर्टाने झापले

  मुंबई अंधेरी पूर्वेचे भाजपचे नगरसेवक मुरजी पटेल आणि त्यांच्या कार्यकर्त्यांना बेकायदा बॅनरविरोधात कारवाई करण्यासाठी गेलेल्या मुंबई महापालिका अधिकाऱ्यांना मारहाण केल्याप्रकरणी मुंबई उच्च न्यायालयानं चांगलच धारेवर धरलं आणि कडक ताशेरे ओढले आहेत. दरम्यान, घडलेल्या गंभीर प्रकरणाची जबाबदारी घेत जाहीर माफी मागा आणि मुंबई पालिका अधिकाऱ्यांना केलेल्या मारहाणीबद्दल पालिकेकडे योग्य नुकसानभरपाई देऊन सदर प्रकरण संपवा, असे स्पष्ट निर्देश मुंबई उच्च न्यायालयाने दिले.

  6 वर्षांपूर्वी
• 

  तुलसी जोशींचा दणका, बांधकाम व्यवसायिकाने मराठी १२ तरुणांना अखेर धनादेश दिले

  महाराष्ट्र नवनिर्माण सेनेचे पालघरचे कार्यकर्ते आणि राज ठाकरे यांचे कट्टर समर्थक तुलसी जोशी हे शक्य असलेल्या मदतीसाठी सामान्य मराठी माणसाला कधीच नाही बोलत नाहीत, याची अनेक उदाहरणं प्रसार माध्यमांच्या प्रतिनिधींनी पाहिली आहेत. त्यापैकीच अजून एक मदतीचं प्रकरण वसई येथून समोर आलं आहे. तब्बल १२ मराठी तरुणांनी कष्टाचा पैसे वसईमध्ये स्वतःचे घर घेण्याच्या उद्देशाने एका प्रकल्पात गुंतवला होता.

  6 वर्षांपूर्वी
• 

  राज्य विधिमंडळाचे अर्थसंकल्पीय अधिवेशन आजपासून

  महाराष्ट्र विधीमंडळाचे अर्थसंकल्पीय अधिवेशनाला आजपासून सुरुवात होत आहे. आजपासून सलग सहा दिवस अधिवेशन चालणाऱ्या अधिवेशनाची सुरुवात राज्यपालांच्या अभिभाषणाने होईल. आगामी लोकसभा निवडणुकीच्या अनुषंगाने सदर अर्थसंकल्पीय अधिवेशनाला विशेष महत्व आहे. मराठा, सवर्ण, धनगर आरक्षणाचा मुद्दा गाजण्याची शक्यता आहे. अधिवेशनात शेतकऱ्यांच्या सरसकट कर्जमाफीची मागणी करणार असल्याचे विरोधी पक्षनेते आणि काँग्रेस नेते राधाकृष्ण विखे पाटील पाटील यांनी सांगितले होते.

  6 वर्षांपूर्वी
• 

  अमित शहा पाकच्या पाण्यात झोपले की पाकिस्तानचं पाणी बंद होणार का? राज ठाकरेंचा टोला

  सध्या लोकसभा निवडणुकीच्या तोंडावर राजकीय वातावरण तापले आहे. त्यात पुलवामा जिल्ह्यात सीआरपीएफ’च्या जवानांवर झालेल्या भ्याड हल्ल्यात तब्बल ४० जवान शहीद झाले आणि त्यामुळे पाकिस्तानविरोधात देशभरात रोष व्यक्त करण्यात येतो आहे. दरम्यान, सध्या पाकिस्तान विरोधात वातावरण तापलेले असताना राज ठाकरे यांनी पुन्हा एक धक्कादायक विधान केल्याने राजकीय वातावरण ढवळून निघण्याची शक्यता आहे.

  6 वर्षांपूर्वी
• 

  फक्त अजित डोभालची सखोल चौकशी करा, सर्व सत्य बाहेर येईल: राज ठाकरे

  सध्या लोकसभा निवडणुकीच्या तोंडावर राजकीय वातावरण तापले आहे. त्यात पुलवामा जिल्ह्यात सीआरपीएफ’च्या जवानांवर झालेल्या भ्याड हल्ल्यात तब्बल ४० जवान शहीद झाले आणि त्यामुळे पाकिस्तानविरोधात देशभरात रोष व्यक्त करण्यात येतो आहे. दरम्यान, सध्या पाकिस्तान विरोधात वातावरण तापलेले असताना राज ठाकरे यांनी पुन्हा एक धक्कादायक विधान केल्याने राजकीय वातावरण ढवळून निघण्याची शक्यता आहे.

  6 वर्षांपूर्वी
• 

  सेनेला भगदाड पाडून अर्जुन खोतकर काँग्रेसमधून दानवेंच्या विरोधात लोकसभेच्या आखाड्यात?

  आगामी लोकसभा निवडणुकीच्या अनुषंगाने भाजप आणि शिवसेनेत युती झाली खरी, परंतु आता ही युती शिवसेनेच्या अंगलट येण्यास सुरुवात झाली आहे. शिवसेनेतून थेट मंत्री पदावर असलेले नेतेच फुटण्यास सुरुवात झाली आहे. युतीची घोषणा झाल्यानंतर मंत्री अर्जुन खोतकर यांनी युती झाली तरी लोकसभा निवडणुकीत रावसाहेब दानवेंच्या विरोधात रणशिंग फुंकणार असल्याचे सूचित केले होते. परंतु त्यानंतर शिवसेना पक्षप्रमुख उद्धव ठाकरे यांनी अर्जुन खोतकर यांना भेट नाकारली होती. त्यानंतर अर्जुन खोतकर देखील संतापल्याचे समजते.

  6 वर्षांपूर्वी
• 

  सरकार केवळ धर्माच्या नावाखाली लोकांमध्ये विष पेरतंय: शरद पवार

  महाराष्ट्रात गंभीर दुष्काळी परिस्थिती असताना केंद्र आणि राज्य सरकारकडून अद्याप मदत दिली जात नाही. जनतेला मदत करण्याची या सरकारची भावनाच नाही. जनावरांना चारा नाही. एकही छावणी सुरु नाही. रोजगार हमीची कामे नाहीत. याकडे लक्ष देण्याऐवजी हे सरकार धर्माच्या नावाखाली समाजामध्ये विष पसरवत असल्याची टीका राष्ट्रवादी काँग्रेसचे राष्ट्रीय अध्यक्ष शरद पवार यांनी शनिवारी येथे केली.

  6 वर्षांपूर्वी
• 

  आमचे भांडण किती जागा मिळाव्यात यासाठी नाही: प्रकाश आंबेडकर

  आगामी लोकसभा निवडणुकीच्या तोंडावर मुंबईतील शिवाजीपार्क मैदानावर वंचित बहुजन आघाडीची भव्य सभा पार पडली. दरम्यान, केंद्रात सत्तेवर आल्यावर आरएसएस’ला संविधानाच्या चौकटीत आणण्याची काँग्रेसने हमी दिली तरच त्यांच्याशी आम्ही युती करू असा पुनरुच्चार वंचित बहुजन आघाडीचे अध्यक्ष प्रकाश आंबेडकर यांनी कालच्या सभेत केला.

  6 वर्षांपूर्वी
• 

  आम्हाला कमळाने फसवले! कमळावर बहिष्कार हीच आमची भूमिका: मराठा क्रांती मोर्चा

  सध्या राज्यात लोकसभा निवडणुकीच्या प्रचाराला आणि उमेदवार निश्चितीला वेग आलेला असताना भाजपाला जोरदार राजकीय धक्का बसला आहे. कारण मराठा क्रांती मोर्चाने देखील लोकसभा निवडणुकीच्या आखाड्यात उतरण्याची तयारी सुरु केली आहे. कमळावर बहिष्कार हीच आमची भूमिका आहे, असे सांगत मराठा क्रांती मोर्चाच्या पदाधिकाऱ्यांनी लोकसभा निवडणुकीच्या रिंगणात उतरणार असल्याची जाहीर घोषणा केली आहे. भारतीय जनता पक्षच नव्हे तर काँग्रेस आणि राष्ट्रवादी काँग्रेसने देखील मराठा समाजावर अन्यायच केला, असे क्रांती मोर्चाने म्हटले आहे.

  6 वर्षांपूर्वी
• 

  शिवेंद्रराजे व नरेंद्र पाटील यांच्यात मिसळ पे चर्चा! उदयनराजेंविरुद्ध रणनीती?

  आगामी लोकसभा निवडणुकीच्या अनुषंगाने भाजपने वेगवेगळ्या रणनीती अवलंबण्यास सुरुवात केली आहे. दरम्यान, सातारा लोकसभा मतदारसंघात एनसीपीने विद्यमान खासदार उदयनराजे भोसले यांच्या उमेदवारीवर शिक्कामोर्तब केल्यानंतर विरोधकांमध्ये जोरदार राजकीय वारे वाहू लागले आहेत. राष्ट्रवादीतील गटबाजी पुन्हा उफाळून आली आहे. शिवेंद्रसिंहराजे भोसले यांचे समर्थक नाराज झाले असून त्यांनी थेट राष्ट्रवादीचे सर्वेसर्वा शरद पवार यांची भेट देखील घेतली होती. या विषयाच्या अनुषंगाने, शिवेंद्रसिंहराजे आणि भाजपाचे संभाव्य उमेदवार नरेंद्र पाटील आज एकत्र मिसळ खाताना दिसल्यानं सगळ्यांच्याच भुवया उंचावल्यात.

  6 वर्षांपूर्वी
• 

  बाळासाहेब ठाकरे मर्द होते तर उद्धव ठाकरे घुटने टेकू: अबू आझमी

  स्वबळाची शपथ घेणारे आणि मागील साडेचार वर्ष सत्तेत राहून भाजप आणि मोदींवर टीका करणाऱ्या उद्धव ठाकरे यांनी काही दिवसांपूर्वीच युतीची घोषणा केली आहे. त्यानंतर सर्वच विरोधकांनी शिवसेना आणि उद्धव ठाकरे यांच्यावर निशाणा साधला आहे.

  6 वर्षांपूर्वी
• 

  भुजबळ तुम्ही जामिनावर बाहेर आहात, त्यामुळे बोलताना विचार करा: फडणवीस

  काही दिवसांपासून राज्याचे माजी उपमुख्यमंत्री छगन भुजबळ यांनी सभांमधून नरेंद्र मोदी यांना चांगलेच लक्ष करत, तिखट प्रहार केले आहेत. त्यामुळे त्यांची टीका भाजपच्या देखील जिव्हारी लागत आहे असं म्हणावं लागेल. विरोधकांच्या सभेला गर्दी होत नाही म्हणून त्यांना सभेत नकलाकार आणावे लागतात आणि ती लोक पंतप्रधान नरेंद्र मोदीजी यांची स्टाइल मारत फिरतात. पण मी या नकलाकारांना इतकंच सांगतो की तुम्ही सूर्याकडे पाहून थुंकले की थुंकी आपल्याच चेहऱ्यावर पडते, अशा शब्दात राज्याचे मुख्यमंत्री देवेंद्र फडणवीस यांनी राष्ट्रवादी काँग्रेसचे नेते आणि माजी उपमुख्यमंत्री छगन भुजबळ यांच्यावर पलटवार केला आहे. छगन भुजबळ हे स्वातंत्र्यलढ्यासाठी नव्हे तर भ्रष्टाचार केला म्हणून तुरुंगात गेला. अजून तुमची सुटका झालेली नाही. तुम्ही सध्या जामिनावर बाहेर आहात, किती बोलावं आणि काय बोलावं याचा जरा विचार करा, असेही त्यांनी भुजबळांना सुनावले आहे.

  6 वर्षांपूर्वी
• 

  प्रकाश आंबेडकरांचा नक्की गेम प्लॅन काय आहे? पृथ्वीराज चव्हाण

  बहुजन वंचित विकास आघाडीचे नेते प्रकाश आंबेडकर यांच्याबरोबर आघाडी करण्यासाठी कॉंग्रेस पहिल्यापासून तयार आहे. परंतु ते आमच्या प्रस्तावावर टाळाटाळ करत असल्याचे दिसून येते. आंबेडकरांचा नक्की गेम प्लॅन काय आहे हेच अद्याप समजत नाही, असा आरोप काँंग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनी केला.

  6 वर्षांपूर्वी