महत्वाच्या बातम्या

• 

  12 आमदारांची नियुक्तीनंतर भाजप पक्ष फुटण्याच्या भीतीने राजभवनाचं रुपांतर भाजप कार्यालयात - नाना पटोले

  राज्यपालांनी विधानपरिषेदत महाविकासआघाडीच्या 12 आमदारांची नियुक्ती केली तर भाजपमधील अनेकजण पक्षातून बाहेर पडतील, अशी भीती आहे. भाजप पक्ष सध्या या फुटीच्या उंबरठ्यावर असल्यामुळेच राजभवनाचं रुपांतर भाजप कार्यालयात करण्यात आल्याची टीका काँग्रेस प्रदेशाध्यक्ष नाना पटोले यांनी केली आहे. मुंबईत माध्यमांशी बोलत असताना त्यांनी राज्यपाल भगतसिंह कोश्यारी उच्च न्यायालयाच्या निर्देशानंतरही 12 आमदारांच्या नियुक्तीत टाळाटाळ करत असल्याचा आरोपही केला.

  4 वर्षांपूर्वी
• 

  ओबीसींचे राजकीय आरक्षण | मुख्यमंत्री उद्धव ठाकरेंनी बोलाविली सर्वपक्षीय बैठक

  राज्यातील स्थानिक स्वराज संस्थांमधील इतर मागासवर्गीयांच्या (ओबीसी) राजकीय आरक्षणाच्या प्रश्नावर आज मुख्यमंत्री उद्धव ठाकरे यांनी सर्वपक्षीय बैठक बोलावली आहे. सकाळी ११ वाजता सह्याद्री अतिथीगृहात ही बैठक होणार आहे. तर ओबीसी संघटनांचे नेतेही यावेळी उपस्थित राहणार आहेत.

  4 वर्षांपूर्वी
• 

  राज्यात काही लोकांचे राजकीय पर्यटन सुरू | जुने व्हायरसही परत आले, त्यांचा बंदोबस्त करायचाय - मुख्यमंत्री

  केंद्रीय सुक्ष्म, लघु, मध्यम उद्योग मंत्री नारायण राणे यांनी मुख्यमंत्री उद्धव ठाकरे यांच्याविषयी आक्षेपार्ह वक्तव्य केले. यानंतरपासून शिवसेना आणि भाजप यांच्यातील संघर्ष काही कमी होताना दिसत नाहीये. शिवसेनेकडून नारायण राणेंवर सातत्याने टीका होत असताना दिसत आहे. आता मुख्यमंत्री उद्धव ठाकरे यांनी देखील अप्रत्यक्ष रित्या नारायण राणे यांच्यावर निशाणा साधला आहे.

  4 वर्षांपूर्वी
• 

  Rain Alert | पश्चिम महाराष्ट्र, विदर्भात मुसळधार पावसाचा इशारा | पुढील ५ दिवस कुठं पाऊस पडणार?

  प्रादेशिक हवामान विभागानं पुढील पाच दिवसांसाठी महाराष्ट्रातील पावसाचा अंदाज जारी केला आहे. हवामान विभागाच्या अंदाजनुसार पश्चिम महाराष्ट्र, विदर्भ आणि मराठवाड्यातील काही जिल्ह्यांमध्ये विजांच्या कडकडाटासह आणि मेघगर्जनेसह पाऊस होण्याची शक्यता आहे. राज्यात काही ठिकाणी मुसळधार पाऊस होईल, असा अंदाज देखील वर्तवण्यात आला आहे. ज्येष्ठ हवामान तज्ज्ञ के.एस. होसाळीकर यांनी याबाबत ट्विट केलं आहे.

  4 वर्षांपूर्वी
• 

  यापुढे शिवसेनेने आमच्याशी पंगा घेतला तर आम्ही जशास तसे उत्तर देणार - चंद्रशेखर बावनकुळे

  देवेंद्र फडणवीस सरकारने 31 जुलै 2019 ला वटहुकूम काडून ओबीसींचे 27 टक्के आरक्षण वाचवले. त्यानंतर राज्यात जिल्हा परिषद निवडणुकाही त्या वटहुकूमामुळेच ओबीसींना मिळालेल्या आरक्षणानुसारच झाल्यात. दुर्दैवाने आमचे सरकार जाऊन नवीन सरकार आले आणि तो वटहुकूम रद्द झाला. राज्यातील महाविकास आघाडी सरकार न्यायालयात इच्छाशक्ती अभावी ओबीसी आरक्षण वाचवू शकले नाही. मुळातच त्यांना ओबीसी आरक्षण टिकवायचे नसून या आरक्षणाविनाच त्यांना स्थानिक स्वराज्य संस्थांच्या निवडणुका लढवायच्या आहेत, असा आरोप भाजपचे प्रदेश महासचिव चंद्रशेखर बावनकुळे यांनी केला.

  4 वर्षांपूर्वी
• 

  नेत्यांनी बोलताना काही पथ्य पाळायला हवीत | भाजप खासदारांचा घरचा आहेर | राणेंची ब्राह्मण टिपणी टोचली?

  आम्ही नारायण राणेंच्या वक्तव्याचं अजिबात समर्थन करत नाही. पण भारतीय जनता पक्ष त्यांच्या पाठीशी ठामपणे उभा आहे, असं विधान विरोधी पक्षनेते देवेंद्र फडणवीस यांनी केलं होतं. त्यानंतर आता पुण्यातील भारतीय जनता पक्षाचे नेते गिरीश बापट यांनी राणेंना अप्रत्यक्षरीत्या सुनावलं आहे. राजकीय पक्षांमध्ये राजकीय मतभेद असतात. पण नेते मंडळींनी बोलताना पथ्य पाळलं पाहिजे, अशा शब्दात खासदार गिरीश बापट यांनी केंद्रीय मंत्री नारायण राणेंना घरचा आहेर दिला.

  4 वर्षांपूर्वी
• 

  चपला घालून महाराजांना कुणी हार घातला म्हणून मुख्यमंत्र्यांचं उत्तर | तो अवमान भाजपाला आवडला का ते सांगावं? - संजय राऊत

  शिवसेना नेते संजय राऊत यांनी पुन्हा एकदा केंद्रीय सुक्ष्म, लघु, मध्यम उद्योग मंत्री नारायण राणे यांच्यावर जोरदार हल्ला चढवला आहे. एक मंत्री म्हणजे केंद्र सरकार नाही, असा जोरदार हल्ला संजय राऊत यांनी चढवला आहे.

  4 वर्षांपूर्वी
• 

  150 कोटी थकवले | भाजप आ. राहुल कुल यांच्या साखर कारखान्याला जप्तीची नोटीस

  पुणे जिल्ह्यातील दौंडचे भाजप आमदार राहुल कुल यांच्या ताब्यात असलेल्या भीमा सहकारी साखर कारखान्याला जप्तीची नोटीस आली आहे. आमदार राहुल कुल यांच्या ताब्यातील भीमा पाटस साखर कारखान्याने पुणे जिल्हा बँकेचे तब्बल दीडशे कोटी रुपयांचे कर्ज थकवले आहे. त्यामुळे बँकेने ही नोटीस बजावली आहे.

  4 वर्षांपूर्वी
• 

  दडपशाही व भ्रष्टाचाराचे आरोप करत कर्मचारी ज्योती देवरेंविरोधात संपावर | चित्र वाघ यांचा देवरेंना 'राजकीय' पाठिंबा?

  पारनेरच्या तहसीलदार ज्योती देवरे यांची एक ऑडिओ क्लिप राज्यभर व्हायरल झाल्यानंतर राजकीय वातावरण चांगलेच तापले आहे. कालच भाजपच्या नेत्या चित्रा वाघ यांनी ज्योती देवरे यांची भेट घेऊन त्यांच्याशी चर्चा केली. चित्र वाघ त्यांचा केवळ राजकीय फायद्यासाठी याविषयात त्यांना अनेक आरोप असतानाही समर्थन देत असल्याचं कर्मचारी देखील ऑफ कॅमेरा सांगत आहेत. मागील काही दिवसांपासून त्या स्वतःची चौकशी होणार असल्याने भावनिक वातावरण करून सहानुभूती मिळवून स्वतःचा बचाव करत असल्याचं म्हटलं जातंय.

  4 वर्षांपूर्वी
• 

  नारायण राणेंचा शिरच्छेद करणाऱ्याला 51 लाखांचे बक्षिस | विश्व हिंदू सेना अध्यक्ष अरूण पाठक

  विश्व हिंदू सेनेचे अध्यक्ष अरुण पाठक यांनी केंद्रीय मंत्री नारायण राणे यांचा शिरच्छेद करणाऱ्याला 51 लाख रुपयांचे बक्षीस जाहीर केले आहे. बनारसच्या भेलूपूर भागात राहणाऱ्या अरुण पाठक यांनी फेसबुक आणि ट्विटरवर नारायण राणेंविरोधात अनेक आक्षेपार्ह पोस्टही केल्या आहेत.

  4 वर्षांपूर्वी
• 

  महापालिका निवडणुकांसाठी एक सदस्यीय प्रभाग रचना | निवडणूक आयोगाकडून तयारी

  राज्यातील १८ महापालिकांची मुदत २०२२ मध्ये संपत आहे. या महापालिकांच्या प्रभाग रचनेची तयारी करण्यास निवडणूक आयोगाने सुरुवात केली आहे. याबाबतचे आदेश आयोगाकडून बुधवारी काढण्यात आले. राज्य शासनाच्या निर्णयानुसार एक सदस्यीय प्रभाग रचना करण्यासंदर्भात महापालिका आयुक्तांना आदेश बजाविले आहेत.

  4 वर्षांपूर्वी
• 

  अनिल परब यांच्या विरोधात न्यायालयात जाणार - नारायण राणे

  केंद्रीय मंत्री नारायण राणे यांनी मुख्यमंत्री उद्धव ठाकरे यांना थोबाडीत मारण्याबाबत वक्तव्य केले. यामुळे संपूर्ण महाराष्ट्रात गोंधळ सुरू झाला. राणे यांच्यावर चार शहरांत गुन्हे दाखल करण्यात आले. नाशिक पोलिसांनी तत्काळ राणेंना अटक केली. संतप्त शिवसैनिकांनी महाराष्ट्रातील 17 हून अधिक शहरांमध्ये निदर्शने केली आणि तोडफोड केली.

  4 वर्षांपूर्वी
• 

  ज्या माणसाला 'मी राजा आहे' हे दाखवावे लागते तो खरा राजा नसतोच | अमृता फडणवीसांच्या ट्विटवर ट्रोलिंग सुरु

  राज्यात महाविकास आघाडी सरकार विरुद्ध केंद्रीय मंत्री नारायण राणे असा वाद सुरू आहे. याच वादात आता माजी मुख्यमंत्री देवेंद्र फडणवीस यांच्या पत्नी अमृता फडणवीस यांनीही उडी घेतली. त्यांनी एक ट्विट करून खरा राजा कसा असतो याचा अर्थ सांगितला. ज्या माणसाला मी राजा आहे असे दाखवावे लागते तो खरा राजा नसतोच असे अमृता फडणवीस यांनी लिहिले आहे. अर्थातच त्यांनी मुख्यमंत्री उद्धव ठाकरे यांचे नाव न घेता निशाणा साधला आहे.

  4 वर्षांपूर्वी
• 

  भाजप नेत्यांना माथेफिरू आणि केंद्रीय मंत्री यातला फरक कळतो? | राणेंच्या बचावासाठी पवारांसंबंधित अजब उदाहरण

  केंद्रीय मंत्री नारायण राणे यांच्या अटकेसाठी मंत्री अनिल परब यांनी दबाव टाकला. त्यांनी काल गृहखात्यामध्ये हस्तक्षेप करण्याचा प्रयत्न केला. तसंच कोर्टाच्या निर्णायाआधी त्यांनी जामीनाचा निवाडा घोषित केला. यातून मुंबई उच्च न्यायालयाची बदानामी आणि अपमान झाला. हे सगळं प्रकरण संशयित आहे. त्यामुळे दबाव टाकणाऱ्या मंत्र्यासह IPS अधिकाऱ्यांची CBI चौकशी झाली पाहिजे”, अशी मागणी भाजप नेते आमदार आशिष शेलार यांनी पत्रकार परिषद घेऊन केली.

  4 वर्षांपूर्वी
• 

  सेना भवनजवळच्या राड्यातील भाजप कार्यकर्ते मावळे, तर जुहूच्या राड्यातील शिवसैनिक गुंड? | राष्ट्रपती राजवटीची मागणी

  केंद्रीय मंत्री नारायण राणे यांना जमीन मिळाल्यावर त्यांचं नक्की मत काय या सगळ्यावर याकडे सगळ्यांचंच लक्ष लागलेलं होतं. यातच आता भाजप आमदार नितेश राणे यांनी ट्विट करून मोठं विधान केलं आहे. या ठगांपासून वाचण्यासाठी राज्यात राष्ट्रपती राजवट हाच एकमेव मार्ग आहे, असं विधान नितेश राणे यांनी केलं आहे. त्यामुळे अनेक तर्कवितर्क लढवले जात आहेत.

  4 वर्षांपूर्वी
• 

  राणेंचे वाक्य चुकले नाही, थोबाडीत मारली असती हा कॉमन संवाद | काल सहमत नसणारे चंद्रकांतदादा आज पलटले

  केंद्रीय मंत्री नारायण राणे यांनी मुख्यमंत्री उद्धव ठाकरे यांच्याबद्दल आक्षेपार्ह वक्तव्य केले. यानंतर राज्यातील राजकारण पेटले आहे. मंगळवारी अवघ्या महाराष्ट्रात शिवसेनेने आक्रमक भूमिका घेत राणेंविरोधात आंदोलने केली. असे असताना नारायण राणेंना अटक करण्यात आली. रात्री उशीरा त्यांना जामीनही देण्यात आला असला तरीही अजुनही शिवसेना-भाजप राज्यात आमने-सामने आल्याचेच चित्र दिसत आहे. दरम्यान भाजपचे प्रदेशाध्यक्ष चंद्रकांत पाटील यांनी केंद्रीय मंत्री नारायण राणेंचे समर्थन केले आहे.

  4 वर्षांपूर्वी
• 

  नवी मुंबई | गजानन काळेंवर 7 सप्टेंबरपर्यंत कोणतीही कठोर कारवाई न करण्याचे हायकोर्टाचे निर्देश

  मनसेचे नवी मुंबई शहर अध्यक्ष गजानन काळे यांना मुंबई हायकोर्टाने दिलासा दिला आहे. 7 सप्टेंबरपर्यंत कोणतीही कठोर कारवाई न करण्याचे निर्देश हायकोर्टाने दिले आहेत. पत्नी संजीवनी काळे यांनी गजानन काळेंविरोधात विवाहबाह्य संबंध आणि जातीवाचक शिवीगाळ केल्याचा आरोप केला होता. नेरुळ पोलीस ठाण्यात गजानन काळे यांच्यावर गुन्हा दाखल करण्यात आला होता. तेव्हापासून गजानन काळे फरार आहेत.

  4 वर्षांपूर्वी
• 

  पोलीस कारवाईवरून जाणीवपूर्वक 'छत्रपती' शब्द प्रयोग करणाऱ्या फडणवीसांना नाशिक पोलीस आयुक्तांचं सुज्ञ प्रतिउत्तर

  केंद्रीय मंत्री नारायण राणे यांनी मुख्यमंत्री उद्धव ठाकरे यांच्यावर आक्षेपार्ह विधान केल्यानंतर नाशिकमध्ये त्यांच्याविरोधात पहिला गुन्हा नोंद झाला आणि थेट अटकेचा आदेश निघाला. यावर राज्याचे विरोधी पक्षनेते देवेंद्र फडणवीस यांनी थेट नाशिक पोलीस आयुक्तांना सूचक इशारा देत ते छत्रपती आहेत का? असा सवाल केला. यावर आता नाशिकचे पोलीस आयुक्त दीपककुमार यांनी प्रत्युत्तर दिलंय. माजी मुख्यमंत्री खूप सुज्ञान आहेत. त्यांचा कायद्याचा अभ्यास आहे.

  4 वर्षांपूर्वी
• 

  राणेंना 2 सप्टेंबरला नाशिक पोलिस स्टेशनमध्ये हजेरी लावावी लागणार | जन आशीर्वाद यात्रा स्थगित | हायकोर्टात जाणार?

  केंद्रीय मंत्री नारायण राणे यांनी मुख्यमंत्री उद्धव ठाकरेंविरोधात केलेल्या वादग्रस्त वक्तव्याचे राज्यभरात मंगळवारी संतप्त पडसाद उमटले. मुंबई-कोकण, औरंगाबाद, नाशिक, पुण्यासह राज्यभरात शिवसैनिक रस्त्यावर उतरले. राणेंच्या अटकेचे आदेश निघालेल्या नाशिकसह राज्यातील अनेक शहरांमध्ये शिवसैनिकांनी भाजप कार्यालयावर दगडफेक केली. दरम्यान, राणेंची जनआशीर्वाद यात्रा चिपळूण येथून रत्नागिरी जिल्ह्यात पोहोचताच संगमेश्वर तालुक्यात राणे यांना दुपारी साडेतीनच्या दरम्यान ताब्यात घेतले.

  4 वर्षांपूर्वी
• 

  राणेंच्या बंगल्याबाहेर जाऊन ताकद दाखवणाऱ्या युवासैनिकांना उद्धव ठाकरेंची शाबासकी

  केंद्रीय सूक्ष्म, लघु आणि मध्यम उद्योग मंत्री नारायण राणे यांच्या अटकेसाठी आक्रमक झालेल्या युवासेनेच्या कार्यकर्त्यांनी मंगळवारी मुंबईत चांगलाच राडा घातला. युवासेना सचिव वरुण सरदेसाई यांच्या नेतृत्त्वात युवासैनिकांनी थेट नारायण राणे यांच्या घराबाहेर जाऊन आंदोलन केलं. आमदार नितेश राणे यांचं आव्हान स्वीकारुन वरुण सरदेसाई हे कार्यकर्त्यांसह त्यांच्या घराबाहेर जाऊन घोषणाबाजी केली.

  4 वर्षांपूर्वी