महत्वाच्या बातम्या

• 

  दिल्लीत संसदेच्या अधिवेशनाला जाण्यापूर्वी पवारांची मुख्यमंत्र्यांसोबत बैठक

  राष्ट्रवादी काँग्रेसचे अध्यक्ष शरद पवार मुख्यमंत्री उद्धव ठाकरे यांच्या भेटीसाठी आज (15 जुलै) संध्याकाळी साडेपाच वाजेच्या सुमारास ‘वर्षा’ निवासस्थानी दाखल झाले. महाराष्ट्रातील राजकीय घडामोडींच्या पार्श्वभूमीवर ही भेट अत्यंत महत्त्वपूर्ण मानली जाते या बैठकीत अनेक विषयांवर चर्चा झाल्याची माहिती आहे. पण यापैकी तीन मुख्य विषयांवर सर्वाधिक चर्चा झाल्याची माहिती पुढे येत आहे. उद्धव ठाकरे आणि शरद पवार यांच्यात जवळपास अर्धा तास बैठक झाली. शरद पवार उद्या संसदेच्या पावसाळी अधिवेशनाच्या पार्श्वभूमीवर दिल्लीसाठी रवाना होणार आहेत.

  4 वर्षांपूर्वी
• 

  मुख्यमंत्री सौर कृषी पंप योजना | सर्वसाधारण गटाच्या लाभार्थ्यांना मिळणार लाभ

  सौर कृषी पंप योजनेचा लाभ मिळवून घेण्यासाठी बरेच शेतकरी उत्सुक दिसत आहेत. लोड शेडींगमुळे गरजेच्या वेळी पिकांना पाणी देता येत नाही त्यामुळे शेतकऱ्यांची हि अडचण लक्षात घेवून शेतीला दिवसा पाणी देण्यासाठी मुख्यमंत्री सौर कृषी पंप योजना अंतर्गत शेतकर्यांना सौर कृषी पंप योजनेचा लाभ दिला जात आहे.

  4 वर्षांपूर्वी
• 

  स्वप्नील लोणकरच्या कुटुंबियांना शिवसेनेची 10 लाखाची मदत | स्वप्नीलच्या बहिणीच्या शिक्षणाचा खर्च उचलणार - एकनाथ शिंदे

  MPSC परीक्षा उत्तीर्ण होऊन देखील नोकरी मिळत नसल्यामुळे स्वप्नील लोणकर या तरुणाने आत्महत्या केल्याची घटना काही दिवसांपूर्वी घडली आणि त्यानंतर त्याच्या कुटुंबियांवर सर्वच बाजूनी संकट कोसळलं होतं. त्यानंतर आज शिवसेना नेते आणि राज्याचे नगरविकासमंत्री एकनाथ शिंदे यांनी स्वप्नीलच्या कुटुंबियांची भेट घेत त्यांचा धीर देण्याचा प्रयत्न केला. त्याचबरोबर स्वप्नीलच्या कुटुंबियांना शिवसेनेकडून 10 लाख रुपये मदत देण्यात आल्याची माहितीही त्यांनी यावेळी दिली.

  4 वर्षांपूर्वी
• 

  SSC Result 2021 | राज्यातील इयत्ता दहावीचा उद्या निकाल लागणार | असा ऑनलाईन चेक करा

  राज्यातील दहावीच्या परीक्षेचा निकाल उद्या म्हणजे 16 जुलै 2021 रोजी जाहीर होणार आहे. बोर्डाच्या वेबसाईटवर दुपारी 1 वाजता हा निकाल पाहता येईल. राज्याच्या शालेय शिक्षण मंत्री वर्षा गायकवाड यांनी याबाबतची माहिती दिली. राज्यातील शाळांना दहावीचे गुण संगणकीय प्रणालीत नोंदवण्याची मुदत उलटून गेली आहे. शालेय शिक्षण मंत्र्यांनी यापूर्वी दिलेल्या माहितीनुसार 15 जुलै पर्यंत दहावीचा निकाल जाहीर होणं अपेक्षित होता. आता ताज्या माहितीनुसार उद्या निकाल जाहीर होणार आहे.

  4 वर्षांपूर्वी
• 

  Sarkari Naukri | महावितरण मध्ये 98 पदांची भरती | मराठवाड्यातील तरुणांना संधी | ई-मेलने अर्ज

  महाडिसकॉम रिक्रूटमेंट २०२१. महाराष्ट्र राज्य विद्युत वितरण कंपनी लिमिटेडने एक नवीन अधिसूचना प्रकाशित केली असून इलेक्ट्रीशियन, वायरमन व सीओपीए पदांसाठी अर्ज मागविण्यात आले आहेत. इच्छुक आणि पात्र उमेदवार महावितरण भरती 2021 साठी 13 ते 19 जुलै 2021 पर्यंत ईमेलद्वारे अर्ज दाखल करु शकतात.

  4 वर्षांपूर्वी
• 

  इंधन दरवाढीविरोधात काँग्रेसची सायकल रॅली | राज्यपालांकडे विविध मागण्याचे निवेदन दिले

  काँग्रेस प्रदेशाध्यक्ष नाना पटोलेंच्या नेतृत्वात इंधन दरवाढीविरोधात मुंबईत सायकल रॅली काढण्यात आली. प्रदेशाध्यक्ष नाना पटोले, भाई जगताप आणि आपल्या कार्यकर्त्यांसह मुंबईतील हँगिंग गार्डन ते राजभवनापर्यंत सायकल चालवत राज्यपालांना निवेदन देण्यासाठी काँग्रेस नेते सायकलवरून राजभवनात गेले होते. यावेळी काँग्रेसतर्फे राज्यपालांना इंधन दरवाढीविरोधात निवेदन देण्यात आलं.

  4 वर्षांपूर्वी
• 

  पंकजांचं भाषण ऐकण्याचा प्रश्न नाही | त्यावर मी बोलण्यात अर्थ नाही | फडणवीसांच्या या विधानाचा अर्थ काय?

  भारतीय जनता पक्षाच्या नेत्या आणि माजी मंत्री पंकजा मुंडे यांनी मुंबईत कार्यकर्त्यांना संबोधित करताना त्यांच्यात आणि फडणवीसांदरम्यान सर्वकाही ठीक नसल्याचं अप्रत्यक्षरीत्या सूचित केलं होतं. त्यातून भाजपामध्ये त्यांच्या विरोधात अंतर्गत धुसफूस असल्याचं देखील अप्रत्यक्षरीत्या स्पष्ट झालं आहे. तसेच मला नाराजी व्यक्त करायची असेल तर ही जागा देखील कमी पडेल असे म्हटल्याने त्यांच्या भविष्यातील बंड करण्याच्या शक्यता देखील निर्माण झाल्या होत्या. मात्र आता फडणवीसांच्या प्रतिक्रियेनंतर त्यात भर पडली आहे.

  4 वर्षांपूर्वी
• 

  राज्याचे मुख्यमंत्री अव्वलस्थानी आल्याने भाजपने दुःख वाटून घेऊ नये | तुमचे लाडके योगी आदित्यनाथ आहेत ५ नंबरला

  राज्याचे मुख्यमंत्री उद्धव ठाकरे हे देशातील 13 राज्यांमध्ये अव्वल मुख्यमंत्री ठरले आहेत. प्रश्नम या संस्थेने केलेल्या सर्वेक्षणाचा अहवाल प्रसिद्ध झाला आहे. त्यानंतर आता राजकीय प्रतिक्रिया उमटू लागल्या आहेत. राष्ट्रवादीचे आमदार रोहित पवार यांनी याच मुद्द्यावरुन भारतीय जनता पक्षावर निशाणा साधला आहे. “भारतीय जनता पक्षाचे नेते उत्तर प्रदेशचं कौतुक करत असतात, पण या सर्वेक्षणात यूपीचे मुख्यमंत्री योगी आदित्यनाथ यांचा पाचवा नंबर आहे, हे भारतीय जनता पक्षाने विसरु नये” असा टोला रोहित पवार यांनी लगावला.

  4 वर्षांपूर्वी
• 

  पवारांच्या राष्ट्रपती पदाबाबतच्या वृत्तावर राष्ट्रवादीचं स्पष्टीकरण | काय म्हटलं?

  राष्ट्रवादीचे अध्यक्ष शरद पवार राष्ट्रपती होण्याच्या शर्यतीत असल्याची कालपासून राज्यभर, देशभर चर्चा सुरु आहे. यावर राष्ट्रवादीचे प्रवक्ते नवाब मलिक यांनी स्पष्टीकरण दिले आहे. शरद पवार राष्ट्रपती होणार या बातम्या निराधार आहेत त्यात कोणतेही तथ्य नाही. या बातम्या पेरण्यात आल्या असल्याची माहिती राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली आहे.

  4 वर्षांपूर्वी
• 

  BREAKING | परमबीर सिंह यांच्याविरोधात मुक्त चौकशीचे ACB'ला राज्य सरकारकडून आदेश

  मुंबईचे माजी पोलिस आयुक्त परमबीर सिंह यांच्याविरोधात लाचलुचपत प्रतिबंधक विभागाला (ACB) मुक्त चौकशीचे आदेश दिले आहेत. पोलिस निरीक्षक अनूप डांगे यांनी परमबीर सिंह यांच्यावर 2 कोटी रुपयांची लाच मागितल्याचा आरोप केला होता. त्यासोबतच सिंह यांच्यावर भ्रष्ट्राचाराचे अनेक गंभीर आरोप कले होते.

  4 वर्षांपूर्वी
• 

  OBC आरक्षण | छगन भुजबळ आणि फडणवीस यांच्यादरम्यान चर्चा | केंद्राकडील इम्पेरिकल डाटा...

  ओबीसी आरक्षणावरून राज्यातील वातावरण पुन्हा तापण्याची शक्यता आहे. कारण याच विषयावरून पुन्हा राजकीय गाठीभेटी सुरु झाल्या आहेत. मात्र या गाठीभेटी सत्ताधारी आणि विरोधी पक्षातील नेत्यांमध्ये आहेत हे विशेष म्हणावे लागेल. राष्ट्रवादी काँग्रेसचे ज्येष्ठ नेते आणि राज्याचे अन्न व नागरी पुरवठा मंत्री छगन भुजबळ यांनी थेट विरोधी पक्षनेते देवेंद्र फडणवीस यांची भेट घेतली. छगन भुजबळ यांनी थेट देवेंद्र फडणवीस यांच्या सागर या निवासस्थानी जाऊन ओबीसी आरक्षणाबाबत सविस्तर चर्चा केली.

  4 वर्षांपूर्वी
• 

  भोसरी भूखंड प्रकरण | न्या. झोटिंग समिती अहवालात खडसेंविरोधात ठपका? - सविस्तर वृत्त

  भोसरी (पुणे) एमआयडीसीतील भूखंड खरेदीप्रकरणी राष्ट्रवादीचे नेते आणि माजी महसूलमंत्री एकनाथ खडसे यांच्या जावयाला ‘ईडी’ने अटक केली आहे. या पार्श्वभूमीवर खडसेंसंदर्भातील न्या. झोटिंग समितीच्या अहवालात खडसेंनी पदाचा गैरवापर केल्याचा ठपका समोर आला आहे. खडसेंवर भूखंड खरेदी प्रकरणात झालेल्या आरोपांची चौकशी करणाऱ्या न्या. झोटिंग समितीने ३० जून २०१७ रोजी गोपनीय अहवाल शासनाकडे सादर केला होता. भोसरी एमआयडीसी जमीन खरेदी प्रकरणात आरोप झाल्यानंतर खडसे यांना ४ जून २०१६ रोजी मंत्रिपदाचा राजीनामा द्यावा लागला होता.

  4 वर्षांपूर्वी
• 

  सकारात्मक | कोरोनामुक्त भागातील आठवी ते बारावीचे वर्ग आजपासून सुरू होणार

  राज्यातील कोरोनामुक्त भागातील इयत्ता आठवी ते बारावीचे वर्ग आजपासून(15 जुलै) सुरू होणार आहेत. महाराष्ट्र शासनाने याबाबत 5 जुलैला शासन निर्णय जारी केला होता. कोरोनामुक्त ग्रामपंचायती आणि स्थानिक स्वराज संस्थांच्या परिसरातील आठवी ते बारावीपर्यंतचे वर्ग 15 जुलैपासून सुरू होणार आहेत.

  4 वर्षांपूर्वी
• 

  मुख्यमंत्री पदासाठी उतावळे म्हणाले सेना-राष्ट्रवादीचा थरकाप उडाला | शेलार म्हणाले काँग्रेसला गांभिर्याने घेऊ नका - अनिल गोटे

  नाना पटोले यांनी केलेल्या वक्तव्यानंतर भाजपच्या अनेक नेत्यांनी प्रतिक्रिया दिल्या होत्या. आता या सर्वाचा समाचार राष्ट्रवादीचे माजी आमदार अनिल गोटे यांनी घेतला आहे. यासंदर्भात बोलताना अनिल गोटे म्हणाले की, “भारतीय जनता पक्षाचे अतिउत्साही आणि मुख्यमंत्री पदासाठी उतावीळ झालेले विरोधी पक्षनेते देवेंद्र फडणवीसांना असे काही वक्तव्य आले की, यांना हर्षवायूच होतो. त्यांनी वृत्तपत्रांना लगेच सांगितले की, “शिवसेनेचा व राष्ट्रवादी काँग्रेसचा थरकाप उडाला.

  4 वर्षांपूर्वी
• 

  प. बंगाल निवडणुकीनंतर आत्मविश्वास वाढला? | भाजप 400 पेक्षा अधिक जागा जिंकणारच - चंद्रकांत पाटील

  निवडणूक रणनीतीकार प्रशांत किशोर यांनी काँग्रेसचे नेते राहुल गांधी यांची भेट घेतली. या आधी त्यांनी काही वेळा राष्ट्रवादीचे अध्यक्ष शरद पवार यांची भेट घेतली होती. यामुळे देशात पुन्हा एकदा तिसऱ्या आघाडीच्या चर्चांना उधाण आलं आहे. त्यावर भाजपचे प्रदेशाध्यक्ष चंद्रकांत पाटील यांनी भाष्य केलं आहे. 2024 मध्ये कुणाच्याही नेतृत्वात निवडणूक लढवा. भाजप 400 पेक्षा अधिक जागा जिंकेल, असा टोला चंद्रकांत पाटील यांनी काँग्रेस आणि राष्ट्रवादीला लगावला आहे.

  4 वर्षांपूर्वी
• 

  लढवय्ये मनसे पदाधिकारी संतोष धुरींना वरळी विभागाध्यक्ष पदावरुन हटवलं | संजय जामदारांकडे जबाबदारी

  आगामी महानगरपालिका निवडणुकीच्या अनुषंगाने मनसेने काही संघात्मक बदल करण्यास सुरुवात केली आहे. विशेष म्हणजे त्याची सुरुवात राज्याचे पर्यावरण मंत्री आदित्य ठाकरे यांचा मतदारसंघ असलेल्या वरळी मतदार संघातून केली आहे. मात्र ते करत असताना एका लढवय्या माजी नगरसेवकाला बाजूला करण्यात आल्याने आश्चर्य व्यक्त करण्यात येतंय.

  4 वर्षांपूर्वी
• 

  वाझेंनी नाव फोडलेले ‘नंबर वन’ साहेब देशमुख नव्हे तर परमबीर सिंग? | मग संभ्रम पसरवतंय कोण?

  मुंबई पोलिस दलातील निलंबित आणि विवादित अधिकारी सचिन वाझे याने सक्तवसुली संचलनालय अर्थात ईडीकडे मोठे खुलासे केल्याचं सांगण्यात येत आहे. अशावेळी माजी गृहमंत्री अनिल देशमुख यांचे वकील अॅड. कमलेश घुमरे यांनी पत्रकार परिषद घेत सचिन वाझे प्रकरणात काही आरोप केले आहेत. त्यात सचिन वाझे यांनी नाव फोडलेले ‘नंबर वन’ साहेब अनिल देशमुख नाही, तर मुंबईचे माजी पोलीस आयुक्त परमबीर सिंग असल्याचा आरोप घुमरे यांनी केलाय. अनिल देशमुख हे परमबीर सिंग यांच्या विरोधात अब्रुनुकसानीचा दावा दाखल करणार होते. मात्र ते राहून गेलं. आधी त्यांनी केलेल्या आरोपांना उत्तर देण्यासाठी आम्ही पुढे आलो, असंही घुमरे यांनी म्हटलंय.

  4 वर्षांपूर्वी
• 

  तत्कालीन फडणवीस सरकारचे अनेक चिठ्ठे बाहेर आले तर फडणवीस आणि माजी मंत्री अडचणीत येतील - नाना पटोले

  काँग्रेसचे महाराष्ट्र प्रदेशाध्यक्ष नाना पटोले यांनी झोटिंग समितीच्या अहवालावर प्रतिक्रिया करताना मोठं विधान केलं आहे. विरोधी पक्षनेते देवेद्र फडणवीसांनी बहुजन नेत्यांचं खच्चीकरण केलं आहे. हे सर्वांना माहीत आहे. एकनाथ खडसेंचंही राजकीय नुकसान करण्याचा प्रयत्न झाला, असं सांगतानाच तत्कालीन फडणवीस सरकारमधील अनेक चिठ्ठे बाहेर आले तर फडणवीस आणि तत्कालीन अनेक मंत्री अडचणीत येतील, असा गौप्यस्फोट नाना पटोले यांनी केला आहे. त्यामुळे एकच खळबळ उडाली आहे.

  4 वर्षांपूर्वी
• 

  प्रसिद्धीची संधी मिळताच तृप्ती देसाई यांचा हेमांगी कवीच्या पोस्टवर प्रतिप्रश्न? - काय म्हणाल्या?

  महिलांच्या अंतर्वस्त्रांवर लिहिलेल्या सोशल मीडिया पोस्टवरून अभिनेत्री हेमांगी कवी सध्या चर्चेत आहे. तिने ब्रा आणि त्यावर पुरुषांच्या दृष्टीकोनावर लिहिलेल्या या पोस्टवर आता भूमाता ब्रिगेडच्या तृप्ती देसाई यांची प्रतिक्रिया समोर आली आहे. त्यांनी सुद्धा एक सोशल मीडिया पोस्ट करून त्याखाली हेमांगीची पोस्ट शेअर केली. परंतु, तिच्या विचारांचे समर्थन करत असतानाच आधी का आवाज उठवला नाही असा सवाल तृप्ती देसाई यांनी उपस्थित केला. जेव्हा आम्ही मंदिरात महिलांचा प्रवेश, मासिक पाळी आणि महिलांच्या ड्रेस कोडवर आवाज उठवला तेव्हा तू कुठे होतीस? असा प्रश्न देसाई यांनी विचारला आहे.

  4 वर्षांपूर्वी
• 

  पवारांना राष्ट्रपती करण्यासाठी प्रशांत किशोर यांची मोर्चेबांधणी? | त्या भेटीनंतर चर्चांना उधाण

  निवडणूक सल्लागार प्रशांत किशोर आणि शरद पवार यांनी तीनदा एकमेकांच्या भेटी घेतल्या. यानंतर प्रशांत किशोर यांनी राहुल गांधी आणि सोनिया गांधींची भेट घेतल्यानंतर माध्यमांत चर्चांना ऊत आले आहे. काहींनी तर शरद पवारांना राष्ट्रपती करण्याची तयारी सुरू असल्याचे सांगितले. पण, शरद पवार यांच्या राष्ट्रपती पदासाठी तयारी असल्याच्या वृत्तावर अधिकृत काहीही समोर आलेले नाही. यामध्ये दोन शक्यतांवर सध्या राजकीय वर्तुळात चर्चा रंगली आहे.

  4 वर्षांपूर्वी