सलून सुरू करण्याबाबत राज्य मंत्रिमंडळानं घेतला मोठा निर्णय

मुंबई, 25 जून: कोरोना व्हायरसमुळे लॉकडाऊनच्या काळात बंद असलेल्या सलून सुरू करण्याबाबत राज्य मंत्रिमंडळाच्या बैठकीत मोठा निर्णय घेण्यात आला आहे. राज्यात येत्या रविवारपासून म्हणजेच 28 जूनपासून सलून सुरु करण्यास राज्य सरकारनं सशर्त परवानगी दिली आहे. राज्यात कोरोनाच्या पार्श्वभूमीवर लॉकडाऊनदरम्यान सर्व व्यवहार ठप्प होते. मात्र अनलॉकिंगनंतर हळूहळू सर्व व्यवहार सुरळीत करण्यासाठी सरकारने प्रयत्न सुरु केले आहे.सलून या आठवड्यात सुरु होईल, अशी माहिती मुंबईचे पालकमंत्री अस्लम शेख यांनी दिली आहे. त्याच बरोबर ब्युटी पार्लर आणि जिम सुरू करण्याबाबतही लवकरच निर्णय घेण्यात येणार आहे.

एकीकडे अन्य व्यवसायांना परवानगी दिली असताना, सलून व्यवसायाला परवानगी का नाही, असा सवाल नाभिक समाज आणि सलून व्यावसायिकांनी सरकारला केला होता. मात्र, सरकार सकारात्मक भूमिका घेत नसल्याचं दिसताना नाभिक समाज आणि सलून व्यावसायिकांनी हायकोर्टात याचिका दाखल करण्याची तयारी केली होती.

दरम्यान, परिवहन मंत्री अनिल परब यांनी निर्णयाबद्दल बोलताना सांगितलं की, “२८ जूनपासून सलून सुरु करण्यास परवानगी देण्यात आली आहे. सलूनमध्ये फक्त केस कापण्यासाठी परवानगी देण्यात आली असून, दाढी करण्यासाठी परवानगी नाही. सोबतच केस कापणारा आणि केस कापून घेणारा दोघांनाही मास्क घालणं बंधनकारक असणार आहे. ब्युटीपार्लर, स्पा आणि जीमबाबत अद्याप काही निर्णय घेण्यात आलेला नाही. थोडे दिवस पाहणी करुन नंतर पुढील निर्णय घेतला जाईल”.

News English Summary: A major decision has been taken at the state cabinet meeting to start salons that were closed during the lockdown due to corona virus. The state government has given conditional permission to start the salon in the state from next Sunday, i.e. from June 28.

News English Title:  Salons To Open From 28th June In Maharashtra News latest Updates.