कलानगर उड्डाणपुल दुसऱ्या मार्गिकेचे आज मुख्यमंत्र्यांच्या हस्ते उद्घाटन | विरोधी पक्षनेते फडणवीसांना वगळले

मुंबई, २८ जून | वाहतूक कोंडीतून मार्ग काढण्यासाठी वांद्रे- कलानगर जंक्शन येथे उभारलेल्या उड्डाणपुलाच्या तीन मार्गिकांपैकी दुसरी मार्गिका आज (सोमवार) खुली केली जाणार आहे. तसेच करोनाच्या तिसऱ्या लाटेचा सामना करण्यासाठी मालाड येथे दोन हजार रुग्णांच्या क्षमतेचे करोना केंद्राचे लोकार्पण मुख्यमंत्री उद्धव ठाकरे यांच्या हस्ते होणार आहे. उपमुख्यमंत्री अजित पवार यांच्या सह विविध खात्याचे मंत्री, अधिकारी यावेळी उपस्थित राहणार आहेत. मात्र विरोधी पक्षनेते देवेंद्र फडणवीस यांना या कार्यक्रमाला निमंत्रित करण्यात आलेले नाही. यावरून मनापमानाचा वाद चिघळण्याची शक्यता आहे.

देवेंद्र फडणवीस यांना यापूर्वीही डावलले:
शिवसेनेचे पक्षप्रमुख उद्धव ठाकरे आणि देवेंद्र फडणवीस यांचे संबंध एकेकाळी चांगले होते. मात्र गेल्या काही दिवसांपासून फडणवीस यांच्याकडून महाविकास आघाडी सरकारच्या कारभारावर सातत्याने टीका करत आहेत. ठाकरे आणि फडणवीस यांच्यातील संबंधात कटुता आली आहे. त्यामुळे फडणवीस यांना लांब ठेवण्याचा प्रयत्न सरकारने सुरू केल्याचे बोलले जात आहे. यापूर्वीही अनेक कार्यक्रमातून फडणवीस यांना वगळण्यात आले होते. मार्च महिन्यात झालेल्या वांद्रेतील सायकल ट्रॅक, वरळी – शिवडी मार्गाच्या भूमिपूजनाच्या कार्यक्रमावेळी विरोधी पक्षनेते देवेंद्र फडणवीस यांना महाविकास आघाडी सरकारने डावलले होते. दरम्यान, परिषदेचे विरोधी पक्षनेते प्रवीण दरेकर यांच्या ही बाब लक्षात येताच त्यांनी काढता पाय घेतला होता. आताही सरकारने फडणवीस यांना डावलल्याने वाद निर्माण होण्याची शक्यता आहे.

मार्गिका होणार खुली:
कलानगर जंक्शन येथे तीन मार्गिकांच्या उड्डाणपुलाचे काम २०१७ पासून सुरू झाले. यापैकी वांद्रे – कुर्ला संकुलाकडून वांद्रे – वरळी सागरी मार्गाकडे जाणारी ६०४.१० मीटर लांबीची दोन पदरी मार्गिका फेब्रुवारी महिन्यात सुरू करण्यात आली. दुसऱ्या मार्गिकेचे काम अपूर्ण असल्याने त्यावेळी त्या सुरू करण्यात आल्या नव्हत्या. आता हे काम पूर्ण झाले असून वांद्रे – वरळी सागरी मार्गाकडून वांद्रे – कुर्ला संकुलाकडे जाणाऱ्या दुसऱ्या मार्गिकेचे उद्घाटन मुख्यमंत्री करतील. ही मार्गिका ७१४.४० मीटर लांबीची आहे. नरीमन पॉईंट, दक्षिण मुंबईतून वांद्रे- कुर्ला संकुलात येणाऱ्या प्रवाशांच्या वेळेत १० मिनिटांची बचत होणार आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा.

News Title: Second lane of Mumbai Bandra Kalanagar flyover will be inaugurated by CM Uddhav Thackeray today news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.