राजधर्मावरून शिवसेना खासदार संजय राऊत यांचं सूचक ट्विट

मुंबई, २८ फेब्रुवारी: विरोधकांकडून राजीनाम्यासाठी दबाव येत असल्याच्या पार्श्वभूमीवर वनमंत्री संजय राठोड आज मुख्यमंत्री उद्धव ठाकरे यांची भेट घेणार आहेत. राठोड हे पत्नी आणि मेव्हण्यासह कॅबिनेट बैठकीपूर्वीच मुख्यमंत्र्यांची भेट घेणार आहेत. त्यामुळे राठोड यांच्या बाबत कॅबिनेटपूर्वीच काही मोठा निर्णय होण्याची शक्यता वर्तवली जात आहे.

पूजा चव्हाण आत्महत्या प्रकरणामुळे चर्चेत असलेले राज्याचे वनमंत्री संजय राठोड यांना मुख्यमंत्र्यांनी राजीनामा देण्याचे आदेश दिल्याची चर्चेनं राजकीय वर्तुळात जोर धरला आहे. विधिमंडळाच्या अर्थसंकल्पीय अधिवेशनात पूजा चव्हाण प्रकरणाचे तीव्र पडसाद उमटण्याची चिन्हं असल्यानं मुख्यमंत्र्यांनी आदेश दिल्याचं बोललं जात असून, शिवसेनेचे नेते संजय राऊत यांनी एक सूचक ट्विट केलं आहे.

pic.twitter.com/GWenwe6eQR

— Sanjay Raut (@rautsanjay61) February 28, 2021

पूजा चव्हाण मृत्यूप्रकरणी राज्य सरकारची नामुष्की झाल्यानं शिवसेनेनं राठोडांच्या राजीनाम्याचे आदेश दिल्याचं बोललं जात आहे. पूजा चव्हाण मृत्यूप्रकरणावरुन भाजपनेही महाविकास आघाडी विरोधात आक्रमक पवित्रा घेतला आहे. त्यात आज सकाळीच शिवसेना नेते संजय राऊत यांनीही मुख्यमंत्री उद्धव ठाकरे हे याप्रकरणी काही डोळे मिटून बसलेले नाही. ते लक्षपूर्वकपणे यावर निर्णय घेतील, असं म्हणून संजय राठोडांच्या राजीनाम्याचे संकेत दिले होते.

News English Summary: The discussion that the Chief Minister has ordered the resignation of the state’s Forest Minister Sanjay Rathore, who is under discussion due to the Pooja Chavan suicide case, has gained momentum in political circles. It is being said that the Chief Minister has given the order as there are signs that the Pooja Chavan case will have a severe repercussion in the budget session of the Legislature, and Shiv Sena leader Sanjay Raut has tweeted a suggestion.

News English Title: Shiv Sena leader Sanjay Raut has tweeted a suggestion news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.