फडणवीसांनी मुख्यमंत्री पदासाठी मुंगेरीलालची सुंदर स्वप्नं पाहावीत - गुलाबराव पाटील

जळगाव, १८ जुलै : देवेंद्र फडणवीस यांनी दिल्ली दौरा केल्यापासून महाराष्ट्रातील सरकार सुद्धा पडणार अशी चर्चा समाज माध्यमांवर पाहायला मिळाली. मात्र स्वतः फडणवीसांनी देखील आम्हाला सरकार पाडण्यात काहीच रस नसल्याचं म्हटलं आहे. मात्र त्यानंतर देखील महाविकास आघाडी सरकारमधील नेतेमंडळींकडून प्रतिकिया येतंच आहेत.

उद्धव ठाकरे हे सर्वात लोकप्रिय मुख्यमंत्री ठरले आहेत. त्यामुळे महाविकास आघाडी सरकार पडणार नाही. विरोधी पक्षनेते देवेंद्र फडणवीस यांनी मुख्यमंत्री पदासाठी मुंगेरीलालची सुंदर स्वप्नं पाहावीत,” अशा शब्दांत जळगाव जिल्ह्याचे पालकमंत्री गुलाबराव पाटील यांनी विरोधीपक्षनेते देवेंद्र फडणवीस यांच्यावर निषाणा साधला आहे. ते पत्रकारांशी बोलत होते.

दुसरीकडे केंद्रीय गृहमंत्री अमित शाह यांना भेटायला गेलेल्या देवेंद्र फडणवीस यांना राज्यात शेवटी कटोरा घेऊन फिरावं लागेल अशी टीका उर्जामंत्री नितीन राऊत यांनी केली आहे. माजी मुख्यमंत्री देवेंद्र फडणवीस हे सध्या दिल्ली दौऱ्यावर आहेत. अशात मध्य प्रदेश आणि राजस्थानप्रमाणे महाराष्ट्रातही ऑपरेशन कमळ राबवलं जाणार अशी चर्चा रंगली आहे. त्याबाबत नितीन राऊत यांना विचारलं असता दिल्लीत गेलेल्या फडणवीसांना महाराष्ट्रात कटोरा घेऊन फिरावं लागेल अशी टीका केली आहे.

News English Summary: Uddhav Thackeray has become the most popular Chief Minister. Therefore, the Mahavikas Aghadi government will not fall. Leader of Opposition Devendra Fadnavis should dream of Mungerilal for the post of Chief Minister, ”said Gulabrao Patil, Guardian Minister of Jalgaon district, targeting Leader of Opposition Devendra Fadnavis.

News English Title: Shivsena leader and Minister Gulabrao Patil commented on former CM Devendra Fadnavis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.