गिरीशभाऊंनी आवश्यक तेवढी लस महाराष्ट्रासाठी मिळवून दिला, तर मी भर चौकात त्यांचा सत्कार करीन - गुलाबराव पाटील

जळगाव, १ मे | नुकतीच राष्ट्रवादी काँग्रेसचे नेते एकनाथ खडसे यांनी भारतीय जनता पक्षाचे आमदार गिरीश महाजन यांच्यावर तिखट शब्दांत टीका केली होती. तसेच, त्यांच्या एका व्हायरल ऑडिओ क्लिपवरून दोन्ही नेत्यांमध्ये चांगलीच जुंपलेली पाहायला मिळाली होती. आता पुन्हा एकदा गिरीश महाजन यांच्यावर महाविकासआघाडीतल्या एका नेत्यानं निशाणा साधला आहे. शिवसेना नेते आणि जळगावचे पालकमंत्री गुलाबराव पाटील यांनी राज्यातल्या लसीकरणावरून गिरीश महाजन यांना सुनावलं आहे.

यासंदर्भात प्रतिक्रिया देताना गिरीश महाजन म्हणाले की, ‘गिरीश भाऊंना माझा सल्ला आहे. पश्चिम बंगालमध्ये अमित शाह यांनी गिरीशभाऊंना वर स्टेजवर बोलावलं होतं. जर त्याचा काही प्रभाव पडला असेल, तर जास्तीत जास्त लस जळगावसाठी आणि महाराष्ट्रासाठी त्यांनी आणावी. गिरीशभाऊंनी आवश्यक तो लसीचा साठा महाराष्ट्रासाठी मिळवून दिला, तर त्यांचा मी भर चौकामध्ये सत्कार करीन”, असं आव्हान मंत्री गुलाबराव पाटील यांनी गिरीश महाजनांना दिलं आहे.

दरम्यान, राज्यात सुरू असलेला लसीकरणाचा कार्यक्रम आणि उपलब्ध होणारा लसीचा साठा या मुद्द्यावरून देखील गुलाबराव पाटील यांनी गिरीश महाजनांवर निशाणा साधला. “जर राज्य सरकार पूर्ण लसी घ्यायला तयार असेल, तर लस देण्याचा अधिकार कुणाला आहे हे मी सांगण्यापेक्षा गिरीशभाऊंना चांगलं माहिती आहे. राजकारण कोण करतंय हे गिरीश भाऊंना माहिती आहे. जर लसी पूर्ण उपलब्ध असल्या, तर महाराष्ट्र सरकारची आरोग्य यंत्रणा एवढी सज्ज आहे की दोन ते अडीच महिन्यांत पूर्ण राज्याला लसीकरण करू शकते. पण जोपर्यंत लसीकरणाचा कोटा आपल्याकडे येत नाही, तोपर्यंत इथे परमेश्वर जरी आला, तरी लसीकरण पूर्ण होऊ शकत नाही”, असं ते म्हणाले आहेत.

News English Summary: Recently, NCP leader Eknath Khadse had sharply criticized BJP MLA Girish Mahajan. Also, one of their viral audio clips showed the two leaders getting along well. Now, once again, Girish Mahajan has been targeted by a leader of the Maha Vikas Aghadi. Shiv Sena leader and Guardian Minister of Jalgaon Gulabrao Patil has told Girish Mahajan about vaccination in the state.

News English Title: Shivsena minister Gulabrao Patil target BJP MLA Girish Mahajan news updates.