सत्ता हातातून गेल्यामुळे तुम्ही इतका तमाशा करत आहात | राऊतांचा भाजपाला टोला

मुंबई, १३ सप्टेंबर : बॉलिवूड अभिनेत्री कंगना रनौत हा विषय आमच्यासाठी संपला आहे. आम्ही त्यावर बोलणं बंद केलं आहे. ज्याला जे करायचं आहे, त्याने ते करावं, अशी प्रतिक्रिया शिवसेना खासदार संजय राऊत यांनी दिली. नुकतंच कंगना रनौत राज्यपाल भगतसिंह कोश्यारी यांची राजभवनात भेट घेतली. कंगनाच्या वांद्र्यातील कार्यालयावर मुंबई महापालिकेने केलेल्या कारवाईच्या पार्श्वभूमीवर ही भेट झाली. साधारण 40 मिनिटे दोघांची चर्चा झाली. त्यावर संजय राऊत यांनी ही प्रतिक्रिया दिली.

“कारण इतिहासाचे पानं नेहमी बदलत असतात, नवीन इतिहास लिहिला जातो, पण जुन्या इतिहासाची पानं फाडली जात नाहीत. त्यामुळे जे होत आहे आम्ही त्यावर लक्ष ठेवून आहोत आणि पाहात आहोत की कुठला पक्ष महाराष्ट्र आणि देशाबद्दल काय विचार करतो. त्यांचे विचार किती वाईट आहेत आणि फक्त इतक्यासाठी कारण तुमची सत्ता गेली. त्यामुळे तुम्ही हा तमाशा करत आहात. तुम्ही एका राज्याच्या संस्कारांना बदनाम करत आहात, तुम्ही संयम ठेवायला हवा होता, राजकारणात असे चढउतार येत असतात, सत्ता येते सत्ता जाते, लोकशा्हीत बहुमत चंचल असतं, जर तुम्हाला हे कळत नाही तर तुम्हाला राजकारण करण्याचा अधिकार नाही,” असे संजय राऊत म्हणाले.

नेव्ही अधिकाऱ्याला शिवसैनिकांनी केलेल्या मारहाणीविषयी बोलताना राऊत म्हणाले, “महाराष्ट्रात कायद्याचा नेहमीच सन्मान केला जातो. तुम्हाला माहितीये का उत्तर प्रदेशात किती माजी सैनिकांवर हल्ले झाले आहेत? पण, तरीही संरक्षण मंत्री त्याविषयी बोलत नाहीत. सरकारमधील मंत्री चीनच्या मुद्यावर बोलत नाहीत. ते मुंबईतील एका गल्लीत झालेल्या घटनेवर बोलत आहेत,” असा टोला संजय राऊत यांनी लगावला.

भाजपावरही राऊत यांनी निशाणा साधला. “राज्यातील सत्ता हातातून गेली म्हणून तुम्ही इतका तमाशा करत आहात. तुम्ही एका राज्याला, त्या राज्याच्या संस्कृतीला बदनाम करत आहात. विरोधी पक्षानं संयम ठेवला पाहिजे. राजकारणात असे चढउतार येतातच. सत्ता येते, सत्ता जाते. लोकशाहीमध्ये बहुमत चंचल गोष्ट असते. जर तुम्हाला ते समजत नसेल, तर तुम्हाला राजकारण करण्याचा अधिकार नाही,” असा सल्ला राऊत यांनी भाजपाला दिला.

News English Summary: Bollywood actress Kangana Ranaut is over for us. We have stopped talking about it. Shiv Sena MP Sanjay Raut said that whoever wants to do it should do it. Recently, Kangana Ranaut met Governor Bhagat Singh Koshyari at Raj Bhavan. The meeting took place against the backdrop of action taken by the Mumbai Municipal Corporation against Kangana’s Bandra office.

News English Title: Shivsena MP Sanjay Raut Devendra Fadnavis Kangana Ranaut Shivsena Rajnath Singh Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.