शिवसेनेला कुणीही शहाणपणा शिकवण्याची गरज नाही: संजय राऊत

मुंबई: महाराष्ट्राचे माजी मुख्यमंत्री देवेंद्र फडणवीस यांनी बाळासाहेबांना ट्विटरवरून आदरांजली वाहिली आहे. ‘स्वाभिमान जपण्याचा मूलमंत्र आदरणीय बाळासाहेबांनी आपल्या सर्वांना दिला!’ असं म्हणत फडणवीस यांनी व्हिडिओ ट्विट करुन आदरांजली वाहिली आहे. स्वाभिमान आणि हिंदुत्वाच्या मुद्यावरून शिवसेनेचे नेते संजय राऊत यांनी फडणवीस यांच्यावर निशाणा साधला आहे. ‘आम्ही बाळासाहेबांचे शिवसैनिक आहोत. शिवसेनेला कुणीही शहाणपणा शिकवण्याची गरज नाही’ असं राऊत यांनी म्हटलं आहे.

स्वाभिमान आणि हिंदुत्वाच्या मुद्यावरून शिवसेनेचे नेते खासदार संजय राऊत यांनी फडणवीस यांना थेट प्रत्युत्तर दिलं आहे. आम्ही बाळासाहेबांचे शिवसैनिक आहोत. शिवसेनेला कुणीही शहाणपणा शिकवण्याची गरज नाही,” अशी टीका राऊत यांनी केली आहे.

दरम्यान,उद्या पासून संसदेचे हिवाळी अधिवेशन सुरू होत असून, खासदार असलेले शिवसेना नेते संजय राऊत अधिवेशनासाठी दिल्लीला रवाना होतील. मात्र, दरम्यानच्या काळात राऊत हे काँग्रेसच्या पक्षश्रेष्ठींची भेट घेऊन राज्यातील सत्तास्थापनेबाबत चर्चा करतील असे सांगितले जात आहे. राऊत हे उद्धव ठाकरे यांची भूमिका कांग्रेसच्या नेत्यापुढे मांडतील अशी सूत्रांची माहिती आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.