फडणवीस, चंद्रकांत दादांच्या नैत्रुत्वात भाजपचा दारुण पराभव | धुळे-नंदुरबार उमेदवाराच्या पुण्याईवर

पुणे, ४ डिसेंबर: राज्यातील 3 पदवीधर आणि 2 शिक्षक मतदारसंघाच्या निकालातून (results of 3 graduate and 2 teacher constituencies) राज्यातील सत्ताधारी महाविकास आघाडीला एकजुटीचं फळ मिळाल्याचं पाहायला मिळत आहे. तर दुसरीकडे शिवसेना, काँग्रेस आणि राष्ट्रवादी एकत्र निवडणूक लढल्यानं भारतीय जनता पक्षाला जबरदस्त धक्का बसलाय. कारण, भारतीय जनता पक्षाला औरंगाबादसह हक्काचा मानला जाणारा पुणे आणि नागपूर पदवीधर मतदारसंघ देखील गमवावा लागला आहे. पदवीधरच्या या तिनही मतदारसंघात भारतीय जनता पक्षाला मोठ्या पराभवाचा सामना करावा लागला आहे. तर पुणे शिक्षक मतदारसंघातही राष्ट्रवादीचा उमेदवार विजयी ठरलाय.

पुणे आणि नागपूर पदवीधर हे भारतीय जनता पक्षाचे हक्काचे मतदारसंघ मानले जात होते. भारतीय जनता पक्षाचे प्रदेशाध्यक्ष चंद्रकांत पाटील (BJP State President Chandrakant Patil) यांना पुण्याचं दोन वेळा प्रतिनिधीत्व केलं आहे. तर नागपूर मतदारसंघ हा भारतीय जनता पक्षाचा बालेकिल्ला राहिला आहे. केंद्रीय मंत्री नितीन गडकरी यांनीही या मतदारसंघाचं नेतृत्व केलं होतं. तेव्हा पासून नागपूर पदवीधर हा भारतीय जनता पक्षाकडेच होता. पण यंदा या दोन्ही मतदारसंघात भारतीय जनता पक्षाला जबरदस्त हादरा बसल्याचं पाहायला मिळतं आहे. ‘विधान परिषदेच्या 6 जागाही आम्ही जिंकू आणि पुणे तर वनवेच’, असं म्हणणाऱ्या चंद्रकांत पाटील आणि विधानसभेतील विरोधी पक्षनेते देवेंद्र फडणवीस यांच्यासाठी हा पराभव मोठा धक्का मानला जात आहे.

दुसरकडे अमरावती शिक्षक मतदारसंघ निवडणुकीत अपक्ष उमेदवार किरण सरनाईक विजयी होण्याच्या मार्गावर आहेत. 20 व्या बाद फेरीमध्ये अपक्ष उमेदवार किरण सरनाईक यांनी 6528 मतांची विजयी आघाडी घेतली आहे. तर प्रतिस्पर्धी महाविकास आघाडीचे उमेदवार आणि विद्यमान आमदार श्रीकांत देशपांडे यांच्या पारड्यात 5447 मते पडली आहेत. तर शिक्षक आघाडीचे शेखर भोयर यांना 5205 मते मिळाली आहेत. त्यामुळे अपक्ष उमेदवार किरण सरनाईक यांचा विजय जवळपास निश्चित मानला जात आहे.

News English Summary: The results of 3 graduate and 2 teacher constituencies in the state show that the ruling Mahavikas Aghadi in the state has got the fruit of unity. On the other hand, Shiv Sena, Congress and NCP fought the elections together, which was a huge blow to the Bharatiya Janata Party. This is because the Bharatiya Janata Party has lost Aurangabad and Pune and Nagpur graduate constituencies. The Bharatiya Janata Party has suffered a major defeat in all the three constituencies of the graduates. The NCP candidate has also won in the Pune Shikshak constituency.

News English Title: State Graduate and Teachers constituency election results MahaVikas Aghadi on top News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.