चांगलं काम केलं तरी आपलं दुकान बंद होऊ नये म्हणून फडणवीस टीका करतात - गृहमंत्री

पुणे, ०१ जानेवारी : विरोधी पक्षनेते देवेंद्र फडणवीस हे चांगलं काम केलं तरी टीकाच करणार आहेत. त्यांचं राजकीय दुकान बंद होऊ नये म्हणून ते टीका करत असतात असा टोला महाराष्ट्राचे गृहमंत्री अनिल देशमुख यांनी एका कार्यक्रमात लगावला आहे. अनिल देशमुख यांनी नववर्षाच्या निमित्ताने पुण्यातील येरवडा कारागृहाला भेट दिली. यानंतर ते प्रसार माध्यमांशी संवाद साधताना बोलत होते.

येरवडा कारागृहबाबत काही विशिष्ट मागण्या होत्या. त्याबाबतचं निवेदन यावेळी अनिल देशमुख यांच्याकडे सोपवण्यात आलं. कारागृहात क्षमतेपेक्षा जास्त संख्या असून आपल्याला मॉडर्न कारागृह करायचं आहे. मुख्यमंत्री, उपमुख्यमंत्री यांच्याकडे कारागृहाची क्षमता वाढवण्यासाठी प्रस्ताव दिला आहे,” अशी माहिती यावेळी अनिल देशमुख यांनी दिली.

दुसरीकडे मुख्यमंत्री उद्धव ठाकरे यांनी देखील मुंबई पोलिसांच्या एका कार्यक्रमात उपस्थित राहून त्यांचं कर्तव्य केलं. पोलिसांचं कर्तृत्व सूर्यप्रकाशाइतकं स्वच्छ आहे. त्याला तोड नाही. पोलिसांची ही परंपरा १०० ते १५० वर्षांची आहे. त्यामुळंच कोणी कितीही आदळआपट केली तरी ते पोलिसांच्या कर्तृत्वाला डाग लावू शकणार नाहीत,’ असा विश्वास व्यक्त करत मुख्यमंत्री उद्धव ठाकरे यांनी आज विरोधकांना टोला लगावला.

कोरोना व्हायरसमुळे आपण राज्यातील जनतेला घराबाहेर न पडण्याचं आवाहन केलं. लॉकडाऊन केलं. घरातून काम करण्याचे म्हणजेच ‘वर्क फ्रॉम होम’ करण्याचे आदेश दिले. पण विचार करा जर पोलिसांनीही ‘वर्क फ्रॉम होम’ केलं असतं तर? अजूनही धोका गेलेला नाही. पाश्चिमात्य देशांमध्ये कोरोनाचा धोका पुन्हा वाढला आहे. त्यामुळे सर्वच उघडलं तर चुकीचं ठरेल”, असं मुख्यमंत्री म्हणाले.

News English Summary: Opposition leader Devendra Fadnavis will criticize even if he does a good job. Maharashtra Home Minister Anil Deshmukh has said that he is criticizing his political shop for not closing it. Anil Deshmukh visited Yerawada Jail in Pune on the occasion of New Year. He was later talking to the media.

News English Title: State home minister Anil Deshmukh slams Devendra Fadnavis over politics news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.