मालेगावात आतापर्यंत ४२ पोलिसांना कोरोना, तर सोलापुरात एकाच दिवशी २१ रुग्ण

नाशिक, ३० एप्रिल: कोरोनाचं ‘हॉटस्पॉट’ असलेल्या मालेगावात बाधित रुग्णांची संख्या दिवसागणिक वाढत असतानाच, आता करोनाविरोधी लढणाऱ्या योद्ध्यांनाही या विषाणूच्या साखळीनं घट्ट विळखा घातला आहे. मालेगावात आतापर्यंत ४२ पोलीस कर्मचाऱ्यांना कोरोनाचा संसर्ग झाला आहे.

सध्या जिल्ह्यातील निम्म्याहून अधिक पोलिसांचा फौजफाटा मालेगावमध्ये वळविण्यात आला आहे. मालेगावमध्ये कोरोनाचा फैलाव झपाट्याने होत असून, कोरोनाग्रस्त रूग्णाची संख्या अडीचशेच्या घरात पोहोचली आहे. मालेगावमध्ये २३ मार्चपासूनच पोलीस यंत्रणा बंदोबस्तासाठी कार्यान्वित करण्यात आली आहे. मालेगावची आर्थिक, सामाजिक, धार्मिक पार्श्वभूमी ही इतर शहरांपेक्षा वेगळी आहे.

दुसरीकडे सोलापुरात गुरूवारी एकाच दिवशी २१ नवे कोरोनाबाधित रूग्ण आढळून आल्यामुळे रूग्णांची संख्या शंभरी पार होऊन १०२ वर पोहोचली आहे. यात सहा मृतांचा समावेश आहे. दरम्यान, कोरोनावर मात केलेल्या तिघा माय-लेकांना घरी पाठविण्यात आले असून सध्या ९३ रूग्णांवर छत्रपती शिवाजी महाराज सर्वोपचार रूग्णालयात उपचार सुरू आहेत.

यासंदर्भात गुरूवारी पालकमंत्री दत्तात्रेय भरणे यांनी प्रसार माध्यमांशी बोलताना कोरोनाची बाधा झालेल्या २१ रूग्णांची नव्याने भर पडल्याचे सांगितले. काल बुधवारपर्यंत कोरोनाबाधित रूग्णांची संख्या ८१ वर गेल्याचे जिल्हाधिकारी मिलिंद शंभरकर यांनी अधिकृतपणे सांगितले होते.

News English Summary: While the number of infected patients is increasing day by day in Malegaon, which is the ‘hotspot’ of Corona, now the anti-Corona warriors are also infected with the virus. In Malegaon, 42 police personnel have been infected with corona so far.

News English Title: Story Corona virus 42 Maharashtra police personnel tested positive for covid 19 in Malegaon city police News Latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.