काम करताना किंचाळण्याची गरज नसते; मुख्यमंत्र्यांची पाठराखण करत विरोधकांना टोला

मुंबई, ७ एप्रिल: देशामध्ये महाराष्ट्रात करोनाचे सर्वाधिक रुग्ण असून कोरोनावर नियंत्रण मिळवण्यासाठी राज्य सरकार आटोकाट प्रयत्न करत आहे. मुख्यमंत्री उद्धव ठाकरे यांनी या संकटाशी लढा देण्यासाठी अनेक तातडीची पावले उचलताना तितकेच कठोर निर्णयही घेतले आहेत. मुख्यमंत्र्यांच्या याच नेतृत्वकौशल्याचे कौतुक करत आमदार रोहित पवार यांनी उद्धव ठाकरेंवर टीका करणाऱ्यांचा समाचार घेतला आहे.

राज्यात कोरोनाचा शिरकाव झाल्यानंतर मुख्यमंत्री उद्धव ठाकरे यांच्या नेतृत्वाखालील सरकारनं निर्णय घेत काम करण्यास सुरूवात केली. वेळोवेळी घेण्यात आलेले निर्णय आणि राबवण्यात आलेल्या उपाययोजनांमुळे उद्धव ठाकरे यांचं सर्व स्तरातून कौतुक होत असताना भाजपातील काही नेत्यांकडून उद्धव ठाकरे यांच्या नेतृत्वावर प्रश्नचिन्ह उपस्थित करण्यात येत आहे. विशेष म्हणजे विविध राज्यांचे मुख्यमंत्री तसेच विविध सेलिब्रिटींनीही मुख्यमंत्र्यांची तोंडभरून स्तुती केली आहे. या सर्वात भाजपचे काही नेते मात्र उद्धव यांच्या नेतृत्वावर सातत्याने टीका करत आहेत. या टीकेवर रोहित पवार यांनी ट्विटरच्या माध्यमातून सणसणीत टोला हाणला आहे.

‘मुख्यमंत्री उद्धव ठाकरे कडक भूमिका घेत नसल्याचं काही लोक म्हणतात पण काम करताना किंचाळण्याची गरज नसते’, अशा शब्दांत रोहित यांनी कुणाचेही नाव न घेता टोला लगावला. ‘शांतपणे परिस्थिती कंट्रोल करता येत असेल. महाविकास आघाडीचे नेतेही खंबीर साथ देत असतील तर उगाच घसा फोडण्यापेक्षा शांत राहून कामाचा ठसा उमटलेला कधीही चांगला’, असेही रोहित यांनी सुनावले. रोहित यांच्या या ट्विटचा रोख कुणाकडे आहे, हे सर्वांनाच ठाऊक आहे.

मुख्यमंत्री @OfficeofUT साहेब कडक भूमिका घेत नसल्याचं काही लोक म्हणतात पण काम करताना किंचाळण्याची गरज नसते. शांतपणे परिस्थिती कंट्रोल करता येत असेल & त्यांना महाविकास आघाडीचे नेतेही खंबीर साथ देत असतील तर उगाच घसा फोडण्यापेक्षा शांत राहून कामाचा ठसा उमटलेला कधीही चांगला.

— Rohit Pawar (@RRPSpeaks) April 7, 2020

News English Summary: Maharashtra has the highest number of coronary patients in the country and the state government is working hard to get control of it. Chief Minister Uddhav Thackeray has taken equally stringent decisions while taking many urgent steps to combat the crisis. Praising the leadership skills of the Chief Minister, MLA Rohit Pawar has taken the news of those who criticized Uddhav Thackeray.

News English Title: Story NCP MLA Rohit Pawar impressed with Chief Minister Uddhav Thackeray leadership slams opposition leaders Corona crisis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.