पिंपरीत तीन सख्या भावांचा कोरोना उपचारादरम्यान मृत्यू

पिंपरी, २० जुलै : पुण्यात १४ जूनपासून सतत लॉकडाऊन सुरू आहे. सर्वात कडक लॉकडाऊन लागू करूनही पुण्यात कोरोनाबाधित रुग्णांची संख्या कमी होण्याची चिन्हे नाहीत. उलट लॉकडाऊनच्याच काळात कोरोनाग्रस्तांची संख्या बेसुमार वाढत आहे. पुण्यात काल दिवसभरात २,४५९ कोरोनाग्रस्त रुग्णांची नोंद झाली आहे. तर तब्बल ६१ कोरोनाग्रस्तांचा मृत्यू झाला आहे. कालची रुग्ण संख्या आणि मृत्यू पावलेल्या रुग्णांची संख्या ही आतापर्यंतची सर्वाधिक मोठी संख्या आहे. पुणे जिल्ह्यातील कोरोनाग्रस्त रुग्णांची संख्या ही ५०,००० पेक्षा जास्त झाली आहे.

दरम्यान, पिंपरी-चिंचवड शहरात एकाच कुटुंबातील १८ जणांना कोरोनाची लागण झाली होती. यांपैकी, तीनही सख्या भावांचा उपचारादरम्यान मृत्यू झाला आहे, अशी माहिती संबंधित कुटुंबाच्या नातेवाईकांनी दिली. मृत्यू झालेल्या तिन्ही भावांचे वय ६० वर्षांच्या पुढे होते.

पोपटराव कलापुरे (वय ६६), ज्ञानेश्वर कलापुरे (वय ६३) आणि दिलीपराव कलापुरे (वय ६१, सर्वजण रा. पिंपरी) असे कोरोनामुळे मृत्यू झालेल्या तीन सख्ख्या भावंडांची नावे आहेत. त्यांच्यावर १५ दिवसांपासून चिंचवडमधील खासगी रुग्णालयात उपचार सुरू होते.

News English Summary: In Pimpri-Chinchwad, 18 members of the same family were infected with corona. Of these, all three brothers died during treatment, according to family members. The three deceased brothers were over 60 years of age.

News English Title: The Pillars Of The Kalapure Family In Pimpri Collapsed Three Siblings Were Killed By Corona News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.