मी सिरमची लस घेतली | पण ती कोरोनाची नव्हे | पवारांचं स्पष्टीकरण

मुंबई, २ ऑक्टोबर : मी घेतलेली लस करोनाची नाही असं म्हणत सिरममध्ये जाऊन घेतलेल्या लशीवर शरद पवारांनी स्पष्टीकरण दिलं आहे. मात्र मी आणि माझ्या स्टाफने घेतलेली लस ही करोनावरची नसून प्रतिकार शक्ती वाढवणारी आहे. कोविडवरची लस येण्यासाठी जानेवारी अखेरपर्यंत वेळ लागेल असं सिरमकडून सांगण्यात आल्याचंही शरद पवार यांनी स्पष्ट केलं आहे. लोकांना वाटते की मी लस घेतली आहे. अशी चर्चा लोकांमध्ये खासगी असते की सिरमचे प्रमुख पवारांचे वर्ग मित्र आहे. त्यामुळे त्यांनी ती लस घेतली असेल असं लोक बोलतात. पण मी आणि माझ्या स्टाफने घेतली लस ही करोनावरची नाही तर प्रतिकारशक्ती वाढवणारी आहे असं शरद पवार यांनी स्पष्ट केलं आहे.

पुण्यात शरद पवार यांनी शुक्रवारी सिरम इन्स्टिट्यूट ला भेट दिली. त्यावेळी ते बोलत होते. पवार म्हणाले,मी व माझ्या सहकाऱ्यांनी लस घेतली आहे. मात्र, ती कोरोनावरची नाही तर रोग प्रतिकार शक्ती वाढवणारी आहे. कोरोनावरची लस उपलब्ध होण्यासाठी अजून ३ ते चार महिन्यांचा काळ लागण्याची शक्यता आहे. कदाचित जानेवारीच्या शेवटच्या टप्प्यात ही लस मिळेल अशी माहिती सिरमकडून देण्यात असल्याचा आवर्जून उल्लेख यावेळी शरद पवार यांनी केला.

दरम्यान, उत्तर प्रदेश येथील हाथरस येथे त्या तरुणीसोबत जो काही प्रकार घडला तो अत्यंत दुर्दैवी असा आहे. पोलिसांकडून तिचा मृतदेह कुटुंबियांकडे न सोपवता परस्पर त्याच्यावर अंत्यसंस्कार करण्यात आले. देशातील जनतेने यासारखी घटना आज प्रथमच पाहिली आहे. या सर्व प्रकरणात उत्तर प्रदेश सरकारने कायद्याला कवडीची किंमत दिली नाही हे अधोरेखित होते. काँग्रेसचे नेते राहुल गांधी त्या कुटुंबियांना आधार देण्यासाठी व सांत्वन करण्यासाठी तिथे शांततेच्या मार्गाने चालले होते. खरंतर पीडित कुटुंबाची भेट घेऊ देण्यात पोलीस व सरकारला काहीच अडचण नव्हती. मात्र त्यांना जी काही वागणूक दिली गेली ती अशोभनीय व अतिशय चुकीची आहे.

News English Summary: NCP President Sharad Pawar has given an explanation on the corona vaccine I took in serum saying that the vaccine I took was not coronary. However, the vaccine taken by me and my staff is not for coronary but to increase immunity. Sharad Pawar has also clarified that it will take time till the end of January for vaccination against covid. People think I’ve been vaccinated.

News English Title: The Vaccine I Took Was Not From Corona Sharad Pawar Explanation On The Serum Vaccine Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.