राज्यात आज ३३०७ नव्या कोरोनाबाधित रुग्णांची नोंद

मुंबई, १७ जून : मुंबईत कोरोना रुग्णांची संख्या दिवसेंदिवस झपाट्याने वाढत आहे. मुंबईत कोरोना रुग्णांच्या आकडेवारीने ६० हजारांचा टप्पा पार केला आहे. मुंबईत रुग्ण दुप्पट होण्याचा कालावधी वाढून आता २९ दिवसांवर पोहचला आहे. तर रुग्ण वाढीचा सरासरी दर आणखी कमी होऊन आता 2.43 टक्क्यांवर आहे.

एफ उत्तरमध्ये रुग्ण दुप्पट होण्याचा कालावधी वाढून तब्बल ६० दिवसांवर पोहोचला आहे. तर रूग्ण वाढीचं प्रमाण १.२ टक्के असं सर्वात कमी आहे. एच पूर्वमध्ये रुग्ण दुप्पट व्हायला ५७ दिवस लागलेले असून तेथील रुग्ण वाढीचा सरासरी दर एफ उत्तरप्रमाणे 1.2 टक्के असाच आहे.

दरम्यान, राज्यात आज ३३०७ नव्या कोरोनाबाधित रुग्णांची नोंद झाली आहे. यासोबत राज्यातील कोरोनाबाधित रुग्णसंख्या १ लाख १६ हजार ७५२ वर पोहोचली आहे. याशिवाय दिवसभारत ११४ जणांच्या मृत्यूची नोंद झाली आहे. राज्यात आतापर्यंत ५६५१ जणांचा करोनामुळे मृत्यू झाला आहे. आरोग्य विभागाकडून ही माहिती देण्यात आली आहे.

राज्यात आज 3307कोरोना बाधीत रुग्णांची वाढ झाली व एकूण संख्या आता 116752 अशी झाली आहे. आज नवीन 1315 कोरोना बाधित रुग्ण बरे झाले आहेत. एकूण 59166 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 51921 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) June 17, 2020

आज १३१५ रुग्ण बरे होऊन घरी गेले आहेत. राज्यात आतापर्यंत एकूण ५९ हजार १६६ करोनाबाधित रुग्ण बरे होऊन घऱी गेले आहेत. राज्यात सध्याच्या घडीला ५१ हजार ९२१ अॅक्टिव्ह रुग्ण आहेत. यापैकी एकट्या मुंबईत २६ हजार ९९७ रुग्ण आहेत.

News English Summary: Today, 3307 new coronavirus patients have been registered in the state. Besides, the number of coronary heart disease patients in the state has reached 1 lakh 16 thousand 752. Besides, 114 deaths have been reported in India during the day. So far 5651 people have died due to corona in the state.

News English Title: Today 3307 new coronavirus patients have been registered in the Maharashtra state News Latest Updates.