दुसऱ्या टप्प्यातील प्रचाराच्या तोफा आज थंडावणार

मुंबई : देशभरात आज आगामी लोकसभा निवडणुकीतील दुसऱ्या टप्प्यातील मतदानासाठी प्रचाराच्या तोफा थंडावणार आहेत. मतदानाच्या दुसऱ्या टप्प्यात देशातील १३ राज्यांतील ९७ जांगावर १८ एप्रिलला मतदान होत आहे. महाराष्ट्रात बीड, सोलापूर, नांदेड, हिंगोली, उस्मानाबाद, लातूर, परभणी, अकोला अमरावती, बुलडाणा या मतदार संघांमध्ये मतदान होणार आहे.

प्रचाराच्या शेवटच्या दिवशी आज राज्यात अनेक ठिकाणी रॅली पाहायला मिळणार आहे. बुलडाणा मतदारसंघातील चिखली येथे सोमवारी मुख्यमंत्री देवेंद्र फडणवीस यांनी महायुतीचे उमेदवार प्रतापराव जाधव यांच्यासाठी सभा घेतली. तर अमरावतीत शिवसेना पक्ष प्रमुख उद्धव ठाकरे यांची होणार आहे.