केंद्राच्या मदतीत काय चूक | पंतप्रधानांचा मला फोन आला होता | मदत करू म्हणाले होते

मुंबई, १९ ऑक्टोबर : अतिवृष्टीमुळे झालेल्या नुकसानीचे पंचनामे सुरु आहेत, पुढील २-३ दिवसांत माहिती गोळा करण्याचं काम होईल, त्यानंतर सरकारकडून जे शक्य आहे ते करणार आहे, घोषणा देणारे गेले आम्ही प्रत्यक्षात काम करू असा टोला मुख्यमंत्री उद्धव ठाकरेंनी विरोधकांना लगावला आहे. विदर्भ पूर, निसर्ग चक्रीवादळ येथेही मदत केली आहे, परतीच्या पावसाचं संकट टळलं नाही, आणखी काही दिवस अतिवृष्टी होऊ शकते असा इशारा हवामान खात्याने दिला आहे, त्यामुळे नुकसान किती होतेय याचा अंदाज आला आहे, सरकार लवकरच मदत करेल अशी ग्वाही उद्धव ठाकरेंनी दिली.

“राज्यात अतिवृष्टी आली असताना राज्य सरकारने केंद्राकडे मदत मागितली तर बिघडलं कुठं?,” असा सवाल मुख्यमंत्री उद्धव ठाकरे उपस्थित केला आहे. दरम्यान, विरोधी पक्ष नेते देवेंद्र फडणीसही मराठवाड्याच्या दौऱ्यावर आहेत. त्यांनी केंद्राकडे मदत मागितली. त्यावर पंचनामे करण्याची वाट न पाहता मदत करावी असे फडणवीस म्हाले होते. त्यावर मुख्यमंत्र्यांनी नाव न घेता फडणवीसांना चांगलाच टोला लगावला आहे.

“केंद्र सरकार हे परदेशातील सरकार नाही. ते देशाचं सरकार आहे. विरोधक केवळ पक्षाचा विचार करत असतील. देशाचं सरकार आहे. त्यांनी पक्षपात न करता मदत करणं अवश्यक आहे. पंतप्रधान नरेंद्र मोदींनीही फोन करुन मदतीचं आश्वसन दिलं आहे. त्यामुळे त्यांना त्याची जाणीव आहे. राजकारणाचा चिखल कुणी एकमेकांवर उडवू नये. केंद्र काय करणार आणि राज्य काय करणार, यापेक्षा राज्याला केंद्राच्या मदतीची गरज असेल तर सर्वांनी एकत्र येऊन ही मागणी मागितली पाहिजे, असेही मुख्यमंत्र्यांनी यावेळी सांगितले आहे.

पक्षपातीपणा न करता सर्व राज्यांना मदत करणं ही केंद्राची जबाबदारी आहे. केंद्राकडून मदत मागण्यात चूक काहीच नाही. उलट शुक्रवारी माननीय पंतप्रधान मोदी जी यांचा मला फोन आला होता. गरज पडल्यास लागेल ती मदत करू, असं आश्वासन त्यांनी दिलं आहे.

— CMO Maharashtra (@CMOMaharashtra) October 19, 2020

News English Summary: The central government is not a foreign government. That is the government of the country. Opponents may be thinking only of the party. The country has a government. They must help without prejudice. Prime Minister Narendra Modi has also called and assured help. So they are aware of it. No one should throw the mud of politics on each other. The Chief Minister also said that if the state needs the help of the Center more than what the Center will do and what the state will do, then all should come together and ask for this demand.

News English Title: We will help to Farmers Chief Minister Uddhav Thackeray Target BJP Devendra Fadnavis News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.