तुम्ही ED लावली | आता माझ्याकडून सीडी लावण्याचं काम बाकी | जामनेरमध्येच इशारा

जामनेर, १२ फेब्रुवारी: भारतीय जनता पक्षाचे नेते गिरीश महाजन यांच्या जामनेर मतदारसंघात येऊन राष्ट्रवादीचे नेते एकनाथ खडसे यांनी डरकाळी फोडली आहे. सीडी लावण्याबाबत मी गंमतीने बोललो होतो. पण खरंच माझ्या मागे ईडी लावलीत, आता सीडी लावण्याचे काम अजून बाकी आहे, असा इशारा एकनाथ खडसे यांनी दिला आहे.

राष्ट्रवादी संवाद यात्रेला संबोधित करताना एकनाथ खडसे यांनी हा इशारा दिला. काल गुरुवारी रात्री 12 वाजता जामनेर येथे राष्ट्रवादी संवाद यात्रेला एकनाथ खडसे संबोधित करत होते. राष्ट्रवादीमध्ये पक्षप्रवेश घेताना माझ्या मागे ईडी लावली तर मी सीडी लावेल, असं मी गंमतीने म्हणालो होतो. जयंतराव मला म्हणाले, तुमच्या मागे ईडी लागली तर तेव्हा मी म्हणालो मग मी सीडी लावेल. पण खरंच माझ्या मागे ईडी लागली. त्यामुळे आपलं काम अजून बाकी आहे. त्यांनी ईडी लावली. आता सीडी लावण्याचं काम बाकी आहे, असा इशारा खडसेंनी दिला. खडसे यांच्या या इशाऱ्यामुळे भाजपमध्ये पुन्हा खळबळ निर्माण होण्याची शक्यता आहे. खडसेंनी सीडी लावल्यास कुणाकुणाचे पितळ बाहेर पडणार? असा प्रश्न सध्या चर्चिला जात आहे.

राष्ट्रवादी संवाद यात्रा | एकनाथ खडसेंचा थेट जामनेरमध्येच भव्य मेळावा pic.twitter.com/1tycGa3T2j

— महाराष्ट्रनामा न्यूज (@MahaNewsConnect) February 12, 2021

दरम्यान, नाथाभाऊ आपल्या सोबत असल्यामुळे चिंता करण्याची गरज नाही. त्यांनी सुरु केलेल्या सिंचनाच्या प्रकल्पांमुळे या भागातील सिंचन क्षेत्र वाढले. नाथाभाऊंच्या कामामुळे खान्देशातील जनतेचा पक्षाला नक्कीच पाठिंबा मिळेल, असा विश्वास राष्ट्रवादीचे प्रदेशाध्यक्ष जयंत पाटील यांनी यावेळी व्यक्त केला. जळगाव जिल्ह्यात आपण १० जागा लढवतो. इथे पक्ष बळकट करण्यासाठी एकनाथ खडसे यांच्या अनुभवाचा फायदा आपण करून घ्यायला हवा. आपण ताकदीने काम केलं तर इथे सहकार क्षेत्र, स्थानिक स्वराज्य संस्थांच्या निवडणुका आपल्याला जिंकता येतील, असं जयंत पाटील म्हणाले.

News English Summary: BJP leader Girish Mahajan’s Jamner constituency has been intimidated by NCP leader Eknath Khadse. I was joking about putting up a CD. But in fact, ED was installed behind me, now the work of installing CD is still left, Eknath Khadse has warned.

News English Title: You put ED enquiry against me now my time to play CD said NCP leader Eknath Khadse news updates.