शिवसेनेचा सर्जिकल स्ट्राईक | जळगाव महापालिकेत भाजपचा पराभव आणि सेनेचा महापौर - वरुण सरदेसाई

जळगाव, १८ मार्च: जळगाव महापालिकेमध्ये सांगली पॅटर्न राबवत अखेर शिवसेनेनं भाजपला सत्तेवरून खाली खेचत भगवा फडकावला आहे. शिवसेनेच्या महापौरपदाच्या आणि उपमहापौरपदाच्या उमेदवारांनी निर्णायक आघाडी घेतली आहे. सेनेनं तब्बल 45 मतं मिळवली आहे. त्यामुळे महापालिकेवर भगवा फडकला आहे. थोड्याच वेळात अधिकृत घोषणा होणार आहे.

जळगाव महापालिका महापौरपदाच्य निवडणुकीत शिवसेनेच्या उमेदवार जयश्री सुनील महाजन आणि कुलभूषण पाटील या दोन्ही मतदारांनी निर्णायक आघाडी घेतली असून त्यांचा विजय निश्‍चित झालेला आहे. त्यांनी बहुमताचा ३८ हा आकडा पार केला आहे. त्यामुळे ते जिंकणार असल्याचे स्पष्ट झाले आहे. यात शिवसेनेने 45 तर भाजपला 30 मते मिळाली आहे. लवकरच याबाबत अधिकृत घोषणा होणार आहे.

महत्वाचे म्हणजे, जळगावमध्ये सत्तेत असलेल्या भाजपला जोरदार धक्का देत ५७ पैकी तब्बल ३० नगरसेवक सेनेत दाखल झाले होते. महापौरपदाच्या निवडणुकीत पराभव होण्याच्या भीतीने भाजपने औरंगाबाद खंडपीठात याचिका दाखल केली होती. परंतु,औरंगाबाद खंडपीठाने भाजपची याचिका फेटाळून लावली. कोरोना परिस्थितीमुळे निवडणूक ऑनलाइन घेण्यासाठी कोर्टाने आदेश दिले होते. त्यामुळे भाजपला मोठा धक्का बसला. त्यानंतर युवासेनेचे सचिव वरुण सरदेसाई यांनी ट्विटरवर माहिती देताना म्हटलं आहे की, “शिवसेनेचा surgical strike!….जळगाव महापालिकेत भाजपचा पराभव करत शिवसेनेच्या महापौर विराजमान !….सांगली नंतर जळगाव मधील भाजपची एक हाती सत्ता गेली ! ….महाविकास आघाडीचा विजय असो !

शिवसेनेचा surgical strike!

जळगाव महापालिकेत भाजपचा पराभव करत शिवसेनेच्या महापौर विराजमान !

सांगली नंतर जळगाव मधील भाजपची एक हाती सत्ता गेली !

महाविकास आघाडीचा विजय असो !

— Varun Sardesai (@SardesaiVarun) March 18, 2021

News English Summary: Shiv Sena’s surgical strike! Shiv Sena’s mayor victory over defeating BJP in Jalgaon Municipal Corporation! it is victory of Mahavikas Aghadi said Yuavsena secretary Varun Sardesai.

News English Title: Yuvasena secretary Varun Sardesai tweet after Jalgaon Municipal corporation mayor election victory news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.