निवेदिता सराफ यांना कोरोनाची लागण | कोरोनाची सौम्य लक्षणं

मुंबई, २३ सप्टेंबर : देशात कोरोना रुग्णांच्या संख्येत दिवसागणिक वाढ होताना दिसत आहे. या धोकादायक व्हायरसची झळ सर्व सामान्य जनतेसह सेलिब्रिटींना देखील बसली आहे. आतापर्यंत अनेक कलाकारांनी कोरोना व्हायरसवर मात केली आहे. देशातील एकूण कोरोनाबाधितांचा आकडा आता ५६ लाखांच्याही पार गेला आहे. तर आता ‘अग्गंबाई सासूबाई’ फेम अभिनेत्री निवेदिता सराफ यांना देखील कोरोनाची लागण झाली आहे.

काही दिवसांपूर्वी निवेदिता सराफ यांना कोरोना विषाणूचे सौम्य लक्षणं असल्याचं जाणवू लागलं होतं. अखेर त्यांना कोरोना विषाणूची लागण झाल्याचं सांगण्यात येत आहे. त्यामुळे त्यांना क्वारंटाईन करण्यात आलं आहे. त्यांच्यावर उपचार देखील सुरू आहेत.

आई माझी काळूबाई’ मालिकेच्या सेटवरील २७ जणांना कोरोना:
आई माझी काळूबाई’ या मराठी मालिकेच्या सेटवरील २७ जणांना करोनाची लागण झाली आहे. त्यामुळे मालिकेची शूटिंग थांबवण्यात आली आहे. सेटवरील अनेकांना करोनाची लागण झाल्याने १५ सप्टेंबर रोजी मालिकेची शूटिंग थांबवण्यात आली. या मालिकेची शूटिंग साताऱ्यामध्ये होत होती. मात्र आता मुंबईतील फिल्म सिटीमध्ये शूटिंग करण्यात येणार असल्याचं समजतंय.

News English Summary: Marathi TV Serial Aggambai Sasubai fame actress Nivedita Saraf has also contracted corona. A few days ago, Nivedita Saraf was diagnosed with mild symptoms of corona virus. Eventually, they are said to have contracted the corona virus. So they have been quarantined. They are also undergoing treatment.

News English Title: Aggabai Sasubai Fame Nivedita Saraf Tests Positive For Covid 19 Marathi News LIVE latest updates.