7th Pay Commission | महाराष्ट्र सरकारच्या कर्मचाऱ्यांसाठी खुशखबर! महागाई भत्त्यात मोठी वाढ, पगारात पडणार इतका फरक

7th Pay Commission | देशभरातील केंद्र आणि राज्य सरकारकडून कर्मचाऱ्यांच्या पेन्शन आणि पगारात वाढ केली जाते. केंद्र सरकार लवकरच कर्मचाऱ्यांचा महागाई भत्ता जाहीर करणार आहे, मात्र त्याआधीच महाराष्ट्र राज्य सरकारने आपल्या कर्मचाऱ्यांना मोठी भेट दिली आहे. गणेश चतुर्थीच्या पार्श्वभूमीवर महाराष्ट्र राज्य सरकारने राज्यातील कर्मचाऱ्यांना खुशखबर दिली आहे.

महागाई भत्त्यात 4 टक्क्यांनी वाढ

महाराष्ट्र सरकारने राज्य कर्मचाऱ्यांच्या महागाई भत्त्यात (डीए) वाढ केली आहे. अनुसूचित जमाती प्रवर्गातील सरकारी कर्मचाऱ्यांचा महागाई भत्ता 34 टक्क्यांवरून 38 टक्के करण्यात आला आहे. म्हणजेच कर्मचाऱ्यांच्या डीएमध्ये 4 टक्क्यांनी वाढ झाली आहे.

ऑगस्ट 2022 मध्ये महागाई भत्त्यात वाढ करण्यात आली होती

सरकारने घेतलेल्या या निर्णयानंतर राज्यावर सुमारे 9 कोटी रुपयांचा बोजा पडणार आहे. यापूर्वी ऑगस्ट 2022 मध्ये राज्य सरकारी कर्मचाऱ्यांवरील महागाई भत्त्यात 3 टक्के वाढ करण्यात आली होती.

केंद्र सरकार सुद्धा लवकरच वाढणार

याशिवाय सरकार लवकरच केंद्रीय कर्मचाऱ्यांच्या महागाई भत्त्यात वाढ करू शकते, अशी बातमी समोर येत आहे. याबाबत अद्याप कोणतीही अधिकृत माहिती मिळालेली नाही. एआयसीपीआय इंडेक्सच्या आकडेवारीनुसार यंदाही कर्मचाऱ्यांचा डीए ४ टक्के असू शकतो, असे मानले जात आहे.

डीए 46 टक्के असू शकतो

सध्या कर्मचाऱ्यांना ४२ टक्के दराने महागाई भत्ता मिळत आहे. तर, सरकारने 4 टक्के वाढ केल्यास कर्मचाऱ्यांना 46 टक्के दराने डीएचा लाभ मिळणार आहे. सप्टेंबरच्या अखेरीस संसदेचे विशेष अधिवेशन होऊ शकते, ज्यामध्ये सरकार महागाई भत्ता वाढवण्याची घोषणा करू शकते.

Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : 7th Pay Commission Maharashtra government hike DA by 4 percent 10 Sept 2023 Marathi news.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.