Adani Port Share Price | टॉप ब्रोकरेज हाऊसचा अदानी पोर्ट्स शेअर्स खरेदीचा सल्ला, मजबूत टार्गेट प्राइस जाहीर

Adani Port Share Price | ब्रोकरेज हाऊस मोतीलाल ओसवालच्या तज्ञांनी अदानी पोर्ट्स कंपनीच्या शेअर्सवर बाय रेटिंग देऊन गुंतवणूकीचा सल्ला दिला आहे. अदानी पोर्ट्स कंपनी मजबूत रोख प्रवाह निर्माण करण्याच्या आणि तिच्या स्थितीचा फायदा घेत मोठा मार्केट वाटा काबीज करण्याचा प्रयत्न करत आहे. ( अदानी पोर्ट्स कंपनी अंश )

मोतीलाल ओसवाल फर्मच्या तज्ञांनी अदानी पोर्ट्स कंपनीच्या शेअर्सवर 1,600 रुपये टार्गेट प्राइस जाहीर केली आहे. आज शुक्रवार दिनांक 15 मार्च 2024 रोजी अदानी पोर्ट्स स्टॉक 0.46 टक्के घसरणीसह 1,262.05 रुपये किमतीवर ट्रेड करत आहेत.

कोटक इन्स्टिट्यूशनल इक्विटीज फर्म आणि एचएसबीसी या दोन ब्रोकरेज फर्मनेही अदानी पोर्ट स्टॉक खरेदी करण्याचा सल्ला दिला आहे. तज्ञांच्या मते, अदानी पोर्ट्स स्टॉक पुढील काळात 1,600 रुपये किंमत स्पर्श करू शकतो. अनेक ब्रोकरेज कंपन्यांनी अदानी पोर्ट्सवर त्यांच्या लक्ष्य किमती वाढवल्या आहेत.

अदानी पोर्ट कंपनीचे शेअर्स कालच्या ट्रेडिंग सेशनमध्ये 4.30 टक्क्यांच्या वाढीसह 1,261.50 रुपये किमतीवर ट्रेड करत होते. 2024 या वर्षात अदानी पोर्ट्स कंपनीच्या शेअर्सची किंमत 27 टक्के मजबूत झाली आहे. मागील 5 वर्षांत या कंपनीच्या शेअर्सने आपल्या गुंतवणुकदारांना 263 टक्के परतावा कमावून दिला आहे.

2008 च्या मंदीपासून आतापर्यंत अदानी पोर्ट्स कंपनीच्या शेअर्सने आपल्या गुंतवणुकदारांना 982.75 टक्के परतावा कमावून दिला आहे. 7 मार्च 2008 रोजी या कंपनीचे शेअर्स 122.60 रुपये किमतीवर ट्रेड करत होते. 7 मार्च 2024 रोजी अदानी पोर्ट्स स्टॉक 1,327.45 रुपये किमतीवर पोहचला होता. या कंपनीचे एकूण बाजार भांडवल 2,86,747.64 कोटी रुपये आहे.

अदानी पोर्ट्स कंपनीच्या शेअर्सची 52 आठवड्याची उच्चांक किंमत पातळी 1,356.50 रुपये होती. तर नीचांक किंमत पातळी 571.35 रुपये होती. FII/FPI ने अदानी पोर्ट्स अँड स्पेशल इकॉनॉमिक झोन कंपनीमध्ये आपला वाटा 13.83 टक्केवरून 14.72 टक्केवर नेला आहे. फेब्रुवारी 2024 या महिन्यात कंपनीने एकूण 35.4 MMT माल हाताळला, ज्यात मागील वर्षीच्या तुलनेत 33 टक्के वाढ नोंदवली गेली आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Adani Port Share Price NSE Live 15 March 2024.