BEL Share Price | टॉप ब्रोकरेजचा BEL शेअर खरेदीचा सल्ला, आली फायद्याची अपडेट, मोठा परतावा मिळणार

BEL Share Price | बीईएल या सरकारी कंपनीच्या शेअर्समध्ये मजबूत तेजी पाहायला मिळत आहे. यापूर्वी भारत इलेक्ट्रॉनिक्स लिमिटेड कंपनीचे शेअर्स 4 जून रोजी 20 टक्क्यांपेक्षा जास्त घसरले होते. शुक्रवारपर्यंत या शेअरमध्ये बऱ्यापैकी सुधारणा झाली होती.

देशांतर्गत ब्रोकरेज फर्म मोतीलाल ओसवालच्या मते, बीईएल स्टॉक गुंतवणूक करण्यासाठी आकर्षक वाटत आहे. शुक्रवार दिनांक 7 जून 2024 रोजी बीईएल स्टॉक 3.43 टक्क्यांच्या वाढीसह 283.10 रुपये किमतीवर क्लोज झाला होते. इंट्रा-डे ट्रेडमध्ये बीईएल स्टॉक 3.91 टक्क्यांच्या वाढीसह 284.4 रुपये किमतीवर पोहोचला होता.

मोतीलाल ओसवाल फर्मच्या तज्ञांच्या मते, भारत इलेक्ट्रॉनिक्स कंपनीला 2023-2024 या आर्थिक वर्षात अनेक ऑर्डर मिळाल्या आहेत. ब्रोकरेज फर्मचा असा विश्वास आहे की नवीन सरकार गठित होताच, सरकारचे लक्ष गुंतवणुकीत वाढ करणे, भांडवली खर्च, पायाभूत, उत्पादन आणि संरक्षण क्षेत्राचा विकास यावर राहील. मागील तीन-चार वर्षांपासून भारत सरकारचा भर स्वदेशीकरण, खाजगी क्षेत्राचा अधिक सहभाग आणि संरक्षण निर्यात वाढवणे यावर आहे.

मोतीलाल ओसवाल फर्मच्या तज्ञांच्या मते, आर्थिक वर्ष 2024-26 दरम्यान कंपनीची विक्री 19 टक्के चक्रवाढ दराने वाढू शकते. कंपनीचा EBITDA देखील 20 टक्क्यांनी वाढू शकतो. आणि नफा 22 टक्के CAGR ने वाढू शकतो. आर्थिक वर्ष 2024 च्या आकडेवारीनुसार कंपनीकडे 11 हजार कोटी रुपये कॅश अतिरिक्त आहे. अशा परिस्थितीत ब्रोकरेज फर्मने BEL स्टॉक खरेदी करण्याचा सल्ला दिला आहे. तज्ञांच्या मते, बीईएल स्टॉक पुढील काळात 310 रुपये किमतीवर जाऊ शकतो.

ब्रोकरेज फर्म मोतीलाल ओसवालच्या तज्ञांच्या मते, बीईएल स्टॉक पुढील काळात भरघोस कमाई करून देईल. संरक्षण आणि गैर संरक्षण विभागातील ऑर्डरमध्ये आलेली मंदी, वाढती स्पर्धा, मोठ्या निविदांना अंतिम स्वरूप देण्यात विलंब, वस्तूंच्या किमतीत वाढ आणि संरक्षण मंत्रालयाकडून देणी देण्यात होणारा विलंब, या सर्व गोष्टींचा परिणाम बीईएल कंपनीच्या महसूल, प्रॉफिट मार्जिन आणि रोख प्रवाहावर होत असतो.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | BEL Share Price NSE Live 08 June 2024.