EPFO Login | जन्म पुरावा म्हणून आधार कार्ड वैध नाही, कोट्यवधी नोकरदार EPFO सदस्यांसाठी मोठी बातमी

EPFO Login | आधार कार्ड यापुढे तुमच्या जन्मतारखेचा पुरावा राहणार नाही. यासंदर्भात कर्मचारी भविष्य निर्वाह निधी संघटनेने (EPFO) अधिसूचना जारी केली आहे. युनिक आयडेंटिफिकेशन ऑथॉरिटी ऑफ इंडियाच्या (यूआयडीएआय) निर्देशानंतर ईपीएफओने जन्मतारखेसाठी स्वीकार्य कागदपत्र म्हणून आधार कार्ड काढून टाकण्याचा निर्णय घेतला.

कोणाला होणार फटका
या निर्णयाचा परिणाम ईपीएफओच्या ग्राहकांवर होणार असून आता ते आपल्या ईपीएफ खात्यातील जन्मतारीख सिद्ध करण्यासाठी किंवा दुरुस्त करण्यासाठी पुरावा म्हणून आधारचा वापर करू शकणार नाहीत. ईपीएफओचे जवळपास 7 कोटी ग्राहक आहेत. हे असे लोक आहेत जे सेवेत आहेत आणि त्यांचे नियोक्ता ईपीएफओशी संबंधित आहेत.

हा निर्णय का घेण्यात आला?
यूआयडीएआयला असे आढळले की अनेक लाभार्थी आधार ला जन्मतारखेचा पुरावा मानत आहेत. आधार कायदा २०१६ नुसार जन्मतारखेचा पुरावा म्हणून त्याला मान्यता देण्यात आली नव्हती. यूआयडीएआयने आधार ओळख पडताळणीसाठी आहे, जन्माच्या पुराव्यासाठी नाही, असा आग्रह धरला. यूआयडीएआयच्या निर्देशानंतर ईपीएफओने जन्मतारखेतील दुरुस्तीसाठी स्वीकार्य कागदपत्रांच्या यादीतून आधार काढून टाकले. केंद्रीय भविष्य निर्वाह निधी आयुक्तांच्या (सीपीएफसी) मान्यतेने हा निर्णय घेण्यात आला आहे.

कोणती कागदपत्रे वैध असतील
जन्मतारखेचा पुरावा म्हणून ईपीएफओसाठी वैध दस्तऐवज म्हणजे मान्यताप्राप्त सरकारी बोर्ड किंवा विद्यापीठाने जारी केलेले जन्म दाखला, गुणपत्रिका. याव्यतिरिक्त शाळा सोडल्याचा दाखला (एसएलसी)/शाळा हस्तांतरण प्रमाणपत्र (टीसी)/एसएससी प्रमाणपत्र ज्यात नाव आणि जन्मतारीख आहे, हेदेखील ईपीएफओसाठी वैध दस्तऐवज आहे. पॅनकार्ड, केंद्रीय/राज्य पेन्शन पेमेंट ऑर्डर (पीपीओ), सरकारने जारी केलेला अधिवास दाखला देखील जन्म दाखला म्हणून वैध आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : EPFO Login EPFO removed Aadhaar Card as valid date of birth proof 18 January 2024.