George Soros on Adani Group | पंतप्रधान मोदी आणि अदानी कनेक्शन, अमेरिकन अब्जाधीश जॉर्ज सोरोस यांच्या वक्तव्याने खळबळ

George Soros on Adani Group | अदानी समूहाच्या शेअर्समध्ये सुरू असलेल्या उलथापालथीदरम्यान अब्जाधीश अमेरिकन जॉर्ज सोरोस यांनी एक मोठं वक्तव्य केलं आहे. गौतम अदानी यांच्या व्यावसायिक साम्राज्यातील उलथापालथीमुळे पंतप्रधान नरेंद्र मोदी यांची सरकारवरील पकड कमकुवत होऊ शकते, असे जॉर्ज सोरोस यांना वाटते. सोरोस यांनी गुरुवारी म्युनिक सुरक्षा परिषदेत हे विधान केले. अदानी समूहावरील आरोपांबाबत भारताचे पंतप्रधान नरेंद्र मोदी यांना परदेशी गुंतवणूकदार आणि संसदेच्या प्रश्नांची उत्तरे द्यावी लागतील.

पंतप्रधान मोदी अदानी यांचे सहकारी
म्युनिक सुरक्षा परिषदेत आपल्या ४२ मिनिटांच्या भाषणात जॉर्ज सोरोस यांनी वातावरण बदलून टाकलं, रशिया-युक्रेन युद्ध, अमेरिका, तुर्कस्तान आणि चीन या विषयांवरही भाष्य केले. अदानी यांच्यावर शेअरमध्ये हेराफेरीचा आरोप झाल्यापासून त्यांचा शेअर कार्डसारखा कोसळला, असे त्यांनी म्हटले आहे. मोदी या मुद्द्यावर गप्प आहेत, पण त्यांना परदेशी गुंतवणूकदार आणि संसदेच्या प्रश्नांची उत्तरे द्यावी लागतील.

…तर लोकशाही पुनरुज्जीवन होऊ शकते
आपल्या भाषणात जॉर्ज सोरोस यांनी अदानी समूहावर जोरदार टीका केली पण त्यांनी आपल्या दाव्यासाठी कोणतेही पुरावे सादर केले नाहीत. आपल्या निवेदनात ते पुढे म्हणाले आहेत की, अदानी समूह प्रकरणाच्या आगमनामुळे नरेंद्र मोदी यांचे केंद्र सरकारवरील वर्चस्व मोठ्या प्रमाणात कमकुवत होईल. अदानी ग्रुपमधील उलथापालथीमुळे देशात लोकशाही पुनरुज्जीवन होऊ शकते, असे सोरोस यांना वाटते.

कोण आहेत जॉर्ज सोरोस?
फोर्ब्सच्या माहितीनुसार, जॉर्ज सोरोस यांच्याकडे 6.7 अब्ज डॉलर्सची संपत्ती आहे. ते अमेरिकेच्या डेमोक्रॅटिक पक्षाचे सर्वात मोठे समर्थक मानले जातात. फोर्ब्सच्या म्हणण्यानुसार, त्यांनी आपली निम्म्याहून अधिक संपत्ती दान केली आहे. संघर्षाच्या काळात त्यांनी पोर्टर आणि वेटर म्हणूनही काम केले आहे. मात्र जॉर्ज सोरोस यांनी कोणतेही वादग्रस्त विधान करण्याची ही पहिलीच वेळ नाही. अमेरिकेचे राष्ट्राध्यक्ष जॉर्ज बुश यांच्यावर त्यांनी अनेकदा वादग्रस्त वक्तव्य केले आहे.

हिंडेनबर्ग अहवालाचा परिणाम
अमेरिकन शॉर्ट सेलर हिंडेनबर्गने २४ जानेवारीरोजी केलेल्या संशोधनानंतर अदानी समूहावर प्रचंड दबाव आहे. हिंडेनबर्ग यांनी अदानी समूहावर अकाऊंटिंग फ्रॉड आणि स्टॉक हेराफेरीचा आरोप केला होता, ज्याला अदानी समूहाने “दुर्भावनापूर्ण”, “निराधार” आणि “भारतावरील नियोजित हल्ला” असे म्हटले होते. हिंडेनबर्गच्या आरोपानंतर अवघ्या तीन आठवड्यांतच अदानी समूहाला १२५ अब्ज डॉलर्सपेक्षा जास्त नुकसान सोसावे लागले. मात्र गेल्या काही दिवसांत समूहातील बहुतांश कंपन्यांचे शेअर्स प्रचंड कोसळले आहेत.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: George Soros on Adani Group statement check details on 17 February 2023.