Hi-Tech Pipes Share Price | मार्ग श्रीमंतीचा! 7 रुपयांच्या पेनी शेअरने गुंतवणुकीवर फक्त ३ वर्षात 10 पट परतावा दिला, फायद्याची डिटेल्स जाणून घ्या

Hi-Tech Pipes Share Price | भारतीय शेअर बाजाराच्या जबरदस्त विक्रीचा दबाव पाहायला मिळत आहे. याचा परिणाम हायटेक पाईप्स कंपनीच्या शेअर्समध्येही पाहायला मिळत आहे. शुक्रवार दिनांक 11 ऑगस्ट 2023 रोजी ट्रेडिंग सेशनमध्ये हायटेक पाईप्स कंपनीचे शेअर्स 3.23 टक्क्यांच्या घसरणीसह 76.50 रुपये किमतीवर ट्रेड करत होते. हायटेक पाईप्स कंपनीचे एकूण बाजार भांडवल 986 कोटी रुपये आहे.

या कंपनीच्या शेअरची 52 आठवड्यांची उच्चांक पातळी किंमत 99 रुपये होती. तर नीचांक पातळी किंमत 50 रुपये होती. नुकताच हायटेक पाईप्स कंपनीने आपले जून तिमाहीचे निकाल जाहीर केले आहेत. 2023-24 या चालू आर्थिक वर्षाच्या जून तिमाहीत, हायटेक पाईप्स कंपनीने 24 टक्क्यांच्या वाढीसह 642 कोटी रुपये महसूल संकलित केले आहे. तर जून तिमाहीत कंपनीने विक्रीत 21 टक्क्यांची वाढ साध्य केली आहे. आणि कंपनीची एकूण विक्री 84.5 हजार टन वर पोहोचली आहे.

हायटेक पाईप्स कंपनीचा EBITDA जून तिमाहीत 19 टक्क्यांच्या वाढीसह 21.20 कोटी रुपयेवर पोहोचला आहे. हायटेक पाईप्स कंपनीचा प्रति टन EBITDA प्रमाण 2508 प्रति टन होता, जो मागील वर्षी याच तिमाहीत आहे, 2545 रुपये होता. स्टीलची किंमत घसरल्यामुळे हायटेक पाईप्स कॉमोमी EBITDA प्रति टन दराने कमी झाला आहे.

हायटेक पाईप्स कंपनीच्या कोटेड उत्पादनांच्या विक्रीमध्ये मोठ्या वाढ पाहायला मिळाली आहे. हायटेक पाईप्स ही कंपनी मुख्यतः जीपी कॉइल, जीसी शीट, कलर कोटेड कॉइल, कलर प्रोफाइल शीट बनवण्याचे काम करते. मागील काही महिन्यांत या कंपनीला सरकारी निविदा देखील प्राप्त झाल्या आहेत, ज्यात जल जीवन मिशन संबंधीत काम करण्यासाठी गॅल्वनाइज्ड पाईप्स पुरवठा करायचे आहेत.

हायटेक पाईप्स ही भारतातील सर्वात मोठी स्टील प्रक्रिया करणारी नावाजलेली कंपनी आहे. मागील तीन दशकांपासून ही कंपनी स्टील पाईप्स, होलो सेक्शन्स, ट्यूब रोल्स, कॉइल्स, रोड क्रॅश बॅरियर्स, सोलर माउंटिंग स्ट्रक्चर्स यांचे उत्पादन करण्याचे काम करते.

हायटेक पाईप्स कंपनीचे उत्पादन प्लांट यूपीमधील सिकंदराबाद, गुजरातमधील साणंद आणि आंध्र प्रदेशातील हिंदुपूर या ठिकाणी स्थित आहे. कंपनीचे आणखी दोन प्लांट बेंगळुरू आणि खोपोली या ठिकाणी चालू आहेत. हायटेक पाईप्स ही कंपनीकडे भारतात विविध 17 राज्यांमध्ये 300 वितरकांचे नेटवर्क आहे. 27 मार्च 2020 मध्ये हायटेक पाईप्स कंपनीचे शेअर्स 7 रुपये किमतीवर ट्रेड करत होते. या किमतीवरून स्टॉक 10 पट वाढला आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Hi-Tech Pipes Share Price today on 12 August 2023.