INOX India IPO | लॉटरी लागणार! हा IPO शेअर लिस्टिंगच्या पहिल्याच दिवशी 80 टक्क्यांपेक्षा जास्त परतावा देण्याचे संकेत

INOX India IPO | आयनॉक्स इंडिया कंपनीचा IPO गुंतवणुकीसाठी खुला करण्यात आला होता. याची अंतिम मुदत 18 डिसेंबर रोजी संपली आहे. गुंतवणूकदारांनी आयनॉक्स इंडिया कंपनीच्या IPO ला जबरदस्त प्रतिसाद दिला आहे. आयनॉक्स इंडिया कंपनीचा IPO 11.33 पट अधिक सबस्क्राइब झाला आहे.

या कंपनीच्या IPO मध्ये किरकोळ गुंतवणूकदारांचा राखीव कोटा 10.55 पट अधिक सबस्क्राईब झाला होता. आयनॉक्स इंडिया कंपनीने आपल्या IPO मध्ये शेअरची किंमत बँड 627 रुपये ते 660 रुपये दरम्यान निश्चित केली होती.

या कंपनीच्या IPO मध्ये पात्र संस्थात्मक गुंतवणूकदारांचा राखीव कोटा 0.88 पट आणि गैर संस्थात्मक गुंतवणूकदारांचा राखीव कोटा 27.09 पट अधिक सबस्क्राईब झाला होता. आयनॉक्स इंडिया कंपनीच्या IPO ला पहिल्याच दिवशी 2.86 पट अधिक सबस्क्रिप्शन मिळाले होते. तर 14 डिसेंबर रोजी दुसऱ्या दिवशी या IPO ला 7.11 पट अधिक सबस्क्रिप्शन मिळाले होते.

आयनॉक्स इंडिया कंपनी आपल्या गुंतवणूकदारांना 19 डिसेंबर 2023 रोजी शेअर्स वाटप करेल. ग्रे मार्केटचा आढावा घेणाऱ्या तज्ञांच्या मते, आयनॉक्स इंडिया कंपनीचे शेअर्स ग्रे मार्केटमध्ये 545 रुपये प्रीमियम किमतीवर ट्रेड करत आहेत. तज्ञांच्या मते हा IPO स्टॉक 1205 रुपये किमतीवर सूचीबद्ध होऊ शकतो. म्हणजेच आयनॉक्स इंडिया कंपनीच्या IPO वर पैसे लावणाऱ्या लोकांना स्टॉक लिस्टिंगच्या दिवशी 80 टक्क्यांपेक्षा जास्त नफा मिळेल.

आयनॉक्स इंडिया कंपनीचा IPO शेअर 21 डिसेंबर 2023 रोजी शेअर बाजारात सूचीबद्ध केला जाईल. या कंपनीने आपल्या IPO मध्ये एका लॉट अंतर्गत 22 शेअर्स ठेवले आहेत. यामुळे रिटेल गुंतवणूकदारांना किमान एक लॉट खरेदी करण्यासाठी 14,520 रुपये जमा करावे लागले होते. किरकोळ गुंतवणुकदार या IPO मध्ये कमाल 13 लॉट खरेदी करू शकत होते.

आयनॉक्स इंडिया कंपनीने अँकर गुंतवणूकदारांच्या माध्यमातून 437.80 कोटी रुपये भांडवल उभारणी केली होती. अँकर गुंतवणूकदारांना वाटप केलेल्या 50 टक्के शेअर्सचा लॉक- इन कालावधी 31 जानेवारी 2024 रोजी संपणार असून उर्वरित 50 टक्के शेअर्सचा लॉक इन कालावधी 24 एप्रिल 2023 रोजी संपणार आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | INOX India IPO GMP 19 December 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.