Investment Precautions | गुंतवणूक करताना गुंतवणूकदार या 5 मोठ्या चुका करतात, चांगल्या नफ्यासाठी या चुका टाळा

Investment Precautions | जितकी कमी वयात गुंतवणूक सुरू होईल, तितका फायदा भविष्यात अधिक होतो. गुंतवणूक सल्लागारही नेहमी म्हणतात की, जितक्या लवकर तुम्ही नियमित गुंतवणूक सुरू कराल तितके चांगले. पण नवीन गुंतवणूकदार काही वेळा असे निर्णय घेतात, ज्यामुळे त्यांना नफ्याऐवजी तोटा सहन करावा लागू शकतो. येथे आम्ही तुम्हाला पाच चुका तसेच त्या टाळण्याचे मार्ग सांगत आहोत, ज्याद्वारे नवीन आणि तरुण गुंतवणूकदार देखील त्यांच्या गुंतवणूकीवर अधिक चांगले आणि सुरक्षित परतावा मिळवू शकतात.

गुंतवणूकदारांचं आर्थिक गुंतवणुकीचे अज्ञान :
आर्थिक साक्षरतेकडे लक्ष न देणे ही मोठी चूक आहे. अनेक वेळा नवीन आणि तरुण गुंतवणूकदार या गोष्टीला मुकतात. आपल्या उत्पन्नातील किती रक्कम त्यांनी कशी आणि कुठे गुंतवावी, हे त्यांना माहीत नसते. चक्रवाढ परताव्याचे गुणदोष आणि गुंतवणुकीत असलेल्या धोक्यांची त्यांना माहिती नसते. या माहितीच्या अभावी ते कधी कधी आपलं मोठं नुकसान करतात. गुंतवणुकीचा निर्णय घेण्यापूर्वी वैयक्तिक वित्त आणि गुंतवणुकीतील बारकावे नीट समजून घेतले, तर हा तोटा टाळता येऊ शकतो. त्यासाठी गुंतवणुकीची माहिती देणारी पुस्तके वाचू शकता किंवा ऑनलाइन किंवा ऑफलाइन सल्ला देणाऱ्या तज्ज्ञांची मदत घेता येईल.

आर्थिक उद्दिष्टे आणि गुंतवणुकीच्या योजना निश्चित नसणे :
जेव्हा त्यांच्याकडे गुंतवणूकीचे लक्ष्य नसते आणि ते साध्य करण्यासाठी संपूर्ण रोडमॅप नसतो तेव्हा तरुण गुंतवणूकदार दुसरी मोठी चूक करतात. गुंतवणुकीचे उद्दिष्ट निश्चित झाले नाही, तर चांगल्या परिणामांची अपेक्षा करता येणार नाही. तुम्ही तुमची गुंतवणूक करण्याबाबत गंभीर असाल तर त्याचं योग्य नियोजन करा. संशोधनासाठी वेळ द्या आणि तुमचे गुंतवणुकीचे ध्येय काय आहे ते ठरवा. धोरणांतर्गत गुंतवणूक करा आणि आपले ध्येय पूर्ण करण्यासाठी मालमत्ता वाढवा.

रातोरात नफा कमावण्याचा मोह टाळा :
अल्पकालीन नफा म्हणजे कमीत कमी वेळात नफा झाला तर तो सर्वांनाच आवडेल. पण प्रत्यक्षात असं क्वचितच घडतं. अनेक वेळा तरुण मंडळी एखाद्या प्रसिद्ध व्यक्तीची किंवा आपल्या ओळखीच्या व्यक्तीची अचानक झालेली प्रगती अगदी कमी वेळात पाहतात आणि गुंतवणूक करून आपणही रातोरात श्रीमंत होऊ, असा विचार करतात. पण विचार न करता घाईगडबडीत उचललेलं पाऊल त्यांच्यासाठी घातक ठरू शकतं. गुंतवणूक हा दीर्घकालीन व्यवहार आहे, हे तरुणांनी समजून घेणे अत्यंत गरजेचे आहे. त्यासाठी संयम खूप महत्त्वाचा आहे. जेव्हा तुम्ही एखाद्या योजनेत गुंतवणूक करता, तेव्हा नफा मिळवण्यासाठी वेळ लागतो. आपला भर त्वरित नफा कमावण्यावर नसावा, तर एका चांगल्या योजनेत गुंतवणूक करण्यावर असला पाहिजे, जो कालांतराने वाढत जातो आणि आपल्या भविष्यासाठी आर्थिक सुरक्षा देखील प्रदान करतो.

गुंतवणुकीत वैविध्याची काळजी घेणे :
आपण आपली सर्व बचत एकाच योजनेत गुंतविणे टाळावे. जर तुम्ही तुमचे भांडवल वेगवेगळ्या योजनांमध्ये आणि साधनांमध्ये गुंतवले तर पैसे गमावण्याचा किंवा कमी परतावा मिळण्याचा धोका कमी होतो. समजा एखादी योजना अपयशी ठरली किंवा तिची कामगिरी अपेक्षेपेक्षा कमी झाली, तर तिचा तोटा दुसऱ्या ठिकाणी केलेल्या गुंतवणुकीतून भरून काढता येतो.

भावनेच्या भरात गुंतवणुकीचा निर्णय घेऊ नका :
आर्थिक गुंतवणुकीच्या बाबतीत भावनेच्या भरात काम करू नका. जेव्हा जेव्हा तुम्ही गुंतवणुकीचा विचार कराल, तेव्हा त्याच्याशी संबंधित माहिती गोळा करा. गुंतवणुकीचे संशोधन करा आणि अपडेट राहा. त्यासाठी आर्थिक अटी व संकल्पनांचे मूलभूत ज्ञान असणे अत्यंत गरजेचे आहे. गुंतवणुकीबाबत कोणताही निर्णय घेण्यापूर्वी अर्थव्यवस्था, शेअर बाजार किंवा जागतिक बाजारातील चढउतार आणि कल समजून घेणेही गरजेचे आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Investment Precautions need to know before investment check details 31 August 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.