IPO GMP | आला रे आला स्वस्त IPO आला, पहिल्याच दिवशी होईल मोठी कमाई, ग्रे-मार्केट मध्ये धुमाकूळ

IPO GMP | श्री तिरुपती बालाजी ऍग्रो ट्रेडिंग कंपनीचा पब्लिक इश्यू आज, 5 सप्टेंबरपासून बोलीसाठी खुला झाला असून तो सोमवार, 9 सप्टेंबर रोजी बंद होणार आहे. आयपीओला पहिल्याच दिवशी चांगला प्रतिसाद मिळाला. हे 6.36 वेळा सब्सक्राइब झाले आहे.

शेअर प्राइस बँड
या इश्यूच्या माध्यमातून कंपनीला 169.65 कोटी रुपये उभे करायचे आहेत. ऑफरसाठी प्राइस बँड 78 रुपये आणि 83 रुपये प्रति शेअर निश्चित करण्यात आला आहे. किरकोळ गुंतवणुकदारांसाठी किमान लॉट आकार 180 शेअर्स प्रति लॉट आहे. त्यासाठी किमान 14,940 रुपयांची गुंतवणूक करावी लागणार आहे.

IPO ला उत्स्फूर्त प्रतिसाद
एनएसईच्या आकडेवारीनुसार, सुमारे 170 कोटी रुपयांच्या सुरुवातीच्या शेअर्स विक्रीत 1,43,08,000 समभागांच्या ऑफरवर 9,09,66,420 शेअर्ससाठी निविदा प्राप्त झाल्या होत्या. आयपीओमध्ये किरकोळ गुंतवणूकदारांसाठी राखीव हिस्सा 7.92 पट, तर बिगर संस्थात्मक गुंतवणूकदारांसाठी 5.25 पट सब्सक्राइब करण्यात आला. क्यूआयबीसाठी राखीव असलेला भाग 4.46 पट सब्सक्राइब करण्यात आला.

या आयपीओमध्ये बिनोदकुमार अग्रवाल यांनी जारी केलेल्या 56.90 लाख इक्विटी शेअर्सच्या ओएफएसव्यतिरिक्त 1.47 कोटी नवीन इक्विटी शेअर्सचा समावेश आहे.

आयपीओबाबत ब्रोकरेज गुंतवणुकीचा सल्ला
श्री तिरुपती बालाजी ऍग्रोचे उत्पादन केंद्र मध्य प्रदेशातील पीथमपूर येथे आहे. आयपीओ बंद झाल्यानंतर शेअर्सची लिस्टिंग 12 सप्टेंबर 2024 रोजी होईल. देशांतर्गत ब्रोकरेज फर्म आनंद राठी, स्वस्तिक इन्व्हेस्टमार्ट आणि मास्टर कॅपिटल सर्व्हिसेसच्या विश्लेषकांनी आयपीओचे मूल्यांकन आणि दीर्घकालीन संधींमुळे आयपीओचे सदस्यत्व घेण्याचे मत व्यक्त केले आहे.

कंपनीकडून हा निधी कुठे वापरला जाणार?
आयपीओच्या माध्यमातून जमा झालेली रक्कम कंपनी कर्ज फेडण्यासाठी आणि थकबाकी भरण्यासाठी वापरणार आहे. तसेच कॉर्पोरेट गरजांसाठी सहाय्यक कंपन्यांमध्ये गुंतवणूक केली जाणार आहे. तिरुपती बालाजी विविध क्षेत्रांमध्ये फ्लेक्सिबल इंटरमीडिएट बल्क कंटेनर (FIBC) आणि इतर औद्योगिक पॅकेजिंग उत्पादनांच्या उत्पादन आणि विक्रीच्या व्यवसायात गुंतलेआहेत.

News Title : IPO GMP of Shree Tirupati Balajee Agro Ltd check details 06 September 2024.