IREDA Share Price | PSU शेअर 3 दिवसात 19% घसरला, आता तज्ज्ञांकडून BUY रेटिंग, नेमकं कारण काय?

IREDA Share Price | आयआरईडीए या सरकारी कंपनीच्या शेअर्समध्ये अफाट तेजी पाहायला मिळत आहे. मागील काही दिवसापासून या स्टॉकमध्ये जोरदार नफा वसुली पाहायला मिळाली होती. आज मात्र शेअरमधील तेजीमुळे गुंतवणुकदारांना सुखद धक्का बसला आहे. 15 जुलै 2024 रोजी आयआरईडीए स्टॉक 251.85 रुपये किमतीवर ट्रेड करत होता. अवघ्या 3 दिवसात या शेअरची किंमत 310 रुपये किमतीवरून 19 टक्के कमी झाली होती. या कंपनीचे एकूण बाजार भांडवल 69,304 कोटी रुपये आहे. ( आयआरईडीए कंपनी अंश )

आज शुक्रवार दिनांक 19 जुलै 2024 रोजी आयआरईडीए स्टॉक 6.22 टक्के वाढीसह 273.41 रुपये किमतीवर ट्रेड करत आहे. तज्ञांच्या मते, आयआरईडीए स्टॉकचा RSI 72 आहे. म्हणजेच हा स्टॉक ओव्हरबॉट झोनमध्ये ट्रेड करत आहे. आयआरईडीए कंपनीचे शेअर्स आपल्या 5 दिवस, 10 दिवस, 20 दिवस, 30 दिवस, 50 दिवस, 100 दिवस आणि 150 दिवसांच्या सिंपल मुविंग एव्हरेज किंमत पातळीपेक्षा जास्त किमतीवर ट्रेड करत आहे.

29 नोव्हेंबर 2023 रोजी आयआरईडीए कंपनीचे शेअर्स 49.99 रुपये या आपल्या 52 आठवड्यांच्या नीचांक किंमत पातळीवर ट्रेड करत होते. या कंपनीचा IPO 32 रुपये किमतीवर लाँच करण्यात आला होता. IPO इश्यू किमतीच्या तुलनेत आयआरईडीए स्टॉक 56.25 टक्के प्रीमियम वाढीसह सूचीबद्ध झाला होता. या कंपनीचे शेअर्स मागील वर्षी डिसेंबरमध्ये 50 रुपये किमतीवर सूचीबद्ध झाले होते.

मागील एका महिन्यात आयआरईडीए स्टॉक 175 रुपये किमतींवरून 310 रुपये किमतीवर पोहचला होता. तज्ञांच्या मते, या स्टॉकने 248-250 रुपये किमतीवर मजबूत सपोर्ट निर्माण केला आहे. जर हा स्टॉक 280 रुपये किमतीच्या वर टिकला तर शेअरची किंमत 310 रुपयेवर जाऊ शकते. जर हा स्टॉक 240 रुपये किमतीच्या खाली आला तर शेअर आणखी खाली जाऊ शकतो.

आनंद राठी शेअर्स अँड स्टॉक ब्रोकर्स फर्मच्या तज्ञांच्या मते, आयआरईडीए स्टॉकची सपोर्ट लेव्हल 240-245 रुपये किमतीवर आहे. तसेच 290-300 रुपये किमतीवर आयआरईडीए स्टॉकला मजबूत रेझिस्टन्स मिळत आहे. तज्ञांनी गुंतवणुकदारांना 240 रुपये किमतीवर स्टॉपलॉस लावून 295 रुपये टार्गेट प्राइससाठी आयआरईडीए स्टॉक खरेदी करण्याचा सल्ला दिला आहे.

आयआरईडीए ही मिनीरत्न I दर्जा असलेली सरकारी कंपनी आहे. ही कंपनी नवीकरणीय ऊर्जा मंत्रालयद्वारे प्रशासकीयरित्या नियंत्रित केली जाते. ही कंपनी गेल्या 36 वर्षापासून नूतनीकरणक्षम ऊर्जा प्रकल्प, तसेच ऊर्जा कार्यक्षमता आणि संवर्धन प्रकल्पांसाठी सक्रियपणे प्रोत्साहन, विकास आणि आर्थिक सहाय्य प्रदान करण्याचा व्यवसाय करत आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | IREDA Share Price NSE Live 19 July 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.