IRFC Share Price | आयआरएफसी शेअर रॉकेट वेगात परतावा देतोय, पण गुंतवणूकदारांना पुढेही फायदा होईल का?

IRFC Share Price | आयआरएफसी म्हणजेच इंडियन रेल्वे फायनान्स कॉर्पोरेशन या कंपनीच्या शेअर्सने आपल्या गुंतवणुकदारांना अफाट कमाई करून दिली आहे. मात्र आज या कंपनीचे शेअर्स प्रचंड विक्रीच्या दबावात ट्रेड करत आहेत. भारतीय रेल्वे प्रकल्पांना वित्तपुरवठा करणारी आयआरएफसी कंपनी रेल्वे क्षेत्रात व्यवसाय करणारी आणि गुंतवणुकदारांना भरघोस परतावा कमावून देणारी सर्वात मोठी कंपनी ठरली आहे.

या नवीन वर्षात आयआरएफसी कंपनीचे शेअर्स मिडकॅप वरून लार्जकॅप लिस्टमध्ये सामील झाले होते. आज मंगळवार दिनांक 23 जानेवारी 2024 रोजी आयआरएफसी स्टॉक 4.31 टक्के घसरणीसह 168.65 रुपये किमतीवर ट्रेड करत आहेत. शनिवारच्या विशेष ट्रेडिंग सेशनमध्ये आयआरएफसी कंपनीचे शेअर्स 10 टक्क्यांच्या वाढीसह 175 रुपये किमतीवर ट्रेड करत होते.

अयोध्येमध्ये आता राम मंदिराचे उद्घाटन झाले आहे. त्यामुळे रेल्वे कंपनीच्या शेअर्समध्ये मजबूत तेजी निर्माण झाली आहे. आयआरएफसी सारख्या रेल्वे कंपन्या अयोध्येच्या वाहतुक विकासात मोठी भूमिका बजावणार आहेत. केंद्रीय अर्थसंकल्पापूर्वी केंद्र सरकार भारतीय रेल्वे विभागासाठी मोठा निधी जाहीर करू शकते. 2023 या वर्षाच्या सुरुवातीला आयआरएफसी कंपनीचे शेअर्स 30-35 रुपये किमतीवर ट्रेड करत होते. आता हा स्टॉक 175 रुपये किंमत स्पर्श करून खाली आला आहे.

आयआरएफसी ही रेल्वे क्षेत्रातील पहिली कंपनी आहे, जीचे एकूण बाजार भांडवल 2 लाख कोटींच्या पार गेले आहेत. शनिवारच्या विशेष ट्रेडिंग सेशनमध्ये आयआरएफसी कंपनीचे शेअर्स 10 टक्के वाढीसह 176.39 रुपये किमतीवर ट्रेड करत होते. आयआरएफसी कंपनीचे शेअर्स 26 रुपये किमतीवर शेअर बाजारात सूचीबद्ध झाले होते. 29 जानेवारी 2021 पासून आतापर्यंत या कंपनीच्या शेअर्सने आपल्या गुंतवणुकदारांना 580 टक्के परतावा कमावून दिला आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | IRFC Share Price NSE Live 23 January 2024.