ITC Share Price | आयटीसी शेअर बाबत तज्ज्ञ उत्साही, जाहीर केली टार्गेट प्राईस, डिव्हीडंड तपशील जाणून गुंतवणूकीचा विचार करा

ITC Share Price | भारतातील FMCG क्षेत्रातील दिग्गज कंपनी ITC च्या शेअर्सने आपल्या गुंतवणुकदारांना अप्रतिम परतावा कमावून दिला आहे. शुक्रवारच्या ट्रेडिंग सेशनमध्ये आयटीसी कंपनीचे शेअर्स 0.74 टक्क्यांच्या वाढीसह 442.95 रुपये किमतीवर क्लोज झाले होते. आयटीसी कंपनीच्या शेअरने नुकताच 452 रुपये या आपल्या 52 आठवड्यांच्या उच्चांक किंमत पातळी स्पर्श केला होता. मागील एका महिन्यात ITC कंपनीने FY23 साठी 6.75 रुपये अंतिम लाभांश वाटप केला आहे.

लाभांश वाटप करण्याची घोषणा

आयटीसी कंपनीने या वर्षासाठी प्रति शेअर 2.75 रुपये विशेष लाभांश वाटप करण्याची घोषणा केली आहे. मागील 5 महिन्यांत आयटीसी कंपनीच्या शेअरने आपल्या गुंतवणूकदारांना 37 टक्के परतावा कमावून दिला आहे. आज सोमवार दिनांक 5 जून 2023 रोजी आयटीसी कंपनीचे शेअर्स 0.21 टक्के घसरणीसह 442.45 रुपये किमतीवर ट्रेड करत आहेत.

आर्थिक वर्ष 2022-23 मध्ये आयटीसी कंपनीने आपल्या शेअर धारकांना एकूण 15.50 रुपये लाभांश वाटप केला होता. यापूर्वी आयटीसी कंपनीने 3 फेब्रुवारी रोजी प्रति शेअर 6 रुपये अंतरिम लाभांश वाटप केला होता. अशा प्रकारे आर्थिक वर्ष 2022-23 मध्ये आयटीसी कंपनीने एकूण 15.50 रुपये प्रति शेअर लाभांश वाटप केला होता. आर्थिक वर्ष 2022-23 मध्ये आयटीसी कंपनीने एकूण 19,255.02 कोटी रुपये लाभांश म्हणून वितरित केले होते. ज्यामध्ये 7,448.41 कोटी रुपये अंतरिम लाभांश म्हणून वाटप करण्यात आले होते.

आयटीसी कंपनी मार्च तिमाही निकाल

आर्थिक वर्ष 2022-23 च्या मार्च तिमाहीत आयटीसी कंपनीच्या निव्वळ नफ्यात 21 टक्क्यांची वाढ झाली आहे. या तिमाहीत कंपनीने तब्बल 5,087 कोटी रुपये निव्वळ नफा कमावला आहे. तंबाखू उत्पाद तसेच इतर उपभोग्य वस्तूंच्या मागणीमुळे कंपनीच्या निव्वळ नफ्यात जबरदस्त वाढ पाहायला मिळाली आहे.

स्टॉकबाबत तज्ञांचे मत

ब्रोकरेज फर्म प्रभुदास लिलाधरच्या तज्ञांनी या स्टॉकमध्ये जोरदार तेजीचा अंदाज व्यक्त केला आहे. तज्ञांनी आयटीसी स्टॉकमध्ये 480-490 रुपये लक्ष्य किमतीसह आणखी चढ-उतार होण्याची अपेक्षा व्यक्त केली आहे. पुढील काळात आयटीसी स्टॉक 420-425 रुपये किमतीच्या दरम्यान ट्रेड करु शकतो.

आनंद राठी शेअर्स अँड स्टॉक ब्रोकर्स फर्मच्या तज्ञांनी आयटीसी स्टॉकवर 475 रुपये लक्ष किंमत जाहीर करून 435 रुपये स्टॉप लॉस लावण्याचा सल्ला दिला आहे. आता गुंतवणूकदार 445-450 रुपये किमतीच्या दरम्यान हा स्टॉक खरेदी करू शकतात. मागील 5 महिन्यांत आयटीसी कंपनीच्या स्टॉकने लोकांना 37 टक्के परतावा कमावून दिला आहे.

Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | ITC Share Price today on 05 June 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.