ITR Form 16 | फॉर्म 16 मध्ये टॅक्स वजावटीबद्दल माहिती नसल्यास काय नुकसान होऊ शकतं? तुम्ही सुधारणा कशी करू शकता?

ITR Form 16 | देशात आज अनेकजण बहुराष्ट्रीय कंपनीत काम करतात. त्यांनी यंदाचे इन्कम टॅक्स रिटर्नही मुदतीपूर्वीच भरलेले असते, पण अडचण अशी होती की, त्यांच्या कंपनीने दिलेल्या फॉर्म १६ आणि फॉर्म २६एएसमध्ये कर वजावटीचा तपशील नसतो.

नोकरदारांना चिंता :
आता अशा नोकरदारांना चिंता आहे की त्यांचा भरलेला आयटीआर नाकारला तर जाणार नाही आणि त्यांना आयकर विभाग नोटीस तर पाठवणार नाही. या संदर्भात कर्मचारी सांगतात की त्यांच्या नियोक्त्याने लवकरच फॉर्म १६ आणि फॉर्म २६एएस अपडेट करण्यास सांगितले आहे. कर्मचाऱ्यांनी अद्याप त्याच्या आयटीआरची पडताळणी केलेली नाही. अपडेटेड फॉर्म १६ आणि फॉर्म २६एएस आल्यानंतरच त्याची पडताळणी करा किंवा सुधारित विवरणपत्र दाखल करा, असे त्यांचे म्हणणे आहे. अशी समस्या आज अनेक करदात्यांसमोर आली आहे. करतज्ज्ञांकडून यावर उपाय जाणून घेण्याचा प्रयत्न झाला तेव्हा अनेक महत्त्वाची माहिती समोर आली.

काय म्हणतात तज्ज्ञ :
३१ जुलैपूर्वी ज्या करदात्यांनी रिटर्न भरले आहेत, ते १२० दिवसांत त्याची पडताळणी करू शकतात, असे इन्कम टॅक्सविषयक विषयातील तज्ज्ञ सांगतात. हे काम तुम्ही इलेक्ट्रॉनिक पद्धतीने ओटीपीद्वारे पूर्ण करू शकता किंवा आयकर विभागाच्या सीपीयू संबंधित कार्यालयात तुमचा आयटीआर V पाठवून ऑफलाइन पद्धतीने व्हेरिफाय करू शकता.

तुम्ही आयटीआर भरला असेल तर 31 डिसेंबरपूर्वी तुम्ही सुधारित आयटीआर दाखल करू शकता, असं त्यांनी सांगितलं. तुमच्या आयटीआरची प्रक्रिया सुरू झाल्यानंतर त्याचं अॅसेसमेंटही सुरू होतं. जेव्हा तुम्ही सुधारित विवरणपत्र भरता, तेव्हा ते मूळ विवरणपत्राची जागा घेते. तुम्हाला हवं असेल तर तुम्ही 31 डिसेंबरपूर्वी नवा आयटीआरही दाखल करू शकता.

हे लक्षात ठेवा :
तज्ज्ञांच्या मते, मूळ आयटीआरची पडताळणी न करता सुधारित आयटीआर फाइल केल्यास तो नवा इन्कम टॅक्स रिटर्न मानला जाईल. याचे कारण असे की, सत्यापित न केलेले रिटर्न्स पूर्णपणे भरलेले मानले जात नाहीत. त्यामुळे करदात्यांनी आपला फॉर्म १६ किंवा २६एएस अपडेट होण्याची वाट पाहिली आणि आधी त्यांच्या मूळ आयटीआरची पडताळणी करूनच सुधारित आयटीआर भरला तर बरे होईल. करदात्यांनी आणखी एक गोष्ट लक्षात ठेवली पाहिजे ती म्हणजे त्यांच्या नियोक्ताला टीडीएस रिटर्न भरण्यास सांगावे जेणेकरून आपला कर वजावटीचा तपशील दिसू लागेल. असे झाल्यास तुम्ही तुमचे सुधारित विवरणपत्रही लवकरच भरू शकाल.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: ITR Form 16 tax deduction is not reflected check how to make corrections here 16 August 2022.