JioMart on WhatsApp | आता तुम्ही व्हॉट्सॲपवर किराणा सामान घरपोच मागवू शकणार आहात, हा नंबर सेव्ह करून ठेवा

JioMart on WhatsApp | रिलायन्स रिटेलच्या ग्राहकांना आता व्हॉट्सॲपवर किराणा सामानाची ऑर्डर देता येणार आहे. खरं तर, टेक जायंट मेटा आणि जिओ प्लॅटफॉर्मने जिओमार्टला लोकप्रिय मेसेजिंग प्लॅटफॉर्म व्हॉट्सॲपवर लाँच करण्यासाठी हातमिळवणी केली आहे. यासंदर्भात जारी करण्यात आलेल्या संयुक्त निवेदनानुसार, जिओमार्ट ऑनलाईन दुकानदारांना व्हॉट्सॲपवरील जिओमार्टच्या किराणा यादीशी जोडेल. या यादीतील वस्तू ‘कार्ट’मध्ये टाकून ग्राहक पैसे भरून वस्तू खरेदी करू शकतात. व्हॉट्सॲपवर जिओमार्ट नंबर + 917977079770 वर ‘हाय’ पाठवून ग्राहक व्हॉट्सॲपच्या माध्यमातून शॉपिंगला सुरुवात करू शकतात.

व्हॉट्सॲपच्या माध्यमातून मागवू शकता :
रिलायन्स इंडस्ट्रीजच्या 45 व्या वार्षिक सर्वसाधारण सभेच्या (एजीएम) बैठकीत ईशा अंबानी यांनी व्हॉट्सॲपचा वापर करून किराणा ऑनलाईन ठेवणे आणि भरणे याबाबत सादरीकरण केले. मुळात ब्राउझिंग, कार्टमध्ये वस्तू जोडणे आणि व्हॉट्सॲप चॅट न सोडता खरेदी पूर्ण करण्यासाठी पैसे देणे शक्य होईल. भारताच्या डिजिटल परिवर्तनाला गती देण्यासाठी आणि नवीन मार्गांनी लोक आणि व्यवसायांना जोडण्यासाठी आणि देशातील आर्थिक विकासाला चालना देण्यासाठी मेटा आणि जिओ प्लॅटफॉर्मदरम्यान धोरणात्मक भागीदारीचा हा उपक्रम आहे.

मार्क झुकरबर्गचे वक्तव्य :
मेटाचे संस्थापक आणि मुख्य कार्यकारी अधिकारी मार्क झुकेरबर्ग यांनी फेसबुक पोस्टमध्ये म्हटले आहे की, “जिओमार्टबरोबरची माझी भागीदारी भारतात सुरू करण्यास उत्सुक आहे. व्हॉट्सॲपवरचा हा आमचा पहिलाच ‘एंड टू एण्ड शॉपिंग’चा अनुभव. रिलायन्स इंडस्ट्रीजचे अध्यक्ष आणि व्यवस्थापकीय संचालक मुकेश अंबानी म्हणाले की, “जगातील अग्रगण्य डिजिटल समाज म्हणून भारताला पुढे नेण्याचे आमचे स्वप्न आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: JioMart on WhatsApp say Hi on 917977079770 check details 29 August 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.