Late ITR Filing | जर तुम्ही उशिरा ITR फाईल करणार असाल तर हा फंडा वापरल्याने जास्तीत जास्त टॅक्स वाचेल

Late ITR Filing | करनिर्धारण वर्ष २०२२-२३ साठी वैयक्तिक करदात्यांसाठी प्राप्तिकर विवरणपत्र भरण्याची अंतिम तारीख ३१ जुलै होती. मात्र, ज्यांना या मुदतीपर्यंत आयटीआर भरता आलेला नाही, त्यांना आता ३१ डिसेंबरपर्यंत विलंब शुल्कासह कर विवरणपत्र भरता येणार आहे.

खूप विलंब शुल्क :
करदात्यांच्या कमाईच्या स्लॅबवर अवलंबून आयटीआर उशीरा भरल्यास विलंब शुल्क किंवा ५,००० रुपयांपर्यंत दंड आकारला जाऊ शकतो. पाच लाख रुपयांपर्यंत वार्षिक उत्पन्न असणाऱ्या व्यक्तींना ३१ जुलैनंतर आयटीआर भरल्यावर एक हजार रुपये विलंब शुल्क भरावे लागणार आहे. मात्र, पाच लाख किंवा त्यापेक्षा अधिक उत्पन्न असणाऱ्या इतरांसाठी विलंब शुल्क पाच हजार रुपये आहे.

लाभांचा दावा करू शकता :
टॅक्स विवरणपत्र भरताना पगारदार व्यक्ती प्राप्तिकर कायद्याच्या कलम ८० अन्वये दीड लाख रुपयांपर्यंत वजावटीचा दावा करू शकते. जीवन विमा प्रीमियम, ईपीएफ (एम्प्लॉइज प्रॉव्हिडंट फंड) योगदान, पाच वर्षांची मुदत ठेव आणि युलिप किंवा युनिट-लिंक्ड विमा योजनेतील गुंतवणूक यासह विविध कर-नियोजन साधनांमध्ये केलेल्या गुंतवणूकीसाठी आपण कर वजावटीसाठी लाभांचा दावा करू शकता.

पती/पत्नी/मुलांसाठी गुंतवणूक : स्वत:च्या, जोडीदाराच्या आणि अवलंबून असलेल्या मुलांच्या विम्यासाठी भरलेला जीवन विमा हप्ता कलम ८० सी अंतर्गत वजावटीस पात्र ठरतो. पीपीएफ, ईपीएफ, युलिप, वार्षिकी योजना, बचत योजना किंवा पेन्शन फंडातील योगदानासाठीही वजावटीचा दावा केला जाऊ शकतो.

मुलींसाठी गुंतवणूक :
सुकन्या समृद्धी खात्यात आपल्या मुलीच्या नावे केलेल्या योगदानावर कर विवरणपत्र भरताना वजावटीसाठी दावा करता येतो.

ट्यूशन फीस :
कोणत्याही दोन मुलांच्या शिक्षणासाठी एखाद्या व्यक्तीने विद्यापीठ, शाळा किंवा देशातील इतर शैक्षणिक संस्थेत पैसे भरल्यावर कर वजावटीचा दावा केला जाऊ शकतो. मात्र, त्यात केवळ ट्युशन फीचा समावेश आहे.

निवासी गृह मालमत्ता खरेदीचे पैसे :
गृह मालमत्ता खरेदी करताना आणि गृहकर्जाच्या परतफेडीच्या वेळी भरलेले कोणतेही मुद्रांक शुल्क आणि नोंदणी शुल्क कलम ८० सी अंतर्गत आयकर वजावटीसाठी पात्र आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Late ITR Filing follow these technics to save maximum tax check details 22 August 2022.