LPG Gas Cylinder Price | तुमचं स्वयंपाकघर अजून महागाईत होरपळणार | गॅस सिलिंडर होणार महाग?

मुंबई, २८ फेब्रुवारी | तेल कंपन्या पहिल्या मार्चला स्वयंपाकाच्या गॅसच्या किमतींबाबत मोठा निर्णय घेणार आहेत. येत्या एक महिन्यासाठी एलपीजी सिलेंडरची किंमत किती असेल याचा निर्णय उद्या 1 मार्च रोजी होणार आहे. तेल आणि एलपीजीच्या किमतींबाबत दर महिन्याच्या १ तारखेला आढावा (LPG Gas Cylinder Price) बैठक घेतली जाते. या बैठकीनंतरच तेल आणि एलपीजीची किंमत वाढते किंवा कमी होते.

LPG Gas Cylinder Price tomorrow, it will be decided that what will be the price of LPG cylinder for the next one month :

एलपीजीच्या किमतीबाबत विशेषत: पेट्रोलियम कंपन्या निर्णय घेतात. यावेळी युक्रेन आणि रशियाच्या युद्धाचा परिणामही या बैठकीत दिसून येईल. अशा स्थितीत भारतातील सर्वसामान्य जनतेलाही या लढ्याचा फटका बसणार का, असा प्रश्न उपस्थित होत आहे. कारण रशिया आणि युक्रेनच्या युद्धामुळे आंतरराष्ट्रीय बाजारात पेट्रोल-डिझेलसोबतच एलपीजीच्या किमतीतही मोठी वाढ होण्याचा अंदाज वर्तवला जात आहे.

युक्रेन-रशिया युद्धाच्या पार्श्वभूमीवर जगातील अनेक देशांमध्ये गॅसच्या किमती वाढण्याची शक्यता व्यक्त केली जात आहे. चार-पाच दिवसांपूर्वी आंतरराष्ट्रीय बाजारात कच्च्या तेलाची किंमत प्रति बॅरल १०१ डॉलरवर गेली आहे. अशा परिस्थितीत भारतात पेट्रोल आणि डिझेलसोबतच एलपीजीच्या किमतीही वाढू शकतात, असे तेल-गॅस क्षेत्रातील तज्ज्ञांचे मत आहे. याचा परिणाम अनेक क्षेत्रांवर होणार आहे.

LPG गॅस सिलेंडरच्या किंमतीवर काय परिणाम होईल?
आंतरराष्ट्रीय बाजारातील किमतींनुसार तेल आणि एलपीजीच्या किमती वाढल्या आणि कमी केल्या जातात. मात्र, फेब्रुवारी महिन्यात 5 राज्यांमध्ये होणाऱ्या विधानसभा निवडणुका पाहता घरगुती एलपीजी सिलिंडरच्या किमतीत कोणतीही वाढ करण्यात आली नव्हती, मात्र आता आंतरराष्ट्रीय बाजारात तेलाच्या किमतीत वाढ झाली आहे, याचा परिणाम भारतावर होऊ शकतो.

गेल्या वर्षी दिवाळीपूर्वीच एलपीजी गॅसच्या दरात वाढ करण्यात आली होती. एलपीजी गॅस सिलिंडरच्या दरात २६६ रुपयांनी मोठी वाढ झाली असली तरी ही वाढ केवळ व्यावसायिक सिलिंडरमध्ये करण्यात आली आहे. घरगुती एलपीजी सिलिंडरच्या किंमतीत कोणताही बदल करण्यात आलेला नाही. गेल्या अनेक महिन्यांपासून घरगुती एलपीजी सिलिंडरच्या किमतीत वाढ होत नाहीये.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो कडून बातमी शेअर करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: LPG Gas Cylinder Price will increase from tomorrow.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.