NTPC Green Share Price | एनटीपीसी ग्रीन एनर्जी शेअर मालामाल करणार, टार्गेट प्राईस नोट करा - NSE: NTPCGREEN

NTPC Green Share Price | एनटीपीसी ग्रीन एनर्जी लिमिटेड कंपनीची उपकंपनी एनटीपीसी रिन्यूएबल एनर्जी लिमिटेड कंपनीला मोठा कॉन्ट्रॅक्ट प्राप्त झाला आहे. उत्तर प्रदेश पॉवर कॉर्पोरेशनने मागवलेल्या निविदांसाठी एनटीपीसी रिन्यूएबल एनर्जी कंपनीने सर्वात कमी बोली लावली होती.

१००० मेगावॅट क्षमतेचा कॉन्ट्रॅक्ट मिळाला

यूपीपीसीएलने दर-आधारित 2000 मेगावॅट आयएसटीएस कनेक्टेड सौर पीव्ही ऊर्जा प्रकल्पांसाठी 3 जानेवारी 2025 रोजी निविदा काढल्या होत्या. यामध्ये एनटीपीसी रिन्यूएबल एनर्जी लिमिटेड कंपनीला १००० मेगावॅट क्षमतेचा कॉन्ट्रॅक्ट मिळाला आहे. मात्र यूपीपीसीएल’कडून अद्याप वर्क ऑर्डर प्राप्त झालेली नाही.

सौर प्रकल्पाचा पहिला भाग कार्यान्वित

गेल्या आठवड्यात एनटीपीसी लिमिटेड कंपनीने माहिती देताना म्हटले होते की, ‘कंपनीने २०० मेगावॅट सौर प्रकल्पाचा पहिला भाग कार्यान्वित केला आहे. एनटीपीसी रिन्यूएबल एनर्जी लिमिटेडकडे देखील हा प्रकल्प आहे. या प्रकल्पामार्फत एनटीपीसी ग्रुपने आतापर्यंत ७६,५९८.१८ मेगावॅट क्षमतेची भर घातली आहे.

एनटीपीसी ग्रीन एनर्जी शेअरची सध्याची स्थिती

शुक्रवार, 03 जानेवारी 2025 रोजी एनटीपीसी ग्रीन एनर्जी शेअर 0.12 टक्क्यांनी वाढून 128.10 रुपयांवर पोहोचला होता. गेल्या महिन्याभरात एनटीपीसी ग्रीन एनर्जी शेअर जवळपास 9.21 टक्क्यांनी घसरला आहे. एनटीपीसी ग्रीन एनर्जी लिमिटेड कंपनीचा 52 आठवड्यांचा उच्चांकी स्तर 155.35 रुपये होता आणि 52 आठवड्यांचा नीचांकी स्तर 111.50 रुपये आहे. एनटीपीसी ग्रीन एनर्जी लिमिटेड कंपनीचे एकूण मार्केट कॅप सध्या 1,08,000 कोटी रुपये आहे.

एनटीपीसी ग्रीन टार्गेट प्राईस

ईटी नाऊ स्वदेश वृत्तवाहिनीवर स्टॉक मार्केट तज्ज्ञांनी एनटीपीसी ग्रीन एनर्जी शेअरसाठी खरेदीचा सल्ला दिला आहे. स्टॉक मार्केट तज्ज्ञांनी एनटीपीसी ग्रीन एनर्जी शेअरसाठी 134 रुपये ही पहिली टार्गेट प्राईस दिली आहे. त्यानंतर हा शेअर १३९ रुपयांपर्यंत वाढू शकतो. मात्र, गुंतवणूकदारांना 120 रुपयांवर स्टॉपलॉस ठेवण्याचा सल्ला देखील मार्केट विश्लेषकांनी दिला आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

Latest Marathi News | NTPC Green Share Price Saturday 04 January 2025 Marathi News.