Nykaa Share Price | नायका शेअर्सबाबत तज्ज्ञ उत्साही, शेअर्सची टार्गेट प्राईस वाढवली, किती फायदा होईल जाणून घ्या

Nykaa Share Price | नुकताच नायका कंपनीने आपले डिसेंबर तिमाहीचे आर्थिक जाहीर केले आहेत. या तिमाहीत कंपनीचा निव्वळ नफा दुप्पट झाला आहे. बुधवारच्या ट्रेडिंग सेशनमध्ये सुरुवातीच्या काही तासात नायका स्टॉक 6 टक्के वाढीसह 170.05 रुपये किमतीवर ट्रेड करत होता. आज मात्र या कंपनीच्या शेअर्समध्ये किंचित नफा वसुली पाहायला मिळाली आहे. आज गुरूवार दिनांक 8 फेब्रुवारी 2024 रोजी नायका स्टॉक 2.91 टक्के घसरणीसह 152 रुपये किमतीवर क्लोज झाला आहे.

सौंदर्य आणि फॅशन रिटेलर नायकाची मूळ कंपनी असलेल्या FSN ई-कॉमर्स व्हेंचर्स कंपनीने मंगळवारी आपले डिसेंबर 2023 तिमाहीचे निकाल जाहीर केले. यात कंपनीने माहिती दिली की, डिसेंबर तिमाहीत कंपनीचा निव्वळ नफा 16.2 कोटी रुपये नोंदवला गेला आहे. मागील वर्षी याच तिमाहीत कंपनीने 8.2 कोटी रुपये निव्वळ नफा कमावला होता. म्हणजेच वार्षिक आधारावर कंपनीच्या निव्वळ नफ्यात 98 टक्के वाढ पाहायला मिळाली आहे.

डिसेंबर 2023 तिमाहीत नायका कंपनीने मागील वर्षीच्या याच तिमाहीच्या तुलनेत 22 टक्के वाढीसह 1789 कोटी रुपये महसूल संकलित केला आहे. मागील वर्षी याच तिमाहीत कंपनीने 1,462 कोटी रुपये महसूल संकलित केला होता. नायका कंपनीची व्याज, कर, घसारा आणि कर्जमाफी पूर्वीची कमाई डिसेंबर 2023 तिमाहीत 78 कोटी रुपयेवरून 26.4 टक्के वाढून 99 कोटी रुपये नोंदवली गेली आहे.

नायका कंपनीचे GMV डिसेंबर तिमाहीत वार्षिक आधारावर 29 टक्के वाढून 3,619.4 कोटी रुपये नोंदवले गेले आहे. कंपनीच्या सर्व विभागांनी मजबूत आर्थिक कामगिरीत सहभाग नोंदवला आहे. सौंदर्य आणि पर्सनल केअर GMV ने 25 टक्के वार्षिक वाढ नोंदवली आहे. तर फॅशन GMV 40 टक्के वाढली आहे.

नुवामा इन्स्टिट्यूशनल इक्विटीज फर्मच्या तज्ञांनी नायका स्टॉकवर ‘बाय’ रेटिंग देऊन स्टॉक खरेदी करण्याचा सल्ला दिला आहे. तज्ञांच्या मते, या कंपनीचे शेअर्स पुढील काळात 189 रुपये किंमत स्पर्श करतील. जेएम फायनान्शिअल फर्मने 2025-28 या आर्थिक वर्षात नायका कंपनीची GMV आणि महसूल अंदाज अनुक्रमे 0.6 ते 1.1 टक्के आणि 0.9 ते 1.4 टक्के राहण्याचा अंदाज व्यक्त केला आहे. जेएम फायनान्शिअल फर्मने नायका स्टॉकवर 210 रुपये टार्गेट प्राईस जाहीर करून स्टॉक खरेदी करण्याचा सल्ला दिला आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Nykaa Share Price NSE Live 08 February 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.