PPF Calculator | सामान्यांसाठी प्रचंड फायद्याची आहे ही गुंतवणूक, दीर्घकाळात करोडचा परतावा मिळेल

PPF Calculator | विशेषत: दीर्घकालीन गुंतवणुकीचे नियोजन करणाऱ्यांसाठी पब्लिक प्रॉव्हिडंट फंड (पीपीएफ) हा अतिशय लोकप्रिय पर्याय आहे. १५ वर्षांचा मॅच्युरिटी कालावधी असल्याने दीर्घकालीन गुंतवणुकीला चालना मिळते. त्याचबरोबर या सरकारी योजनेतील गुंतवणुकीवर परताव्याची हमी आहे. मुलांचे शिक्षण, लग्नापासून निवृत्तीपर्यंत अनेक जण या अल्पबचत योजनेत पैसे गुंतवतात. शिस्तबद्ध पद्धतीने गुंतवणूक केली तर कोट्यधीश होणं सोपं जातं. त्याचबरोबर रेपो दरात सातत्याने वाढ झाल्यानंतर सध्याचे व्याजदरही आणखी वाढू शकतात.

१ कोटीचा निधी तयार करू शकता :
* जास्तीत जास्त मासिक ठेव : १२,५०० रुपये (वार्षिक १.५० लाख रुपये)
* व्याज दर: वार्षिक 7.1% चक्रवाढ
* १५ वर्षांनंतर मॅच्युरिटीवर रक्कम : ४०,६८,२०९ रु.
* 25 वर्षानंतर एकूण रक्कम : 1.03 कोटी रुपये (मॅच्युरिटीनंतर 2 वेळा 5-5 वर्षांसाठी मुदतवाढ)
* एकूण गुंतवणूक : ३७,५०,०००
* व्याजाचा लाभ : ६५,५८,०१५ रु.

योजनेचा फायदा काय :
१. पीपीएफचा व्याजदर वार्षिक ७.१ टक्के आहे, जो बँक मुदत ठेवींपेक्षा जास्त आहे. दीर्घ मुदतीची योजना असल्याने त्यात कम्पाउंडिंगचा लाभ मिळणार आहे.

२. पीपीएफ योजनेअंतर्गत ठेवींना कलम ८०सी अंतर्गत कर लाभ मिळतो. एका वर्षात जास्तीत जास्त दीड लाख रुपये पीपीएफ खात्यात जमा करता येतात. ‘पीपीएफ’च्या ठेवींवरील व्याज आणि मुदतपूर्तीवरील निधी करमुक्त असतात.

३. पीपीएफ खातेदाराला खाते उघडण्याच्या एक वर्षाची मुदत संपल्यानंतर त्याच्या ठेवीवर कर्ज मिळू शकते. पीपीएफ ठेवींवर सार्वभौम हमी आहे. म्हणजे तुमचे पैसे सुरक्षित राहतील, तर परताव्याची हमी आहे.

४. नियमानुसार, पीपीएफच्या खातेदाराने कर्ज बुडवल्यास त्याच्या पीपीएफ खात्यात जमा झालेली रक्कम कोर्टाच्या आदेशाने किंवा हुकुमानुसार जोडता येत नाही.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: PPF Calculator to get good return in long term check details 08 August 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.