SBI YONO App | एसबीआय देतंय 35 लाख रुपयांपर्यंत झटपट कर्ज | ट्विट करून दिली माहिती

SBI YONO App | देशातील सर्वात मोठी बँक एसबीआयचे तुम्ही ग्राहक असाल तर ही बातमी तुमच्या कामाची असू शकते. वास्तविक, स्टेट बँक ऑफ इंडियाने (एसबीआय) आपल्या खास ग्राहकांसाठी योनो अॅपवर रिअल-टाइम एक्सप्रेस क्रेडिट (आरटीएक्ससी) ऑफर आणली आहे. याअंतर्गत पात्र ग्राहक योनो अॅपद्वारे 35 लाख रुपयांपर्यंत पर्सनल लोन घेऊ शकतात. महत्त्वाचं म्हणजे या कर्जासाठी कोणत्याही कागदपत्रांची गरज नाही.

कोणासाठी ऑफर :
एसबीआयची ऑफर सरकारी पगारदार ग्राहकांसाठी आहे. हे फक्त त्याच ग्राहकांसाठी असेल ज्यांचे पगार खाते एसबीआयमध्ये आहे. ‘केंद्र/राज्य सरकार आणि संरक्षण क्षेत्रात काम करणाऱ्या पगारदार ग्राहकांना यापुढे वैयक्तिक कर्ज घेण्यासाठी शाखेत जाण्याची गरज भासणार नाही,’ असे बँकेने म्हटले आहे. बँकेच्या म्हणण्यानुसार, सिबिल स्कोअर तपासण्याबरोबरच पात्रता, कर्जाची रक्कम मंजूर करणे आदी कामे डिजिटल पद्धतीने केली जाणार आहेत. ही प्रक्रिया लवकरात लवकर पूर्ण केली जाईल.

एसबीआयचे अध्यक्ष दिनेश कुमार खारा म्हणाले की, एक्सप्रेस क्रेडिट प्रॉडक्टमुळे बँकेशी संबंधित ग्राहकांना डिजिटल, त्रासमुक्त आणि पेपरलेस कर्ज देण्याच्या प्रक्रियेचा अनुभव घेता येईल.

Say yes to your dreams!
Introducing Real Time Xpress Credit (RTXC) for our eligible salaried customers.
Easy and instant loan up to 35 lakhs on Yono app.#RTXC #PersonalLoan #StateBankOfIndia #AmritMahotsav #AzadiKaAmritMahotsavWithSBI pic.twitter.com/Oiz6alDiBx

— State Bank of India (@TheOfficialSBI) May 23, 2022

या आहेत आवश्यक अटी :
१. ज्यांचे एसबीआयमध्ये सॅलरी अकाउंट आहे.
२. किमान मासिक उत्पन्न १५ हजार रुपये होणार
३. जे कर्मचारी केंद्र / राज्य / निमसरकारी, केंद्रीय सार्वजनिक क्षेत्रातील उपक्रम आणि राज्य सार्वजनिक क्षेत्रातील उपक्रम इत्यादींमध्ये कार्यरत आहेत.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: SBI YONO App for instant loan up to rupees 35 lakhs check details 26 May 2022.