Tata Group Share | गुंतवणूकदारांना 8300 टक्के परतावा देणाऱ्या टाटा एलेक्सी शेअरची जोरदार खरेदी सुरु, नेमकं कारण काय?

Tata Group Share | टाटा एलेक्सी या टाटा समूहाचा भाग असलेल्या कंपनीच्या शेअरने आपल्या गुंतवणूकदारांना 8300 टक्के परतावा कमावून दिला आहे. आता या कंपनीच्या गुंतवणूकदारांसाठी एक खुश खबर आली आहे. टाटा एलेक्सी कंपनी आता ISRO च्या गगनयान मोहिमेमध्ये सामील होणार आहे. टाटा एलेक्सी ही जगातील एक आघाडीची अभियांत्रिकी कंपनी आहे.

टाटा एलेक्सी शेअरची सध्याची किंमत?

इस्रोच्या या अंतराळ मोहिमेसाठी Crew Module Recovery Models म्हणजेच CMRM डिझाइन आणि विकसित करण्यासाठी टाटा एलेक्सी कंपनीने आपले योगदान दिले आहे. आज शुक्रवार दिनांक 9 जून 2023 रोजी या कंपनीचे शेअर्स 0.38 टक्के वाढीसह 7,874.35 रुपये किमतीवर ट्रेड करत आहेत.

गगनयान मिशन डिटेल

भारतीय अवकाश संशोधन संस्था गगनयान मोहिमेअंतर्गत भारतीय अंतराळवीरांना अवकाशात पाठवणार आहे. या मोहिमे अंतर्गत इस्रो प्रवाशांना पृथ्वीपासून 400 किलोमीटरपर्यंत अंतरावर घेऊन जाणार आहे. गगनयान या संपूर्ण मोहिमेतील सर्वात महत्त्वाचा आणि रिस्की भाग म्हणजे प्रवाशांना सुरक्षित परत घेऊन येणे. त्यावर टाटा एलेक्सी कंपनी इस्रोला मदत करणार आहे.

टाटा एलेक्सी स्टॉक कामगिरी

7 जून 2013 रोजी या कंपनीचे शेअर्स 92.05 रुपये किमतीवर ट्रेड करत होते. तेव्हापासून या कंपनीच्या शेअरच्या किमतीत 8300 टक्क्यांची वाढ पाहायला मिळाली आहे. बुधवारच्या ट्रेडिंग सेशनमध्ये हा स्टॉक 1.27 टक्क्यांच्या वाढीसह 7696.50 रुपये किमतीवर ट्रेड करत होता. मागील एका महिन्यात टाटा एलेक्सी कंपनीच्या शेअर्सने आपल्या गुंतवणुकदारांना 12.62 टक्के परतावा कमावून दिला आहे.

Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

Latest Marathi News | Tata Group Share of Tata Elxsi share price today on 09 June 2023.