Tata Power Share Price | टाटा पॉवर शेअर 'पॉवर' दाखवणार, कंपनीबाबत फायद्याची अपडेट, स्टॉक 'BUY' करावा?

Tata Power Share Price | टाटा समूहाचा भाग असलेल्या टाटा पॉवर कंपनीने माहिती दिली की त्यांची संपूर्ण मालकीची उपकंपनी (NSE: TataPower) टाटा पॉवर रिन्युएबल एनर्जी लिमिटेडने ICICI बँकेसोबत करार केला आहे. या करारा अंतर्गत गृहनिर्माण आणि कॉर्पोरेट ग्राहकांसाठी निधीची व्यवस्था केली जाणार आहे. ICICI बँक टाटा पॉवर कंपनीच्या ग्राहकांना 5 वर्ष कालावधीसाठी 90 लाखांपर्यंत कर्ज उपलब्ध करून देणार आहे. ( टाटा पॉवर कंपनी अंश )

मोठे कर्ज घेणारे कर्जदार 20 वर्षांपर्यंतच्या कालावधीच्या कर्जाची देखील निवड करू शकतात. तारण-मुक्त कर्ज हे एक असुरक्षित वैयक्तिक कर्ज मानले जाते, ज्यासाठी कर्जदाराला कर्जाविरुद्ध कोणतीही मालमत्ता गहाण न ठेवता कर्ज उपलब्ध करून दिले जाते. आज सोमवार दिनांक 26 ऑगस्ट 2024 रोजी टाटा पॉवर स्टॉक 0.12 टक्के घसरणीसह 417.45 रुपये किमतीवर ट्रेड करत आहे.

आयसीआयसीआय बँक टाटा पॉवर सोलर सिस्टीम्स लिमिटेड कंपनीकडून सौर पॅनेल खरेदी करण्यासाठी ग्राहकांना आकर्षक व्याजदरासह कर्ज उपलब्ध करून देणार आहे. या कर्जाच्या एकूण रकमेच्या 20-25 टक्के रक्कम फ्लेक्सी डाउन पेमेंट देण्याचा पर्याय देखील उपलब्ध असेल. टाटा पॉवर रिन्युएबल एनर्जीचे सीईओ आणि व्यवस्थापकीय संचालक यांनी एका निवेदनात माहिती दिली की, फ्लेक्सी फंड सोल्यूशन सादर करून आम्ही ग्राहकांच्या सर्व प्रकारच्या सुविधा देत आहोत. तसेच ICICI बँकेने म्हंटले की, Tata Power Solar Systems सोबतचे कंपनीचे सहकार्य हरित ऊर्जा उपक्रमांना पाठिंबा देण्यात आणि गृहनिर्माण आणि कॉर्पोरेट ग्राहकांना सोलर सोल्यूशन्समध्ये गुंतवणूक करण्यासाठी आर्थिक सहाय्य प्रदान करेल.

टाटा पॉवर कंपनी लिमिटेडचे शेअर्स शुक्रवारी 1.15 टक्के घसरणीसह 418 रुपये किमतीवर क्लोज झाले होते. जून तिमाहीत टाटा पॉवर कंपनीचा निव्वळ नफा 31 टक्क्यांनी वाढून 1,189 कोटी रुपये नोंदवला गेला होता. मागील 19 तिमाहीपासून टाटा पॉवर कंपनीच्या निव्वळ नफ्यात मजबूत वाढ पाहायला मिळत आहे. जून 2024 ला संपलेल्या तिमाहीत या कंपनीचे उत्पन्न वार्षिक 12 टक्क्यांनी वाढून 16,810 कोटी रुपये नोंदवले गेले होते.

News Title | Tata Power Share Price NSE: TataPower 26 August 2024.

Disclaimer: Get latest updates on Stock Market & Business News. Find Nifty 50, Gift Nifty, Gift Nifty Live, SGX Nifty, SGX Nifty Futures Live, SGX Nifty Futures, NSE Option Chain, Option Chain NSE, BSE Sensex, BSE Share Price, Silver MCX, MCX option Chain, MCX Cotton Live, Gold MCX Breaking News Today बिझनेस ब्रेकिंग न्यूजसाठी महाराष्ट्रनामा Marathi News फॉलो करा.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.