Yes Bank Share Price | संधी सोडू नका! येस बँक शेअर मालामाल करणार, पुढे किती कमाई होईल?

Yes Bank Share Price | येस बँकेच्या शेअर्समध्ये मागील काही काळापासून जबरदस्त अस्थिरता निर्माण झाली आहे. आज देखील हा स्टॉक जोरदार विक्रीच्या दबावात ट्रेड करत आहे. सोमवारी येस बँक स्टॉक 4.88 टक्के वाढीसह 25.99 रुपये किमतीवर पोहोचला होता. शेअर बाजारात घसरण असताना देखील येस बँक स्टॉक सोमवारी 5 टक्के वाढला होता. आज मात्र परिस्थिती काहीशी उलट झाली आहे. आज मंगळवार दिनांक 23 जुलै 2024 रोजी येस बँक स्टॉक 1.48 टक्के घसरणीसह 25.29 रुपये किमतीवर ट्रेड करत आहे. ( येस बँक अंश )

नुकताच येस बँकेने आपले जून तिमाहीचे निकाल जाहीर केले आहेत. या तिमाहीत येस बँकेचा निव्वळ नफा वार्षिक आधारावर 46.69 टक्क्यांनी वाढून 502.43 कोटी रुपये नोंदवला गेला आहे. मागील वर्षी याच तिमाहीत येस बँकेने 342.52 कोटी रुपये नफा कमावला होता. जून 2024 तिमाहीत येस बँकेचे एकूण उत्पन्न 17.59 टक्क्यांनी वाढून 8,918.14 कोटी रुपयेवर पोहोचले आहे.

सोमवारच्या ट्रेडिंग सेशनमध्ये येस बँकेचे 56.01 लाख शेअर्स ट्रेड झाले होते, ज्याचे एकूण मूल्य 14.38 कोटी रुपये होते. या बँकेचे एकूण बाजार भांडवल 79,843 कोटी रुपये आहे. मागील एका वर्षात येस बँकने आपल्या गुंतवणुकदारांना 42 टक्के परतावा कमावून दिला आहे. मागील दोन वर्षांत या बँकेचे शेअर्स तब्बल 74 टक्के वाढले आहे.

9 फेब्रुवारी 2024 रोजी येस बँकेचे शेअर 32.81 रुपये या आपल्या 52 आठवड्यांच्या उच्चांक किमतीवर पोहचले होते. तर 23 ऑक्टोबर 2023 रोजी या बँकेचे शेअर्स 14.10 रुपये या आपल्या 52 आठवड्यांच्या नीचांक किमतीवर ट्रेड करत होते. येस बँकेचा एक वर्षाचा बीटा 1.3 आहे, जो या कालावधीत उच्च अस्थिरता दर्शवतो. या स्टॉकचा RSI 50.1 अंकावर आहे. यावरून कळते की हा स्टॉक ओव्हरबॉट किंवा ओव्हरसोल्ड झोनमध्ये ट्रेड करत नाही.

येस बँकेचे शेअर्स आपल्या 20 दिवस, 50 दिवस, 100 दिवस, 150 दिवस, 200 दिवसांच्या सिंपल मुविंग एव्हरेज पेक्षा जास्त किमतीवर ट्रेड करत आहे. मात्र 5 दिवस आणि 10 दिवसांच्या SMA पेक्षा कमी किमतीवर ट्रेड करत आहे. जून तिमाहीत येस बँकेने एकूण 1199 कोटी रुपये व्याज उत्पन्न कमावले आहे. वार्षिक आधारावर येस बँकेच्या व्याज उत्पन्नात 20.5 टक्क्यांची वाढ नोंदवली गेली आहे. येस बँकेचे निव्वळ तरतूद खर्च 41.2 टक्क्यांनी कमी झाले असून RoA 0.4 टक्क्यांवरून 0.5 टक्केवर आला आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Yes Bank Share Price NSE Live 23 July 2024.