MPSC परीक्षा पुढे ढकलली | पण तारीख जाहीर न केल्याने विद्यार्थ्यांमध्ये नाराजी

मुंबई, २ सप्टेंबर : कोरोना व्हायरसच्या परिस्थितीमुळे महाराष्ट्र लोकसेवा आयोगाच्या सर्व परीक्षा पुढे ढकलण्याचा निर्णय घेण्यात आला होता, अशी माहिती मुख्य सचिवांनी मंत्रिमंडळ बैठकीनंतर दिली होती. मुख्यमंत्री उद्धव ठाकरे यांच्या अध्यक्षतेखाली झालेल्या मंत्रिमंडळाच्या बैठकीत विविध निर्णय घेण्यात आले होते.

याआधी महाराष्ट्र राज्य लोकसेवा आयोगाच्या २० सप्टेंबर रोजी होणाऱ्या पूर्वपरीक्षेचे जिल्हा स्तरावर केंद्र बदलून द्यावे, या मागणीसाठी विद्यार्थ्यांनी मुंबई उच्च न्यायालयाच्या नागपूर खंडपीठात याचिका दाखल केली होती. विद्यार्थी संघटना आणि लोकप्रतिनिधींकडून वारंवार मागणी करूनही आयोगाने दखल न घेतल्याने विद्यार्थ्यांनी आता थेट न्यायालयात धाव घेतली होती.

कोविड परिस्थितीमुळे महाराष्ट्र लोकसेवा आयोगाच्या सर्व परीक्षा पुढे ढकलण्याचा निर्णय घेण्यात आला आहे. सुधारित वेळापत्रक पुढे जाहीर करण्यात येईल.

— CMO Maharashtra (@CMOMaharashtra) August 26, 2020

मुख्यमंत्री कार्यालयाने जाहीर केलेल्या निर्णयाला एमपीएससीने केवळ दुजोरा दिला आहे. नवीन तारखा जाहीर होतील,अशी अपेक्षा होती. मात्र, तारखा जाहीर न झाल्याने विद्यार्थ्यांमध्ये निराशा आहे.सातत्याने परीक्षा पुढे ढकलल्या जात असल्यामुळे अभ्यासाचे नियोजन करण्यात अडचणी येत आहेत असं MPSC’ची तयारी करणारे विद्यार्थी सुहास कांबळे म्हणाले.

राज्य सेवा पूर्व परीक्षा एमपीएससीच्या नियोजित वेळापत्रकाप्रमाणे होईल,असे वाटले होते.त्यामुळे घरच्यांचा विरोध पत्कारून गाव सोडून पुण्यात परीक्षा देण्यासाठी आलो. कोरोनाच्या वाढत्या प्रादुभार्वामुळे शहरात राहणे धोक्याचे वाटत असून नवीन तारखा जाहीर न झाल्याने निराशा झाली आहे. आता पुन्हा नवीन तारखांची वाट पहावी लागणार आहे असं स्पर्धा परीक्षांची तयारी करणारे विद्यार्थी महेश चोबे म्हणाले.

News English Summary: The MPSC has only confirmed the decision announced by the Chief Minister’s Office. New dates were expected to be announced. However, there is frustration among the students as the dates have not been announced.

News English Title: Competition exam announces postponement but students shows Frustration for not announcing dates Marathi News Live Latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.