Gold and Silver Price | सोन्या-चांदीची चमक वाढली | पाहा आजचा मुंबई आणि इतर शहरातील दर

Gold and Silver Price | रुपयातील सततच्या घसरणीमुळे शुक्रवार, २० मे रोजी देशांतर्गत बाजारात सोन्याची चमक आणखी वाढली. सोन्याच्या दरात आज तब्बल २३१ रुपये प्रति दहा ग्रॅमची वाढ झाली. या तेजीमुळे दिल्ली सराफा बाजारात सोने 50,608 रुपये प्रति 10 ग्रॅम झाले. एचडीएफसी सिक्युरिटीजचे वरिष्ठ विश्लेषकांनी (कमोडिटीज) ही माहिती दिली. याआधीच्या ट्रेडिंग सेशनमध्ये सोनं 50,377 रुपये प्रति 10 ग्रॅमवर बंद झालं होतं. शुक्रवारी डॉलरच्या तुलनेत रुपया ७ पैशांनी घसरला आणि ७७.६३ प्रति डॉलरवर बंद झाला. रुपयाची ही आतापर्यंतची नीचांकी पातळी आहे.

The continued fall in the rupee further increased the shine of gold in the domestic market on Friday, May 20. Gold prices rose by a whopping Rs 231 per ten grams today :

चांदीचे दरही वाढले :
सोन्याबरोबरच दिल्ली सराफा बाजारातही चांदीच्या दरात आज वाढ झाल्याचं पाहायला मिळालं. चांदी 585 रुपयांनी वाढून 61,657 रुपये प्रति किलो झाली आहे. याआधीच्या ट्रेडिंग सेशनमध्ये चांदी 61,072 रुपये प्रति किलोवर बंद झाली होती.

मुंबई बाजारात सोन्या-चांदीचे दर :
मुंबई सराफा बाजारात स्टँडर्ड सोने (९९.५) प्रति दहा ग्रॅम ५०,८२३ रुपयांवर बंद झाले, तर शुद्ध सोने (९९.९) ५१,०२७ रुपयांवर बंद झाले. मुंबईत चांदी 62,004 रुपये प्रति किलोवर बंद झाली.

आंतरराष्ट्रीय बाजारात सोन्या-चांदीचे दर :
आंतरराष्ट्रीय बाजारात सोने प्रति औंस 1,845 डॉलरवर, तर चांदी जवळपास 21.92 डॉलर प्रति औंसवर स्थिर होती. एचडीएफसी सिक्युरिटीजचे वरिष्ठ विश्लेषक (कमोडिटीज) तपन पटेल यांच्या मते, शुक्रवारी न्यूयॉर्कस्थित कमॉडिटी एक्सचेंज कॉमेक्सवर सोन्याची स्पॉट प्राइस ०.२३ टक्क्यांनी वाढून १,८४५ डॉलर प्रति औंसवर ट्रेड करत होती, ज्यामुळे त्याचे भाव मजबूत झाले.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो कडून बातमी शेअर करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Gold and Silver Price check details here 21 May 2022.